يلا نبدأ حمله حى على الصلاه

[أم حبيبه]

السلام عليكم يا اخواتى , انا فكرت نبدأ مع بعض حمله نعرف فيها كل حاجه عن الصلاه من اول النيه و الوضوء و الفرائض و السنن و الادعيه و0000000
طبعا دى مش فكرتى و انا سمعت انها فى منتديات تانيه و لانى ما بقيتش باحب ادخل منتديات غير منتدى ريجيم لانه اولا للنساء فقط و دى حاجه مريحه جدا اننا نقدر نتواصل بدون احراج و نتكلم براحتنا فى كل المواضيع فقلت اقترح الموضوع عليكم و نبتدى نشجع بعض على الطاعات زى ما بنشجع بعض على الريجيم و تانيا لانى باحس انكم والله اخواتى فى الله فقلت نتشارك الاجر و نكسب حسنات.
ما اخبيش عليكم انا من اكتر الناس اللى محتاجه للحمله دى لانى و بكل اسف مش باصلى بانتظام و اتمنى انكم تعينونى على الالتزام .
بصراحه انا معلوماتى الدينية مش جامده اوى و اتمنى ان كل اخت واثقه من معلوماتها ( علشان ما ننشرش معلومات مغلوطة) تفيدنا و ربنا يجازيها خير باذن الله.
اتمنى من الاخوات القائمات على المنتدى اننا نعمل ضمن المنتدى الاسلامى جزء مخصص و شامل و جامع لكل المعلومات عن الصلاه و انواعها و احكامها و 0000 و ربنا يجعله فى ميزان حسناتنا جميعا و شكرا .

[زهره الاسلام]

حبيبتى ام حبيبه أسأل الله ان يعيننا على ذكرة وحسن عبادته

وانا بفرح اوى ان فى اخوات بتحاول تتعلم وتفيد اخوتها مش المهم اننا نحط موضوع وخلاص المهم حاجة تفيد الاخوات واننا نعين بعض على طاعة الله

وضرورى برضة اننا نفهم كل حاجه عن امور ديننا وعموما فكرتك جميلة يا ام حبيبه وأسأل الله ان يجعلك من المصلين الطائعين لربهم قال تعالى ( قد افلح المؤمنون * الذين هم فى صلاتهم خاشعون )
الى قوله ( والذين هم على صلواتهم يحافظون *أولئك هم الوارثون )

ويا حبيبتى لقد قامت اختى بنت ابوها وضع موضوع رائع وكامل عن كيفية الصلاة بالصور ارجوا منكى قراءته والاطلاع علية
http://www.rjeem.com/forum/t17620.html


ولو عايزة تبتدى فى مشروع تعليم الصلاة ماشى فكرة جميلة وانتظر مشاركتك فى الموضوع انتى والاخوات

وبالنسبة لاقتراحك ان شاء الله ادارة المنتدى تنظر فيها ان شاء الله

وانا كنت انوى ان شاء الله فى درة العلوم الدينية القادمه ان شاء الله تعليم فقه الصلاة لاننا سبق وشرحنا كيفية الوضوء بالتفصيل ( ارجوا منكى ومن جميع الاخوات الاطلاع علية وتطبيقه فليس من الضرورى ان تكونى من المشتركات فى المسابقة لكى تستفيدى بها )

[سعاد الراشد]

و انا معاكي اختي و بارك الله فيك على البادرة الحلوة و جعلها في ميزان حسناتك

[أم حبيبه]

شكرا لمروركم و ان شاء الله اقرأ المواضيع المذكورة (باعتذر لانى ما قرأتش اغلب المواضيع فى المنتدى لسه ) و استفيد منها . ربنا يجازيكم خير

[زهره الاسلام]

ولا يهمك يا حبيبتى بس لو عايزة تذكرى ركن ركن مع الاخوات والتعاون مع بعضكم البعض يبقى خير وانا معاكى ان شاء الله

[أم حبيبه]

ان شاء الله , و ياريت كمان نشجع بعض على صيام الايام 13 و 14 و 15 من كل شهر هجرى و على قيام الليل . و انا من النهارده هابدأ اطلع على كل مواضيع المنتدى الاسلامى و مواضيع المسابقات كمان باذن الله

[زهره الاسلام]

بصى حبيبتى انا كنت عاملة مشروع لاحياء السنن المهجوره للنبى صلى الله عليه وسلم ودة الرابط بتاعة ارجوا منكى الاطلاع علية والمشاركة معنا ولقد بدءنا بتطبيق اول سنه

http://www.rjeem.com/forum/t17379.html


وبارك الله فيكى وارجوا منكى قراءه المواضيع فى المنتدى الاسلامة لانة لن يعطيكى الا الخير فى الدنيا والاخرة

[بنت اسكندرية]

جزاك الله خيرا

موضوع رائع وانا معاكى قلبا وقالبا

وربنا يقدرك و تفيدينا بهذة المعلومات

ويجعلىة فى ميزان حسناتك

[mons]

أختى أم حبيبه جزاك الله خيراعلى فكرتك وأعانك على الالتزام بالصلاه وأعاننا جميعا على الطاعات والتقرب الى الله وان نتعلم ونفيد غيرنا بما نتعلمه صدقينى اى معلومه فى اى ركن من المنتدى باعرفها باوصلها لكل اللى اعرفه ويجعله يارب فى ميزان الحسنات
وبارك الله فى كل الوردات اللى فى المنتدى والقائمين عليه
فعلا منتدى رائع ومفيد
وان شاء الله هاشارك بمشاركه فى الصلاه

[كركورة]

بارك الله فيكم جميعا