مشكله وصلتنى

[didi21]

اخواتى وبناتى حبايبى

وصلتنى هذه المشكله وقررت ان اعرضها عليكم لانها مشكلة الكثير منا وقررت ان نتشارك فى هذا الموضوع بالأراء والافكار فارجو كل من لديها رأى تطرحه علينا للاهميه



عزيزتى ديدى انا مبسوطة جداااااااا بموضوعك وعايزة اسألك

بصى يا ستى مشكلتى تتلخص فى اهل جوزى مطلعين عينى وعين جوزى ....... انا كنت ساكنه معاهم فى نفس البيت وكنت بمشى امورى معاهم لغايه لما ربنا افرجها عليا وانتقلت بعيد عنهم فى محافظة تانية وجوزى مسك شغل احسن

المهم كل لما انزل ازورهم زيارة يعملولنا مشاكل على اتفه الاسباب بالذات حمايا بيقوم الدنيا ويقعد زى الحمل الوديع يتفرج على النار اللى عملها .......... جوزى طيب جدااااااااااا ومبيقدرش يزعلهم يقولى دول اهلى مينفعش اقولهم انتم غلطتم فيا او فى مراتى

ابسط مثاال

اخر مره كنت عندهم سلمت على الكل بس حمايا كان واقف بعيد المهم فى الزيارة كان عادى مفيش مشاكل اول ما شاف جوزى قلب وقاله مراتك مسلمتيش عليه بالايد المهم بنته قالت لاء سلمت وقالت السلام عليكم

لدرجة واللهى يا ديدى انا جالى اكتئاب كل ما نتصل بيهم لازم مشاكل والتليفون يتقفل فى وشنا وينكدوا علينا مع العلم وربنا العالم انا وجوزى مقصرناش فى حقهم كل شويه هدايا واللى بيطلبوه بنعمله ليهم

مش عارفه اتعامل معاهم ازاى ؟؟؟؟؟؟؟؟؟؟؟ اذا سكت يقولوا اه سكتت علشان كذا وكذاااااااا ويقلبوا الدنيا واذا اتكلمت برده يقلبوا الدنيااا
على الفاضى والمليان خصوصا انهم فااضيين وجوزى هوه الكبير فى اخواته والوحيد اللى متجوز

المشكلة انهم دايما يتلككوا لينا انا وجوزى مش هقولك انا بس ......... انا احتكاكى بيهم بيكون اكتر لان ممن اسافر قبل جوزى بيوم ولا حاجة وجوزى بطبعه قليل الكلام وفى الاخر ابنهم برده



ياريت تردى عليه

[lyly]

هاى يا ديدى
هى فعلا مشكله كبيره وبقت منتشره كتيير الفتره دى
حتى نفس الموضوع ده حاصل مع واحده صاحبتى

بصى هى المفروض صاحبه المشكله ان يكون زوجها فاهم الوضع اللى هما فيها ويحاول هو اللى يصلحه لانه ابنهم انما هى هيكون صعب لان واضح ان اهل زوجها مش قابلين وجودها
وهى المفروض تكبر دماغها شويه وتعمل على صله الرحم مش اكتر
ودوام الحال من المحال
يعنى مش هيبقى الوضع كده كتير
اكيد ان شاء الله هيجى يوم واللى بيحصل ده يتغير لان ده ابنهم بردوا وهى بقت خلاص حد منهم
بس هى مساله وقت مش اكتر

[didi21]

حبيبتى ليلى كلامك صح فعلا زوجها عليه دور كبير بس المشكله انه طيب
[center]وده شىء حلو لكن لازم يكون له موقف ايجابى ناحية زوجته واهله ويحاول فعلا يوفق ما بينهم
انا كمان شايفه انه حتى ده يحصل هى ما تختلطش بهم الا فى المناسبات او الظروف الضروريه
وهى البنت كويسه معاهم وبكره الايام تعرفهم قيمتها بجد وده اسلم حل حتى لا تخسر زوجها ولا
تصطدم بهم وعموما ان شاء الله البنات يفيدونا بارائهم .........
ايه يا بنات ما بتردوش ليه وتقولوا ارائكم وتجاربكم فى الموضوع ده؟؟؟؟؟؟؟

[نورقمر]

ربنا يصبرك ويشيل همهم من علي قلبك ويحنن قلبهم عليكوا, انتي شكلك طيبه وبنت حلال. معلش اصبري ثوابك عند ربنا كبير

[واحدة طيبة]

ربنا يكون فى عونك ويدى كل واحد على اد نيته ............ فعلا لما اهل الزوج بيدخلوا فى حياة ابنهم بيقلبوها

[white rose]

يعطيكي العافيه حبيبتي ديدي هذه مشكله منتشره بين معظم الناس وخصوصا مع تزويج اول ابناء العائله وخصوصا اذا لاحظو الاهل شوية ضعف او مسالمه في شخصية الابن ولكن من ملاحظاتي لتجارب ناس كتير رح تنتهي هذه الشاكل مع تزويج الابناء الاخرين ورح يقل التركيز على تصرفات الابن الاكبر ورح يكون فيه مقارنه بين زوجات الابناء الاخريات حتى يمكن يقدرو ابنهم وزوجته ويعرفو قيمتهم اكتر

[didi21]

شكرا وايت روز على مرورك ورايك حبيبتى
عندك
الحق

[نوارس]

حبيبتي ديدي اشكرك على هذه الفرصه لنشترك معاك في حلها ولايحل المشاكل سوى الله سبحانه وتعالى بس انامع الاخت وايت روز فعلا وعن تجربه انا اللي شفته محدش شافوا الىدرجه اني كنت صغيره بالعمر ولما يتحركشوا فيه توصل الدرجه لضربي
ومكنتش اتكلم ابدا وزوجي كان الابن الكبير والبار زي مايقولو ومع هذا اتحملت اتهموني باشياء لاتعد ولاتحصى واخيرا زوجوا وانا وقفت عاجزه بس عشان زوجي انصحهه انها تتحمل والله بعد ما مرت السنوات وزوج زوجي وشافوا الفرق وبعده اخوه اصبحت انا الكل في الكل ويحترموني ويحبوني المهم يكون زوجك يكون حاس فيك ودولل اهلوا وربنا حيجازيك في اولادك واحترام زوجك اصبري ان الله مع الصابرين ومتحاوليش انك تزعجي زوجك وتخليه بين نارين ربنا يهديهم ويصبرك يارب

[كركورة]

اغلب المجتمعات لا تحب زوجة الابن عليها انها تستحمل مهمه كان عشان صلة الرحم ودول مش اى حد

[ام العبدين]

السلام عليكم ورحمة الله وبركاتة حبيبتي ديدي انا مريت بنفس المشكلو اللي مطروحة لكن مع الاختلاف فحمايا رجل مفيش زية انسا محترم وحنون وان المشكل كانت في حماتي لكن بعد مرور الايام ومع نعمة الصبر والحمد للة وبعد مابقيت اخوان جوزي متجوز خفت المسائل دي والحمدللة ربنا عرفها الكويس من الوحش وربنا يصلح الاحوال للجميع ان شاء الله