بس أهل الزوج دائما تجيهم الغيره من زوجه ابنهم وهادا سبب الكثير من المشاكل انا مثلا اهل زوجي يغيروا مني بطريقه موطبيعيه ولو رحتلهم في يوم وانا متشيكه ومتلبسه يتضايقوا مني ويلسعوني بالكلام لدرجه قالتلي بنت اخت جوزي قالتلي مره (خلاص تعبتينا من الشياكه حقتك)الين كرهوا روحتي عندهم وسار استقبالهم ليا بدون نفس ولو اروح مطاعم مع زوجي يغيروا حتى لمن عملت لولدي حاجات المستشفى قالوا اني انا كلفت وخسرت ولدهم وما يدروا انو والله العظيم اهلي عملولي هو حتى السابع عشان عملتوا في قاعه قالوا اني خسرت ولدهم وحتى ماحضروا وكان برضوا بابا وماما عملولي هوا عشان انا دلوعتهم وجبت اول بيبي وما خسرت ولدهم ريال واحد بس هادي دايما من وجهة نظري فكره اهل الزوج عن زوجه الابن للي اخدت ولدهم منهم وعلى الرغم اني انا من الناس اللي حريصه بتزكير زوجي بزيارتهم والاتصال فيهم ويسألهم ازا كانوا محتاجين شي خاصه انوا حماتي مطلقه وكنت حريصه برضوا في كل زياره لهم اجيب حاجه بسيطه للحماة المصونه وبناتها بس حتى شكرا والله العظيه مايقولوها لدرجه في مره من المرات جبت لأخت زوجي اكسسوارات لفرفتها وكانت نايمه ماشفناها وقلت لحماتي هادي حاجه بيسيطه ل000000000000000 وتاني يوم اتصلت اخت الزوج تبغي اخوها وكان نايم قالتلي بكل وقاحه عشان أبغه اشكروا على الحاجات اللي جابها انا استغربت قولتلها مو هوا اللي جابها انا فردت عليا بالله عشان ماما قالتلي اخوكي جبلك هيا مع العلم انا جايباها بفلوسي حتى قلت بيني وبين نفسي يمكن بالنسبه لهم عادي ماتفرق ولدهم او زوجه ولدهم بس لقيت الحركه هادي تتكرر كتير معايا الين سارت حماتي وبناتها شر والعياز بالله ناهيك عن المشاكل والقيل والقال الخاص بأهل الزوج اللي سببلي الكتير من المشاكل الى ان وصل فيني الحال منعتني حماتي انا وسلفاتي من دخول بيتها والسبب عشان سرت ازورهم ويزوروني لأنها كانت تكرهم من زمان وانا بصراحه حبيتهم وشفت انهم بنات ناس حرام اقطعهم ارضاء لحماتي الله لايسامحها لاهي ولابناتها وغيركده انا كنت دائمه السؤال عنهم والاتصال فيهم بس هما لا(حماتي مطلقه وبنتها الكبيره مطلقه وعندها بنت اما الصغيره ماتزوجت الى الأن)ويمكن هادا سبب من الأسباب مخليهم حقودين وقلوبهم سودا
حماتي جاتني يوم ولادتي فقط في المستشفى وعشان تعبت شويه لمن خرجت من المستشفى رجعت بعد يومين ونمت اسبوعين في المستشفى والله والله والله العظيم ويحق صيامي والشهر الفضيل ما رفعت عليا سماعه تلفون تسأل عني بس وحده من بناتها جات وس وجلست النفاس عند اهلي 40يوم وزياده ولارفعت سماعه تلفون على ماما لمجرد السؤال ولاشي وياكتر ماتعبت ودخلت مستشفى وسويت عمليات ولا مرة زارتني او سالت عني بالتلفون او سالت على الأقل عن حفيدها هيا وبناتها فيهم كبرياء غريب وما يحبوا يعطوا زوجه الابن الاهتمام او يحسسوها انها لها قيمه عندهم لكن ياويلك ياسواد ليلك تقللي من قيمتهم عندي حماة مفتريه وظالمه واخوات زوج سوسات وعقارب ومع امهم دايما وأسفه ياهوفا على الاطاله بس انا مشكلتي مع اهل زوجي مشكله من ملايين المشاكل لكتير من البنات وأنا متاكده لو تطلبي دحين من كل وحده تحكي مشكله سارتلها مع اهل زوجها راح تشوفي العجب بس اكيد برضوا في اهل زوج طيبين ويعاملوا زوجه الابن زي بنتهم واناخايفه احسدهم وشكرا حبيبتي على طرحك الموضوع
09-29-2007, 11:39 AM
[/url]
المواضيع المتشابهه للموضوع: كيف تتعاملين مع أهل زوجك؟؟؟
رد: كيف تتعاملين مع أهل زوجك؟؟؟
العرض العادي
