طريقة عمل أرز باللبن زي المحلات
هنقدملك انهاردة طريقة عمل الأرز باللبن بتكاته وحركاته وهيطلع كمان أحلى من بتاع المحلات .
المقادير
- نصف كوب أرز
- كيلو لبن حليب
- 8 ملاعق سكر حسب المذاق
- نصف ملعقة صغيرة فانيليا
- قشده ( اختياري او ممكن وش اللبن واقولي تعمليه زي الاقشطه الزايا )
- 2 ملاعق كريمة بودرة
- مكسرات ( اختياري)
الطريقــــة :
أولاً القشطه :
يتم غلي اللبن اول مايغلي تغطيه بالغطاء مباشره وبعد مايبرد يوضع بالثلاجه (البراد ) ولايرفع الغطاء الا بعد يوم كامل حتلاقي الوش تقيل وكتير انت كدا عملتي قشطه زي الفل
نغسل الارز بماء ساخن حتي تصبح المياه بيضاء وصاقيه والارز ظاهر فيها
الطريقة :
- اول ماللبن يسخن نضع الرز ونصف كمية السكر وكل شويه اقلب لحد ما اللبن غلى كويس والرز جواه طبعا وبعدين اطفي النار ونسيبهم ساعتين
- وبعد الساعتين اشغل النار عليه تاني واسيبه لحد ماالارز يستوى واذا احتاج لبن ازود كوب لبن كبير تانى واضيف القشطه (وش اللبن ) والكريمه البودرة وباقي كمية السكر حسب المذاق المطلوب ونسيبهم يغلي شوية واقلب كويس
- بعد كده اجيب معلقتين او تلاته كبار نشا مدوبين فى شوية ميه ع البارد واضيفه على الأرز ونقلب لحد مايوصل للقوام المطلوب
- نضع معلقه فانيليا ويقلب كويس ويغلي غليتين ونطفي النار ويصب في الكاسات ويزين بالمكسرات والفاكهه حسب الرغبه والموجود