نكت بجد مش هتقدر تبطل ضحك

[سعادتى فى رضا ربى]

مرة واحد ماشى مع خطيبته وآخر انسجام فقالها "عارفة إيه هو الحب وإيه
الجواز؟" قالته "لا" قالها: "الحب زى النجوم الجميلة اللي في السماء"
قالت له "طب والجواز؟" قالها:"دي البلاعة اللي وإحنا بنبص على النجوم
بنقع فيها.."



واحد متجوز وقاعد في البيت وبيبص كتير في عقد الزواج، مراته قالت له:
"بتبص في عقد الزواج ليه يا حبيبي؟" قالها: "مش عارف يا حياتي
المأذون كتب تاريخ انتهاء العقد فين



واحد نشر في إعلانات مبوبة :مطلوب زوجة!!! تاني يوم جاله 100 جواب
فيهم نفس الرد: تاخد بتاعتي؟؟




واحد قاعد في أمان الله بيقرا الجرنان، وفجأة جت
مراته وضربته بغطا
الحلة فوق دماغه .. طرررررخ!!! الزوج: "فيه ايه يا بنت الحلال؟ ليه
كدا؟؟؟"
الزوجه:"إيه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده أسم الحصان اللي بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا
الجرنان، وفجأة جت مراته وضربته بغطا الحلة على راسه !! الزوج: "خير
يابنت الحلال في ايه تاني؟؟" الزوجه:"حصانك على التليفون ..!!"





مرة واحدة قالت لجوزها "إهدى حبيبى كدة وأرجع زى زمان"، الراجل طلقها و رجع لأيام العذوبية



واحد بيقول لمراته ... انا النهاردة عايز رومانسية فى البيت ... راحت
الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز


واحده بتقول لجوزها
بكره عيد ميلادى ......
قالها :هنقف دقيقتين حداد


مره واحده بتقول لجوزها "تصدق إن أنا كل يوم بحلم بيوم جوازنا" قالها
"هى لسه الكوابيس دى بتجيلك؟"



مرة حماة أرادت اختباره اجواز بناتها فاخذت الأول وعملت نفسها اتزحلقت
في البحر فنزل وراها وانقذها، تانى يوم وجد عربية
بيجو ومكتوب عليها
"هدية من حماتك"
وفعلت نفس الشئ مع الثانى فاحضر لها الاسعاف ووجد فى
تانى يوم عربية بيجو ونفس الرسالة، أما الثالث فسبها تغرق، ففى اليوم
التالى وجد عربية مرسيدس ومكتوب عليها "هدية من حماك"


مرة واحد
قال لصاحبه "عاوز أعمل لمراتي مفاجأة
فى عيد جوازنا" صاحبه
قالوا "هتعمل إيه؟" قالوا "هوديها الصين" قالوا "يا راجل فى عيد
جوازكوا العاشر توديها الصين، أومال فى عيد جوازكوا الخمسة وعشرين
هتعمل ايه؟" فقالوا
"هروح اخدها"


مرة اتنين لسة متجوزين جديد وخرجين ومشين على الكورنيش
الزوج:شايفة القمر يا حبيبتى
الزوجة :شايف النيل يا منيل




مرة دكتور دخل عنبر فى سراية المجانين لقى واحد بيخبط دماغة فى الحيطة
سأل الممرضة :ماله ده ؟
قالت: أصله كان بيحب واحدة ومتجوزهاش ..
دخل العنبر الى بعده لقى واحد بيضرب نفسة بالشبشب
قالها :وده ماله قالتله اصل ده الى اتجوزها


تلاته خرجوا في رحلة سفاري..واحد مصري والتاني صومالي والتالت أمريكاني..دخلوا كهف وناموا..وصحيوا بعد 300سنة!..كل واحد فيهم قام رجع بلدة..

الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)

الأمريكي شغل الراديو سمع: (سيدافع الجيش الأمريكي عن البلاد لآخر جندي!)

المصري شغل الراديو سمع: (إخترناه..وبايع ناه...وعشان كده احنا اخترناااااااااا اااااااااه!)


واحد حانوتي ربنا فتحها عليه و فتح محل فكهاني..كل يوم في المحل يقعد ينادي :

المووووووز علينا حق !!!




واحد من الشام راح لبنان و دخل علي محل مستحضرات تجميل و سأل البائع

الشامي: بدي ( لبنان بو)


البائع: شو؟؟؟؟!!


الشامي : بدي لبنان بو


البائع: شو ها اللبنان بو


الشامي : مبتعرف شو اللبنان بو!!!


البائع: لا خيي مبعرف


الشامي : غريبة عندنا بالشام في ( شام بو)!!!



!! سالوا سائق: مين المطربين المفضلين عندك ؟؟؟ قال : مايكل داتسون ، مازدا الرومي ، اسكودا الشمالي.



واحد كمسري بيقول لابنه تذاااااااكــــــــــــــــــــــــــــر ............ تنجح


مره واحد صعيدى قابل واحده اجنبيه

سالها : انتى منين


قالتله: وات؟ what?

قالها: اجدع ناس الوتاوته


فرخة اتجوزت فيل ..جابوا تـشكـِن فيليه





ما الفرق بين الزواج والكولونيا؟


الزواج .... قسمة ونصيب


الكولونيا .... قسمة والشبراويشيما

الفرق بين المرسيدس والتعويرة؟


المرسيدس .... ألماني


والتعويرة ...... آلماني جداً

[احلى ملاك]

هههههههههه مشكورة حبيبتي

[mira]

[مهد]

برافووووووووو ممتازة اوى بجد حلوة موت وليكى انتى بقى النكتة دى
مرة واحد مسك الفرخة بتاعته وقاعد يضرب فيها ويقولها كل يوم بيض كل يوم بيض مافيش جبنة

[زهرة الياسمين]

قعلا نكت بضحك :):d

[(بوسى)]

حلوة اوى

[بنت اسكندرية]

هههههههههههههههههههه

تجنن مش قادرة من الضحك

تسلمى يا عسولة

[واحدة طيبة]

ههههههههههههههههههههههههه شكرااااااا

[white rose]

[التخنانه]

حلوه صحيح