هنكمل ليه؟

[ميرولا]

و أنا عندى كل أسباب خوخة بالحرررف و مشكلتنا كمان القصر فلازم ننزل شوية
و أنا عاوزة اخس عشان ده من الاخر حلم حياااتى!!
اه صدقووونى انا اتعقدت خلاااص و تعبت و بجد بقى نفسي احس انى بنت
زى باقى البنات....لما بدأت اخس بدأت احس انى بنت و عاوزة اكمل اوووى
عاشن حرام فعلا نظرات الناس و تعليقاتها و اللى مش بيشوفوا غير الوحش
او الغير المهم......
بجد شكراً على الموضوع الجميل ده و اللى بيأثر فى نفسيتنا كلنا
ادعولى التزم بقى:(

[التخنانه]

سلاموا عليكوا يا اخوات ويا ام حبيبة
انا سعيده قوي بكلامكم ده وحاسه اني انا الي بقوله
انا كمان عايزه اكمل علشان جوزي بيكون مبسوط قوي مني وانا خاسه وانا وزني دلوقتي 70 كيلو ونفسي اكون 65 ببقي كويسه في الوزن ده بالرغم ان طولي 160 سم لكن 65 كيلو حلو بالنسبه لي
انا محافظه قوي في اكلي (ولو اني ببوظه يوم كده في الاسبوع ) لكن اليوم ده مش بيأثر كتير وكمان ابتديت اخد انهارده شاي زوهرات انا نصحتكم به قبل كده والي استعملوه فعلا خسوا عليه كويس قوي مع تنظيم الاكل وربنا يسهل واخس عليه انا كمان ادعولي واتمني لكم ان توصلوا للي بتتمنوا وبقول لديدي حكاية ان جوزك مش بيشوف الا عيوبك فده طبعهم كلهم دايما يتكلموا علي العيوب لكن صدقيني كمان بيشوفوا المميزات لكن مابيتكلموش عليها لكن ااكدلك حاسنها وشايفنها وربنا يهديهم

[hebams]

ممكن يا تخنانة اسألك ايه هو شاي زوهرات هل دة شاى اخضر و لا حاجة تانية؟
ثم انتى بالوزن دة ماتبقيش تخنانة و لا حاجة انتى محتاجة بس كم كيلو ان شاءالله و خلاص

[أم حبيبه]

شكرا يا بنات على مروركم ,
و عارفين التخن بيخلينا مش واثقين بنفسنا و الاحساس ده بيتنقل للى قدامنا و بالتالى بيزيد احساسنا بالنقص , علشان كده لازم نخس علشان ثقتنا بنفسنا تزيد و ما يهمناش حد .