رمضان غيرنى ( مسابقة للجميع )

[مسلمة]

أخواتى و حبيباتى فى الله عضوات منتدى رجيم الحبيب

أولا و قبل كل شىء أود ان اشكر أدارة منتدى رجيم و اصحابها على موفقتهم على انطلاق حملة رمضان غيرنى



جزاكم الله عنا و عنكم كل خير


ثانيا ماهى حملة رمضان حيغيرنى ؟؟؟؟؟؟؟؟


الموضوع هام وانا أعرف وأنتم تعرفون أنه يمس كل جوانب حياتنا فإذا وصلنا له فسوف تصلح أحوالنا

إياكم أن تفوتوا وتضيعوا على أنفسكم كسب رمضان والعتق من النيران فنحن نزرع الآن قبله بوقت لنحصد فيه اخوتي بارك ربي فيكم

اخواتي الموضوع كله سوف تأخذ قرائته بضع دقائق لكن والله ثم والله ثم والله لو عملت بما فيه لذقت القرب من الله لأنك بذلك تتقرب لله ومن تقرب اليه شبراً تقرب له باعاً ...

أخواتى فى الله لا تبخلوا على أنفسكم بالأجر والثواب والثبات


حملة رمضان غيرنى


رمضان السنه هذه غير كل حياتي

لازم تصلح نفسك :


إصلاحات قبل رمضان .

1 – إصلاح علاقتك بالله عشان ربنا يفتح عليك .

لازم تعرف إن فيه خمس سنن في فن معاملة الله :-

1-على قدر مقام الله عندك على قدر مقامك عند الله
2- من جعل همه هو الله كفاه الله هم كل شئ
( إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ ) فصلت 30
3 – لا تلتفت عن الله فيلتفت الله عنك
لازم تعرف أن أول عقوبة تنزل بتنزل على القلب .
4 - لا تؤثر شيئاًً على الله فبعذبك الله به
( لَّوْلاَ كِتَابٌ مِّنَ اللّهِ سَبَقَ لَمَسَّكُمْ فِيمَا أَخَذْتُمْ عَذَابٌ عَظِيمٌ ) الأنفال 68
5- لا تبدل فيبدل الله عليك
( فَبَدَّلَ الَّذِينَ ظَلَمُواْ قَوْلاً غَيْرَ الَّذِي قِيلَ لَهُمْ فَأَنزَلْنَا عَلَى الَّذِينَ ظَلَمُواْ رِجْزاً مِّنَ السَّمَاء بِمَا كَانُواْ يَفْسُقُونَ ) البقرة 59 ... ممكن يكون سبب راحتك يتدبل ويكون هو مصدر عذابك .
والعكس ممكن يحصل :
( إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً ) الفرقان 70


2- إصلاح علاقتك بالقرآن :

لازم يكون شعارك لن يسبقني إلى الله أحد .

وهنا عندنا مشروعين :

أول مشروع :

مشروع الفائقين .
ورد قرآن يومي فتتفوق فيه تفوقا ً . بمعنى خلي القرآن فيالباقى من شهر شعبان كل حياتك ليل مع نهار متصل بالقرآن ، وردك يتقسم لجزئين جزء بالنهار وجزء بالليل
بعد كل صلاة ربع أو ربعين قرآن لكن , خلي بالك أهم شئ الخشوع ، عايزين نربط قلبنا بالقرآن .

المشروع الثاني :

حضر وصلِّ اسمع وصلِّ اقرأ وصلِّ ،،
لك ورد يومي ، جزء مثلا ً ، إما هتحضر هذا الجزء من المغرب للعشا من أي سلسلة ولتكن سلسلة تفسير القرآن وبالمرة تاخد كتاب في عليين وتصلي بيه بالليل ، أو تكتفي بسماعه من شيخك الذي يؤثر فيك أو تقرأه لكن , مش هنسى الخشوع .


3 - إصلاح حال قلبك مع الله .

لازم تحافظ على كل عمل بتعمله مع الله ، إوعي تكلم ولا و تفعل ، جه وقت الفعل :
( يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ ) الصف 2 ..
وصدقني لو لم تعمل كل إلي في قلبك هيروح منك .
قواعد اتبعها عشان تصلح قلبك :
* وحّد غذاء قلبك : ( مَّا جَعَلَ اللَّهُ لِرَجُلٍ مِّن قَلْبَيْنِ فِي جَوْفِهِ )
* فرغ قلبك من أي هم : إنسى همومك
* اعتبر قلبك منطقة عسكرية ، مافيش حاجة ممكن تقرب ، وتذكر وانت بتقول اللهم نقني من خطايايا
* استأصل أي مرض في خفايا قلبك الآن بدل ما يفجأك بعد كده


4 – إصلاح الهمم والهمة :-

عارفة قصة لما عبد الله بن سلام جالس مع الصحابة وهم يقولون لو إني أعلم أكثر مايحبه الله لفعلته فنزلت :
( يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ )
صدقني كتير بيكلم وبيقول نفسي أعمل ونفسي اشتغل بس مش لاقي فرصة ، إوعي تقول كدة إعمل إلي تقدر عليه وإلي متاح الآن وصدقني هتلاقي أمامك متاح بس إنت اصدق في النية ، أي عمل متاح لك بدل بصدق نية أكيد ربنا هيحبه منك .


5- إصلاح لياقتك الإيمانية وعزيمتك واستعدادك للمجاهدة : -

* خليك جبل في ثباتك .. في عبوديتك لله .
* البطل بطل من اول موقف بيتعرض ليه
* أوعي تفوت طاعة ممكن تعملها لله ، إوعي ، حاذر إوعي تترك مجال للسبق إلى الله
قارن :
كانهم بنيان مرصوص ، وكأنهم خسب مسندة .. الأول بيصف المؤمنين ، والثاني بيصف المنافقين .
* لازم تعرف على قدر سبقك الله على قدر عطاءات الله لك . وتفوقك في الدين .
* لازم تعرف إن الحل جواك ، إوعى تقف في علاقتك مع الله ، كمل مهما حصل ، حتى لو وقعت قوم وواصل


6 - إصلاح هدفك : -

متقولش أنا داخل الدين عشان عايز ، لأ إنت بتعمل للدين عشان تعطي ، الدنيا مش مجال عطاء .


7– إصلاح البنية الأساسية لديك :-

لازم تأسس نفسك صح ، تأسس هدفك صح ، خلي بالك إن أساس العمارة هو إلي بتقوم عليه العمارة ، برغم إنه الجزء الوحيد إلي محدش بيشوفه ، عشان كدة اهتم بقلبك ، اهتم بإصلاح الهدف بداخل قلبك ، ابدأ في بناء نفسك ، خلي هدفك أكبر من مجرد خطوة هتعملها
قواعد :
* ( إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنفُسِهِمْ فِي سَبِيلِ اللَّهِ أُوْلَئِكَ هُمُ الصَّادِقُونَ ) الحجرات 15
* إعرف إن الدين مراحل ، ولازم تحدد مرحلتك صح ، وعلى أساسها هتبدأ
* وعشان هو مراحل لازم تواظب عشان ترتفع من مرحلة للي فوقها .

قواعد جدول خطوة أولى إلتزام :

- التلبية الفورية فور سماع الآذان ، وتذكر أن الحج مبني على كلمة لبيك ، اقطع كل حاجة في حياتك ، متقولش خمس دقائق وأقوم ، مش ربنا إلي يتقله استنى خمس دقائق وأجيلك ، طبق الحديث : كأنه لا يعرفنا ولا نعرفه ، خلي بالك إن الآذان خمس ابتلاءات لك ، ياترى هتلبي ولا ؟
- ورد قرآن .
- السنن الرواتب .. ممكن تضيع بيت في الجنة .. ممكن تضيع ركعتا الفجر خير من الدنيا وما فيها
- صلاة الوتر ... ثواب فرض .
– ركعتي الضحى .
- أذكار الصباح والمساء .
– أذكار بعد الصلاة .
- سنة السواك .
- القيام .


8 – إصلاح أو استصلاح جوارحك : -
خشوع قلبك من القرآن ، بكاء عينك من الخشوع |، توقف لسانك عن كل مايسيء ، لا تسمع أذنك إلا ما يزيدك إيمانا ً ... مينفعش تعصي ربنا بحاجة خلقها ليك ... لازم تتوب .


9 - إصلاح قدر الدين في قلبك :

أخطر نقطة . لازم يكون دينك أغلى عندك من حياتك ، شوف أم كلثوم بنت عتبة بن أبي معيط لما آمنت ووالدها فرعون من فراعنة هدم الدين في مكة وكتمت دينها ورفضت الزواج وهي بنت زي أي نت نفسه تتزوج ، وهاجرت بعد صلح الحديبية ، لوحدها في طريق كله قطاع طرق ، كانت عارفة إنها ممكن ترجع ، ممكن تتقتل ، لكن مهمهاش شئ إلا دينها ، ونزلت فيها سورة الممتحنة ، والإمتحان العظيم إلي مرت بيه ، خلي بالك كل واحد فينا هيمحتن ، ياترى هيكون دينه أغلى عنده من أي شئ ؟؟؟
لما يكون تلبية النداء لديك أغلى عندك من صفقة بمليون جنية
خلي بالك لما يكون عندك أقل قدر من الدين أغلى عندك من أعظم قدر من الدنيا .... ساعتها حتصول
ساعتها ... إن شاء الله توصل


10 - إصلاح قيام الليل والدعاء :

أوعى تيجي في رمضان تلاقيك صقت في إمتحان القرآن والقيام ، لأنك في 11 شهر قبل رمضان نمت ، جالك كرمبات رمضان ، مش قادر تتأمل في القرآن ، مش قادر تكمل مع الإمام
لازم نهتم يا جماعة ، قبل ما نكسف أمام نفسنا في رمضان .
تلك إذاًً عشرة كاملة

الخطة : رمضان = قرآن ودعوة وصنائع معروف


الواجب :


* ربع قرآن بعد كل صلاة بخشوع .
* مشروع حضر وصلي أو اسمع وصلي أو اقرأ وصلي .
* مشروع التدريب على الصيام : بصيام إثنين وخميس .
* مشروع الأسر
* مشروع الدعوة إلى الله _ وإيقاظ النائمين


هى دى خطة و فكرة رمضان غيرنى

أزاى بقا حنشترك فيها كل اخت حتتدخل تسجل هنا حتاخد رقم و حيكون فى يوميات كل يوم الاخت تتدخل و تذكر رقمها و تقول قدرت تنفذ قد اية من الحملة

و بنهاية شهر رمضان الكريم حيتم تجميع النقاط للأخوات و الفائزات بالمراكز الاولى سيحصلون على وسام رمضان غيرنى

و الوسام و الجائزة الاكبر من الله عز و جل

المسابقة حتكون تحت أشرافى انا و أختى فى الله بنتـــ ابوها أعزها الله

يلا بينا نبتدى حياة جديدة و رمضان حيغيرنى

[didi21]

حبيبتى مسلمه سعيده بان اكون اول المشتركات
معاكى حبيبتى وربنا يتقبل مننا يارب

و

[بنتـ ابوها]

وانا معاكي يامسلمه
جزاك الله خير

[ياسميـنـ]

ربنا يوفقكم يا بنات . الفكرة حلوة اوي بس انا حكون مشغولة شوية في الدراسة

و خطتي هي اني ح احاول اقرا قرآن علي قد ما اقدر .... جزاكم الله كل خير و جزاكي الله كل خير يا مسلمة ...

تقبل الله منا و منكم ان شاء الله .

[يدق قلبي بوجودك]

بالتوفييييق حبااايبي المشروووع مره حلوووووو


وان شاء الله نقدر تسوي شي ينفعناااا كصير

[رشا الرشيقة]

اهلا

أنا ايضا أريد الاشتراك وربي يعين ويقدر

[ياسمينة البحرين]

مشكورة اختي ملسمة ... والشكر موصووول للجميع ...

و معكم في هذه الحمله ان شاء الله ...

[جالكسيه]

جزاكِ الله خيراً عزيزتي
وجعله في ميزان اعمالك

[عسلية]

جزاكى الله خير ويارب يقوينا فى رمضان لنتغير للاحسن

[الراجيةلعفوه]

حبيبة قلبى يا مسلمهزى مانا متوقعاكى دايما عمرك ماخيبتى املى فيكى والله ربنا يشهد انى بحبك بجد والله من قلبي ربنا يبارك فيكى يارب انا معاكى باذن الله وانا كمان ان شاء الله ربنا بس يقوينى ويعينى ناويه احاول احفظ القران في رمضان منها قراءه ومنها حفظ بامر الله هدخل واكتب يومياتى وربنا يعينا جميعا واسال الله العلى القدير ان يجمعنا معا جميعا في زمرة الحبيب المصطفى محمد صلى الله عليه وسلم ويرزقنا شفاعته وشفاعة القرآن ... اللهم امين ..