رد: إسألي didi
السلام عليكم و رحمة الله و بركاته
انا عندي مشكلة كبيرة مخلية مزاي زي الزفت و نفسيتي مرررة تعبااانة
انا عمري 16 سنة ملودة بامريكا يعني عشت في امريكا بس سنتين و لما رجعنا عشنا في بيت جدي و جدتي بس لين ما بابا يشتري بيت المهم لما دخلت الابتدائي ما ادري اي صف نقلنا على بيت ايجار و كنا مرة مبسوطين و كانت احلى ايام حياتي المهم في هذيك الفترة ربي كان فاتح علينا و كنت في مدرسة اهلية و كل الناس كانوا يعرفوا كيف بابا يصرف علينا و على ماما الحمد لله كانت احوالنا اكثر من الممتاز لما رحت عالصف الثالث ابتدائي بابا انفصل من شغله طبعا اتدهورت حالتنا المادية ما صرنا نقدر ندفع الايجار ولا اقساط المدرسة اضطرينا ان نترك البيت و نرجع لبيت جدتي طبعا هذا ما كان على طول يعني بعد كم سنة طيب و من هذاك الوقت و انا عايشة في بيت جدتي مع جدي و عمي و عمتي بعد كم سنة عمتي اتزوجت و راحت بيت ثاني صرنا انا و جدي و جدتي و عمي و اهلي طبعا ماما و بابا و اخواتي في البداية كان عادي بس قبل تقريبا4 سنوات بديت اكره حياتي خصوصا ان ما عندنا فلوس كفاية نقلت على مدرسة حكومية ما صرنا نقدر نطلع زي اول نشتري زي اول كل ما اقول لماما شي تقول ما عندنا فلوس و امشكلة ان اهل بابا اغنياء عماني اثنين متزوجين و يدرسوا برا و اولادهم عايشين احسن عيشة عماتي ازوااجهم مو مقصرين و اولادهم مداس اهلية و يصرفوا عليهم بالهبل و بنات عمتي اللي قدي لو تشوفي ابوهم دكتور كل سنة يسافروا برة و مدرسة اهلية يعني كلهم عايشين حياتهم الا احنا انا احس اني ناقصة لما اكون معاهم احس اني مسكينة احس ان بابا ما قدر يوفرلنا المطلوب انا ما عمري سافرت برا السعودية كمان لان ما عندنا فلوس لمانقلت للمدرسة الحكومية اللي كلها بدو اتهورت نفسيتي اكثر و ماما مسكينة ماسكة نفسها عشانا اضطرت تشتغل و صارت تصرف علينا الحمد لله حالنا اتحسن كثيييير بس لسة ما رجعنا زي اول و لا قربنا حتى في الاجازة نروح مكة و جدة بس و لا و نجيب تخفيض من المدرسة كمان عشان نوفر فلوس انا احس اني فقييييييرة اني ناااقصة اني مسكينة اني حقيرة ماما تحلم ان يكون عندها بيت لحالها و انا كمان خصوصا ان بينها و بين جدتي يعني حماتها مشاكل حتى مع عمات و هذ مشكل تانية و انا اكره جدتي اكرهها انا ما اقدر اطالع في وجهها ما اقدر اكلمها لاني اكرهها لانها هي تكره ماما و تحاول تاخدنا على جانبها عشان نكره امنا و تشتغل من تحت لتحت واكره عماتي و اكره البيت اللي انا عايشة فيه انا ما اسميه بيتي لانه مو بيتي هذا بيت جدتي و لانه بيت جدتي يعني احنا ما نقدر ناخذ راحتنا كل يوم يجوا عماتي او وحدة فيهم و اذا جو لجدتي ضيوف احس اني ابغى اهرب يعني نبغى نقعد مع ماما بس و بابا نطلب نقعد مع بعض لا لازم يكون في جدتي و بعدين يجوا عماتي قبل 4شهور اتوفى جدي انا حاسة ان ما حننقل من البيت لان جدتي بعدين حتبقى لحالها مع عمي بس انا مااا اقدر ما اقدر اقعد هنا اكثر من كذه و متي جات من جدة قريب و قعدة عندنا لين ما تشتري بيت و اولادها صغار و يسووا ازعاج مع اخواتي الصغار ما اقدر اقعد في هدوء الا اذا سكيت الباب انا حاسة اني حنفجر مانيطايقة عيشتي و دحين رضان كل يوم عالفطور لازم نلبس حجابنا عشان زوج عمتي اللي عندنا كل يوم حتى عالسحور طيب اواحد يبغى ياخد راحته شوية و كمان عماتي التانيين لازم يجو ما اقدر استحمل اكتر من كذه انا اخاف اموت او اتزوج قبل لا اطلع من هذا البيت ابغى اجرب كيف لما الواحد يكون له بيت مع امه و ابوه و اخواته ابغى اعزم صحباتي على ( بيتي ) انا
طبعا لوابغى اتكلم عن المشكلة ما حخلص بس هذا تقريبا كل شي بالاختصار انا ابغى حل لهل مشكلة
|
08-06-2008, 01:25 AM
العرض العادي
