خليكي ذكية وبلاش فضايح!!!!!!!!

[سعادتى فى رضا ربى]

خليكي ذكية وبلاش فضايح!!!!!!!!


أجمل ما في الخطوبة العزومات الرومانسية.. على أحلى محلات أكل ف البلد..

واللي عمرك مانتي شايفاها بعد الجواز..

المهم نصائحي لكي عند أي عزومة مع خطيبك... قلنا رقَّة..

الأول لازم تعرفي إن الشوكة والسكينة بيتمسكوا من إيديهم من الطرف

يعني مش من الوسط ولا من البوز زي الخنجر ولا من فوق طبعًاا


العيش أوعي تفضحينا وتقطعيه بسنانك.. ولاالرغيف نصين بأيدك وكل نص

لقمة وتحشري.. أوعي.. العيش بيتقطع بالسكينة ف الطبق..وبعدين تاخدي

لقمة.. لقمة.. بالعافية.. قال يعني نفسك مسدودة.. اضغطي على أعصابك

جدااا وبعدين لما تروَّحي.. إبقي حِفِّي زي مانتِي عايزة


الشوووربة..أبوس ايدك.. بند الشوربة ده مهم جدًاااا.. الشوربة

تتشرب من غير صوت خالص... ومن غير ماتقعدي تنفخي فيها.. زي القهوجي

اللي بينفخ ف الحجر للزبون.. وطبعًاااااا عايزك تنسى تمامًا..

السلطانية اللي بتقيميها على بقك في البيت.. وتدلدقي على روحك..

بالمعلقة وبدون صوت.. سخنة ولعة برضه بدون صوت.. وتسيبي

تلت الطبق ع الأقل.. مش تميليه.. عشان تلهطيها لآخر نقطة..


الرز طبعاً .. بيتاكل بالشوكة.. أوعي إيدك تتمد ع المعلقة..

وتغرفي من طبق الرز وتعبي.. إوعي.. الرز بالشوكة..


المكرونة.. الاسباكتي.. برضه بالشوكة.. تتلف على طرف الشوكة.. لحد ما

تخلص وبعدين تحطيها ف بؤك من سكات.. مش تشفطي المكرونة عود عود..

السمك.. مشكلة.. شوفي..

بتفصلي اللحم عن الشوك.. إزاي..؟؟

تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية..

متقلبيش السمكة.. بلاش فلح.. شيلي السلسلة بالشوكة والسكينة وحطيها في جنب الطبق

وكملي أكل النص التاني.. وبدل الفيلم الهندي ده..

نصيحة..

ماتكليش السمك خالص..قولي مابحبش السمك وخلصي نفسك..

الجمبري.. ((إذا كنتي عارفاه)).. أول ما طبق الجمبري ينزل.. بصيله

بقرف واحتقار شديدين.. آل يعني زهقانة من كتر أكل الجمبري الجامبو في

بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية..

بالشوكة.. أنا ف عرضك ....... إنسي المصمصة دلوقتي..

البطاطس سواء مسلوقة أو محمرة.. أوعي تهرسيها وتدبيها ع الرز وتدي ..

لآ.. لآ.. لآ.. بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..


الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك

وهي مقفولة.. وبعدين ف طفاية السجاير اللي ع الترابيزه.. أوعي

ياحبيبتي من نظام التفتفة للبذر.. إنسي..



ولما تخلصي أكل تحطي إيدك على بطنك..

((اللي عصافيرها بتصوصو من العينات اللي كلتيها))..

وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه..

وبعدين تمسكي الفوطة اللي دايمًا موجودة ع التربيزة من غير لازمة..

وتبوسيها.. آل يعني بتمسحي بؤك..


وبعدين تستأذني منه لدخول التوليت لإصلاح ماكياجك.. وتخشي التواليت

وتطلعي من شنطة إيديك.. لفة الفول والطعمية اللي جايباها معاكي..

وبالهنا والشفااااااااااا

[ورد الجوري]

هههههههههههههههه
روعه بجد روعه
يسلم فمك ياقمررررhappy

[خلود 26]

ههههههههههههههه تصدقي كانت ايام حلوة :)

[سعادتى فى رضا ربى]

شكرا لمروركم الجميل ورد و خلود

[ღღ الماسه بس حساسه ღღ]

ههههههههههههههه رووعه

blehbleh

[بنت الميزان]

هااهاهاهاهيهيهيه
مشكورة

[سمرا مصر]

شكرا على النصايح
كويس الواحد اخد فكرة كويسه علشان ما يبوظ الدنيا اما يتخطب smilingr.r

[سكون]

خخخخخخخخخ حركات
و الله تحصل كل هذا أيام الخطوبة

[سعادتى فى رضا ربى]

بنت الميزان & سمرا مصر&سكــــون
شكراااا لمروركم الغالى

[honey]

خخخخخخخخخخخخخخخخخ
ههههههههههههههههههه
روعة:biggrin:
شكرا أمولة :)