يلا نبدأ حمله حى على الصلاه

[didi21]

[أم حبيبه]

اشكركم يا اخواتى لمروركم و ربنا يجمعنا مع بعض فى الجنه ان شاء الله

[زهره الاسلام]

اخواتى الكريمات انتوا فين انا مستنية اول جزء من الصلاه

مافيش حد يحط الموضوع طب انتوا عاملين ايه فى الصلاه ؟

[أم حبيبه]

لا حول ولا قوة الا بالله
انا قررت اخليها شعارى فى المنتدى و فى الحياه لانها فعلا بتشفينى من الهم .
اولا يا بنات احب ابشركم انى بدأت التزم بالصلاه يا رب يديمها على نعمه و ادعولى بالتثبيت يا رب
انتوا عارفين انا لما بابتدى اصلى الشيطان بيخلى المشاكل عندى تكتر و بيضيق خلقى علشان ابطل صلاه ,باله عليكم تدعوالى ربنا ينصرنى عليه و يقوينى على نفسي.
بالنسبه لموضوعنا انا كنت عاوزة اسأل الاخوات عن صلاه قيام الليل
هى زيها زى الصلوات التانيه و لا ايه؟
يعنى يا ريت الاخوات يفيدونا بالتفصيل ازاىنصلى قيام الليل و بنقرأ ايه فيها و بندعى ايه و كل حاجه و جزاكم الله خيرا

[أم حبيبه]

يا ريت يا بنات كل واحده تكتب مشاركه هنا تدينا معلومه حتى لو كانت صغيره , حتى لو كانت فى رأيها انها اكيد معروفه , ممكن واحده زيى تكون معلوماتها الدينيه مش جامده تستفيد منها و ربنا يجعلها فى ميزان حسناتكم

[سونا]

جزاكن الله خيرا جميعا على المجهود الرائع وجعله فى موازيين حسناتكم

[زهره الاسلام]

اولا

احنا لازم الاول نعرف الصلاه بتمثل لكل واحده فينا ايه ؟

هل كل واحدة فينا بتحس وبتستشعر انها واقفه ادام ربنا ؟

هل كل واحده مننا ذاقت حلاوه الصلاه ؟

بصوا يا بنات احنا مش عايزين نكذب او نتجمل فى الاجابه ربنا اعلم بحال قلوبنا بس اهى محاوله يمكن ربنا ينفعنا ببعض ويشرح صدورنا للصلاه

عموما بعد ما كلنا نجاوب ونعرف احنا فين من الصلاه بعد كدة نذكر اهميتها وبعدين اركان الصلاه

[أم حبيبه]

السلام عليكم انا كنت عاوزة نبدأ هنا نكتب كل اللى نعرفه عن الصلاه حتى و ان كانت معروفه للبعض ففى ناس كتير ما يعرفوش كل الاساسيات او السنن او انواع الصلوات .
و علشان نشجع بعض اولا على الطاعه ثانيا علشان نصلى صح يا ريت ما تبخلوش علينا باى معلومة .
و انا هابدا اولا ردا على اختى رنا بارك الله فيها الصلاه طبعا مهمه ما حدش يقدر ينكر و لها طعم تانى لما تكون فيها خشوع و لكن المشكله فى الفتور اللى بيحصلنا بعد فتره بتبقى تقضيه واجب للاسف ده غير الكسل (اعاذنا الله منه )
و انا لانى باعترف انى لست اهلا لوضع معلومات كامله و صحيحه اتمنى انكم تمدونا بالمعلومات عن التالى:
-الطريقه الصحيحه للوضوء.
-الصلاه كامله بالخطوات و الأذكار و الادعيه المأثورة عن الرسول صلى الله عليه و سلم .
-السنن القبليه و البعديه و عدد ركعاتها .
-انواع الصلوات المختلفه ( الحاجه-الاستخاره-التراويح-000) بالتفصيل( يعنى نقرأ فيها ايه و ايه الادعيه المستحبه
و اخيرا اتمنى ان ربنا يجعله فى ميزان حسنات كل اخت هتفيدنا باذن الله.