|
خلاص حف شعر الوجه مش مشكلة ومفييش حبوب ** طريقة مجررربة ** حبيبه خطيبها
ازيكم يا بنات .. دة اول موضوع ليا فى المنتدى هنا
طبعا كتيييييييير منا عندة مشكلة ظهور الحبوب وانتشارها فى الوجه بعد الحف بالفتلة وانا واحدة منهم لانى مش بستحمل الحف بالفتلة علشان الحبوب انا جربتة فى حياتى كلها مرة واحدة ووشى فضل سنة بعدها باااايز من الحبوب والبقع والاثار مكان الحبوب
وعادة كنت بعمل تشقير للشعر بس كذا مرة وشى يلتهب وجلدى يتحرق كمان غير انى سمعت ان ليها اضرار فى المستقبل
المهم انا خطوبتى كانت من ثلاثة شهوركدة وطبعا وانا فى الكوافير قولت يشقرولى شعر وشى
فى البنات اللى فى الكوافير والالعرايس التانين قالولى ان الشعر هيبان بردو من خلال الباودر والفاوندشن فوقتها سلمت امرى لله وخليتهم يحفوا شعر وشى واتكلت على الله
بس قبل ما احف البنت اللى فى الكوافير قالتلى هاتى مرهم اسمة بيتاديرم وبعد ما اخلصلك ادهنى منة طبقة كببيرة على وشك وسيبيه فترة طويلة يعنى ساعة ممكن واغسلى وشك بعدها وحطى منة طبقة تانية وبردو سيبها فترة
المهم بعت صاحبتى جابت المرهم والكوافيرة شالتلى الشعر وعملت زى ما قالتلى والمفاجأة ان فعلا الحبوب متلعتش زى المرة اللى فاتت ولا حباية واحدة وبشرتى كانت صافية ااااوى الحمد لله
انا حبيت انقلكم تجربتى للى بشرتهم مش بتستحمل الحف وبيتلعلهم حبوب اسم المرهم بيتاديرم وفى منة كريم ومرهم وهى نصحتنى بالمرهم
واتمنى تدعولى بالستر وان ربنا يتمم زواجى على خير :o
التعديل الأخير تم بواسطة حبيبة خطيبها ; 05-13-2007 الساعة 06:19 PM.
|
05-13-2007, 06:11 PM
المواضيع المتشابهه للموضوع: خلاص حف شعر الوجه مش مشكلة ومفييش حبوب ** طريقة مجررربة ** حبيبه خطيبها
العرض العادي
