اصنعي عطرك بايديكي

[ام العبدين]

بسم الله الرحمن الرحيم
كل واحدة ليها عطرها المفضل وكلنا عارفين ان الأصلى غالى جدا وان كمان اللى بيتباع تقليد يتراوح سعره من 15-20 جنيه للزجاجة ال 50 مل ومن 25-30 للزجاجة ال 100 مل وطبعا السعر حسب المنطقة
انتى ممكن تعمليه بنفسك بنصف التكلفة مع ضمان التركيز
الأدوات :-
1- اسنسك المفضل
2- كحول من النوع النظيف الغالى
3- ماء مقطر
4- زجاجات 50 مل أو 100 مل
5- كأس مدرج
الطريقة :- بصى وركزى معايا انتى هتنزلى الأزهر علشان تشترى الحاجات كلها من الجملة ما عدا الماء المقطر
أولا بالنسبة للأسنس اشترى كمية مش أقل من 30 جرام
علشلن يحاسبك على سعر الجملة
ثانيا :- بالنسبة للكحول فى أنواع كتيرة افضلهم اللى سعر اللتر فيه 32 جنيه وهو كفاية لتر أو نص لو ليكى انتى بس
ثالثا :- الزجاجات والكأس المدرج اللى هتعيرى بيه
رابعا :- الماء المقطر من الصيدلية وهو ده يعتبر أحسن مثبت تستخدميه ولو انتى قريتى المكونات على اى عبلة أصلية هتلاقى المكونات دايما ثلاث (لأسنس -الكحول-الماء المقطر)

الطريقة :- سهلة جدا المفروض ان النسبة للزجاجة ال50 مل
10 مل أسنس +(37,5 كحول +2,5 ماء مقطر)
وللتسهيل بحساب النسبة والتناسب
هنعمل خليط من الكحول والمثبت يستخدم مباشرة وهو
اذا كان الكحول نص لتر =500 مل
اذن يضاف عليه تقريبا 33,5 من المثبت
وبذلك يكون الخليط جاهز للاضافة مباشرة للاسنس
اذا كانت ال50 مل (10 مل أسنس +40 مل الخليط)
اذا كانت لزجاجة ال 100 مل (20 مل أسنس +80 مل الخليط)
وبواسطة الكأس تستطيعى المعايرة من الأسنس أولا ثم تكملى بالخليط
ثم تسكبى الخليط فى الزجاجة ويرج جيدا ثم تغلق جيدا

ملاحظات :-
1- عند اختيارك للزجاجات تأكدى من أن الغطاء يغلق جيدا منعا للتسريب
2- بعد أن تنتهى من التركيب لابد وأن تضعيها فى الفريزر
لمدة لا تقل عن ثلاث أيام للتعتيق ولا تقلقى فالكحول لن يتجمد ثم بعد ذلك فى مكان مظلم لا تفتحيه لأكبر فترة ممكنة وتذكرى كلما طالت فترة التعتيق كلما زاد التركيز أكتر
3- من الممكن أن تزيدى نسبة الأسنس الى 12 مل ولكن أكثر من ذلك سيؤدى الى التزييت
4- مهم قوى انك تغسلى الزجاجة بالكحول قبل اللاستخدام وايضا الكأس من أسنس للأخر
وبكده تكونى وفرتى كتير والأهم التركيز ومن الممكن تفتحى مشروع صغير على قدك فى البيت انا عايزة اقولك انى كنت عاملة المشروع ده فى وسط الأقارب والأهل ولأصحاب وهو غير مكلف وثانيا مربح جدا
ويا رب أكون قدرت اقدم لكم حاجة مفيدة وتعجبكم وشكرا..........

منقول

[الامبراطوره]

[maha7]

machkora 7abibti;;;wmawadi3ik kolaha jnaaaan,,,,,yslamo idiki

[بنت اسكندرية]

[صوت الندى]

مشكوووووووووووووووووورة على الموضوع

[white rose]