الكفتة اليونانى مع صلصة الزبادى بالخيار
نقدم لكم طريقة عمل الكفتة اليونانى مع صلصة الزبادى بالخيار وهي وصفة سهلة وبسيطة وهذه الوصفة تصلح لمن يتبعون نظام غذائي لانقاص الوزن وهذه الكمية تكفي فردين .
الكفتة اليونانى مع صلصة الزبادى بالخيار
المقادير :
- ربع كيلو لحمة مفرومة من غير دهون
- نص بصلة مفرومة ناعم
- فص توم كبير مفروم
- معلقتين كبار بقدونس مفروم
- رشة نعناع ناشف
- ملح
- فلفل
- جوزة الطيب
الكفتة اليونانى مع صلصة الزبادى بالخيار
الطريقة :
- نسخن الفرن على أعلى درجة
- نرش قوالب الكب كيك بإسبراى الزيت أو نبطنها بورق الكب كيك
- نخلط مكونات اللحمة مع بعض كويس أوى وبعدين نرصها فى قوالب الكب كيك
- نحطها فى الفرن وبعد أول ٢٠ دقيقة نقلل الفرن ل ١٨٠ ونسيبها لحد ماتستوى إحنا علينا الحرارة فى الأول علشان الكفتة ماتنزلش مية كتير
- أول ماتستوى نجهز صينية فى وسطها ورقة فويل وفيها حتة صغيرة زبدة ونكون مولعين عليها فحمة. ننقل الكفتة فى الصينية ونحط الفحماية على الفويل ونغطى ونسيبها تاخد ريحة الشوى.
ملحوظة :
لو حد معندهوش صينية الكب كيك نشكل الكفتة زى الهمبورجر بس أتخن شوية ونشويها على الجريل وبعدها نعمل خطوة الفحم بردو.
الكفتة اليونانى مع صلصة الزبادى بالخيار
سلطة الزبادي بالخيار
المقادير :
- نصف كيلو زبادى
- 3 ثمرة خيار مبشور
- ربع ملعقة سكر
- ملح
- نعناع
الطريقة :
- يوضع الزبادى فى البولة ويقلب جيدا ثم يضاف اليه الملح والنعناع الناشف ويقلب جيدا مع اضافة السكر.
- يضاف الخيار ويقلب مع الزبادى .
- يوضع فى طبق التقديم ويزين بشرائح الخيار وورق النعناع الاخضر
