دردشة مصرية الجزء السادس ( تعالو بسرعة يا بنات مصر

[ام فاطيما]

حبيبتى عين التسنيم ليه مضايقه قوى كده مفيش حاجه مهما كانت تضايق ولاتزعل حاولى تنسى انا يمكن لسه متعرفتش عليكى بس عايزه اقولك حاولى تتعلمى ازاى تنسى انا جوزى هيتجنن منى ممكن ابقى عصبيه جدا وزعلانه وانسى لو قعدت قدام التلفزيون او اتكلمت ف التليفون ارجع اضحك وانسى الدنيا وانتى كمان حاولى تكونى كده

[عين التسنيم]

السلام عليكم
حبيبتى ام فاطيما ربنا يخليكى انك رديتى على وشلتى همى بس هم الاخوات كدة لازم يشيلو هم بعض
والحمد لله ابتديت اتحسن وربنا فرجه قريب
اما انا يا ستى احب اتعرف عليكى اكتر من كدة
انا أم تسنيم ومنة الله من اسكندرية عندى 28 سنة جامعية بس مش بشتغل
وماليش فى الدنيا غير بيتى وبناتى وزوجى ربنا يباركلى فيهم يا رب
وانتو ومنتدى رجيم شاركهم فى قلبى

انتى بقى عرفينى عليكى:3473749b:

[بنت اسكندرية]

اخواتى الغاليات اخباركم اية انا الحمد لله احسن

وشكرا لسؤالكم الجميل ربنا ما يحرمنى منك

وام تنسيم اخبارك اية دلوقتى طمنينا عليك ياقلبى

ربنا يفك كربك وكرب المسلمين جميعا

ام فاطيما عاملة اية وخرجتى فى الكويت احكى لى رحتى فين

انا الاسبوع اللى فات رحت الافينوز ودخلنا انا وجوزى -حسن ومرقص - لعادل امام

فيلم جميل جدا واول مرة يبقى محترم كدة

مروة يا غالية منورانا دايما وكلكم والله

ندى - ياترى اخبارك اية دلوقتى وعاملة اية طمنينا عليك

وكلكم بقى طمنونا انا متابعة كفاية كدة احسن قربت اتوجع

[ام فاطيما]

ههههههههههههههه معقوله ياسحوره انا بشتغل فمصنع المنيوم ورا الافينيوز على طول بس مدخلتهوش خالص واحتمال ادخله قريب بس ف المارينا ولو رحتيه تانى ابقى عدى وان اخليهم يعملولك كل شغل الالمنيوم ببلاش

[ام فاطيما]

وللجميله ام منه احب اقولك انى بجد بحس انا كل البنات هنا ف المنتدى اخواتى وبحس بزعلهم وفرحهم
وانا ياستى منى من الفيوم لسه عروسه جديده(مش قوى) وعايشه ف الكويت مع جوزى بقالى تلات شهور ووحشانى مصر جدااااااااااااااااااااااااااااا وعندى 26سنه وكنت بشتغل ف مصر وهنا كمان بشتغل لان الشغل نعمه والله العظيم بيفكك من جوزك ويحسسك باستقلالك جدا

[بنت اسكندرية]

المشاركة الأصلية كتبت بواسطة ام فاطيما

ههههههههههههههه معقوله ياسحوره انا بشتغل فمصنع المنيوم ورا الافينيوز على طول بس مدخلتهوش خالص واحتمال ادخله قريب بس ف المارينا ولو رحتيه تانى ابقى عدى وان اخليهم يعملولك كل شغل الالمنيوم ببلاش

شفت الدنيا صغيرة ازاى يعنى ابقى قرب منك

ومش عارفة اشوفك انا اغلب خروجنا بنروح الافنيوز وعارفة

لما تدخلى كارفور تحسى انك فى كارفور بتاع اسكندرية بالظبط

يمكن دة اللى بيخلينى اروحة كتير لانة فى روح اسكندرية وفى محلات كتيرة

حتعجبك ومطاعم كتيرة والسينما حلوة قوى بس للاسف بيجيبوا الافلام العربى

بعد متكون نزلت فى التلفزيون دة عادل امام بس اللى بيجيبو لة الفيلم اول ما ينزل

هو مصنعك اسمة اية دة هناك مصانع كتير وانت ساكنة فين انا ساكنة فى السالمية

بشوف من بلكونتى حديقة الشعب على مسافة بس مش بعيدة

[mira]

مساء الخير ياحلوين

وحشتوني


مهد انا مش زعلانة

دة شغل المنتدى احنا هنا اخوات ملناش دعوة بالمنتدى هههههههههههه

انا ماريهان من القاهرة

ومتزوجة

[nevoazim]

ماريهان ازيك انا مش جديدة بس انا بقالى فترة مش بدخل انا نفين متزوجة وعايشة بالامارات وحاليا فى اجازة بمصر وعندى ياسمين ويوسف
البنات كلكم وحشتونى سحورة وام فاطيما انا مصدقت لقيت وقت فاضى دخلت لكم علطول متكحولة فى الشقة بتاعتى وجوزى نزل اجازة شهر ودبسنى فى باقى التوضيب

ندنودة انا كنت فى اسكندرية ايام فرحك وقعدت ابص على القاعة اللى قلتى لى عليها بس معرفتش فين انا كنت فى المندرة عند الشارع اللى على ناصيته ايس كريم عزة ولو اقولك ان ده اول مرة اكتشف اسكندرية لان قرايب جوزى هناك وزورت العطارين وقايتباى يعنى ما خليت كله زيارات عائليه ربنا يتمم لك على خير ومش لاقية حد اون لاين نهائى قولو لى بتقعدوا امتى لانكم وحشتونى وسلامى للجميع بدون ذكر اسماء لان العدد كتير ما شاء الله ومش عاوزين حد يزعل

[بنت اسكندرية]

ازيكم يا بنات يا قمرات

ازيك يا- نيفو - وحشتينا قوى اخبارك اية زمانك

مهدودة يا حبيبتى فى توضيب الشقة انا مجربة ربنا معاك

وانشاء الله تكونى سعيدة واسكندرية طبعا كانت منورة بيك

[ام فاطيما]

يادى النور يادى النور نيفو جات يابنتى والله العظيم المنتدى نور وياسحوره انا بشتغل ف مصنع كواليتى جروب ورا الافنيوز على طول من عند بوبايز وساكنه ياستى عند واحده قريبتى ف الفردوس بس بدور على سكن فحوالى او السالميه انتى عارفه الاسعار هنا عامله ازاى بجد نفسى الاقى حاجه معقوله وربنا يعينى والله ويعينك ع الغربه وندوش القمر مختفى فين اوعى يكون حصل ومنتظرين ولى العهد ياقمر

[عين التسنيم]

السلام عليكم يا احلى وردات
انا عارفة ان الوقت متأخر ومش حلاقى حد
بس قولت لازم اقولكم انكم وحشتووووووووووونى قوووووووووى
سحور عاملة ايه يا حبيبتى
ندا وحشتينى العريس شكله شاغلك عننا بس احنا راضيين المهم ربنا يسعدكم يارب
ام فاطيما يا قمر عاملة ايه حبيبتى انا سعيدة قوى انى اتعرفت عليكى والله
مهد فينك اكيد مشغولة فى الشقة ربنامعاكى انا مجربة الزنقة دى معلش كله يهون
برضو حسأل على سوزى يا بنات او نو نيم هى فين يارب يكون اللى مانعها عننا خير يارب
وكل اللى سألو علية ربنا يخليكم لية يارب
انا الحمد لله الظروف اللى فى البيت بتفك شوية شوية
بس تسنيم بقى هى اللى تعبانة قوى
ادعولها بالشفا بالله عليكم

[aya الجميلة]

صبـــــــــــــا الخير

وحشتووووووووووووووووووووووووووونى
جدا
جدا
جدا

هدخل تانى اطمئن عليكم واحد واحد

[ام فاطيما]

ايه يابنات فينكم دخولكم قل جدا ليه بس عموما طمنونا عليكم آيه (قطقوطه المخربشه) عود احمد كل الدنيا سألت عليكى
وام تسنيم سلامه بنوتك ومتقلقيش هو الصيف كده مع العيال وخصوصا لو ف اسكندريه كله عايز يبلبط ويقلع ع الاخر
وسحوره وندى انتوا فين تعالوا بقه
ونيفو ربنا معاكى وتخلصى الشقه ويميكى ربنا ويحميهالك م العين

[حبيبة_ امها]

ازيكم يابنات ..... عاملين ايه
انا دخولى قليل جدا
عندى استبحس بسبب سقوط ابنى
وعندى شلنكبات بسبب قعدت جوزى فى البيت( بعيد عنكم 100 يوم بساعاتهم ودقاقهم وثوانيهم) ربنا ما يكتب الغلب ده على حد . خصوصا لما يكون زوج مرح زى جوزى عامل لكل واحد مننا انا والعيال دش نكد مخصوص علشان يخفف عنا حر الصيف.
باى بقى.. لان دمى يلطش خالص.. وحرام ازعل حد فيكم... بكرة ربنا يفرجها ويزيح عنى الغمة وارجع افرفش تانى...
وحشتونى والله كلكم... لكن اعمل ايه.. ما اقدرش اقعد على النت لان بوزى شبرين مش مخلينى اشوف الشاشة حلو.. وكمان لما دم جوزى بيخف اكتر بطلع دخان من اذنى وفمى وانفى وبرضه بيحجب عنى الشاشة.. .. ان الله اذا احب قوم ابتلاهم.. فمن رضى فله الرضى ومن سخط فله الرضى ..الحمد لله على كل شىء ...
ادعولى يابنات ربنا يفرج كربتى ويخفف عنى الهم والحزن

[بطة مصرية]

ممكن نتعرف بيكم لانى من فترة طويلة جدا مادخلتش وحاسة انى دلوقتى بقيت غريبة هنا

انا فاطمة من مصر

عايزة اتعرف عليكم ممكن