أنا مصدومة، ليش هالتعذيب

[رياضية]

السلام عليكم ...

أنا عضوه جديدة في المنتدى، و كأي عضوة تبغي تنقص و زنها، دخلت أقسام الحمية و الرشاقة .. !!
أشووف شو وصفات الأكل، و شو نوعية الأكل اللي تاكلوونها لكني إنصدمت " بالرجيم السريع " ..

اللي بيخليني أستانس أياام معدوده و بيزيد بعد أيام معدوده أضعاف الوزن السابق .. !!

عفوا للكل، و لكن انا أشووف كل شي يبغيله صــبر، و حلو الواحد إنه يمشي على نظام متكامل يحتوي على الفيتامينات، و الكالسيوم و البروتين.. الخ من المواد الهامة اللي لازم تدخل أجسامنا يوميا .. و ثاني شي عند البدأ بأي نظام غذائي لازم إنظف أكلنا..

شو أقصد بالتنظيف، يعني نستبدل الرجيم بالأكلات الصحية و ناكل عــادي، هالشي بيساعدكم على إنكم أول شي إنه وزنكم بينقص، ثاني شي لو بتشووفوون الأكل ما بتحسين إنج مفجووعه و تبين تاكلين..

و إنشاء الله هذا بكتبه في موضوع مستقل لأنه فيه كلام ..

و نرجع لموضوع الصدمة، أنا الحمد الله نقصت لين الحين 16 كيلو و الحمد الله ثاااااااابت ما تغير لين الحين.. !!

نفس ما قلتلكم، غيروا أكلكم إبتعدوا عن المواد الضارة بالجسم، أسهل شي تسوونه، المشروبات الغازية أول ما تقطعوون هالمشروبات أوزانكم بتنزل بسهولة، و تدريجيا إبتعدي عن هالمشروبات..

حتى بالنسبة للوجبات لازم تكون 3 وجبات في اليوم و توزعين من بين هالوجبات وجبات خفيفة مثل العصر كلي كتكات، الضحى كلي تفاحة ..

من غير قبل لا تسوووين رياضة بساعة لازم تاكلين و تشربين ماي، و بعد الرياضة بساعه نفس الشي، لكن مب أكلات دسمه طبعا ..

و على فكرة ينصح بأكل الكاكاو يوميا لأنه مفيد للجسم.. !!

و الأهم من هذا كله الرياضة، حتى لو تسوونها في البيت أنا نزلت 16 كيلو في البيت، ما كنت أمشي، كنت ما خذه سي دي رياضه " كارديو " و كنت أسوي عليه يومياااااااا .. و كان ساعة بس في اليوم

و عشاان يثت وزني كنت أكسر مرة في الإسبووع و آكل اللي أنا ابغيه، بس بتلاحظون لو تكسروون نمط الأكل عندكم بيختلف يعني ما بتاكلين كأنج مفجووعة، بتلاحظون على عماركم إنكم تاكلون لكن تقدرين تسيطرين على عمرج ..

و عشان تكملين و تقدرين تنزلين من وزنج لازم تقتنعين بشكلج، لأنه مافي شي بسرعة، و لو ما إقتنعتي أو حاولتي تقتنعين بشكلج صدقيني ما بتقدرين تنزلين وزنج.. !!

و نصـــيحتي " لا تتبعوون رجيييييييييييييم سريع " لأنه ما بيفيدكم أبدا..

و حلو الواحد يسوييله نظام غذائي ما يتعبه، و ما يسببله أي إرهاق أو دوار .. !!

و شو يعني إذا نزل شوي شوي، أهم شي صحتكم، و إذا تبوونه ينزل أسرع كثروا من الرياضة ..
و فكروا دايما كيف تثبتوون أوزانكم، قبل إنقااص أوزانكم بسرعة ..

و عشان تشجعون عماركم أكثر دخلوا يو تيوب و شووف برامج عن هالمواضيع عشان تقتنعوون أكثر .. !!

[didi21]

لانه كل كلامك سليم والله

[دبدوبة متفائلة]

والله صادقة ياما سويت من الرجيمات السريعة وكنت انحف بس بمجرد اكل ارجع اكثر من اول وفي الاخير اقتنعت ان خير الامور الوسط وصرت اخفف من اكلي واكل كل اللي نفسي فية بس باعتدال مع رياضة يوميا لمدة ساعة واشرب شاي اخضر وصرت اخس بدون اي تعب و حرمان وان شاء الله مستمرة على هذا النظام طول عمري
ومشكورة على طرحك الاكثر من رائع،،،

[رياضية]

أشكـــــــركم خواتي على ردوودكم ... !!
و دبدوبة متفائلة، صح الجاهي الأخضر ينزل الوزن، و بعد الجرفة إلها مفعووول في تنزيل الوزن، أذكر مرة ربيعتي خبرتني عن الجرفة إنها شافت برنامج عن المتان اللي في أمريكا، و ماشاء الله هم متنهم غير عنا لدرجة انهم ما يقدرون يتحركون من مكانهم، فــ كانت تقولي المراكز الصحية كانت تعطيهم يوميا مشروب الجرفة لأنه يساعد في تنزيل الوزن ..

[دبدوبة متفائلة]

مشكورة اختي رياضية على المعلومة
الله يجزاكي الجنة

[نونة الرشيقة]

والله كلامكم صحيح بس ممكن توضيح اكثر لتخفيف الاكل
لانها مخففة من فترة طويلة ووزني ماااااااااااااااااااااااااينزل

[منى دايت]

صح لسانك أختي
عين العقل
و على كثر ما البنات يحذرون من هالخزعبلات اللي تبهذل الجسم بعدين تدبل الوزن أضعاف الا أن البنات الى الآن يسوونها !!!
أي نظام غذائي سليم لازم يكون معه رياااااااااااااااااااااااااضة يومية مو أقل من 45 دقيقة و أحسن ساعة
أي وحده تقول وزني ثابت هي أول تسوي رياضة يومياً لحد ماتتعب و تعرق عفواً بس هذي هي الرياضة
تبدين بتدرج لحد ما تتعبين و شفي كيف وزنك يتغير بعد اسبوع مو يومين و تطبين ع الميزان

[يدق قلبي بوجودك]

شـكــ وبارك الله فيك ـــرا لك ... لك مني أجمل تحية .

[crazy2]

اها صح
بس الريجيم تبعي مش مغلينبي ومنزلني بالوزن
عدا اني بلعب رياضة
وبوكــل الشي المفيد
مرسي لالكـ

[نور الامل]

بسم الله الرحمن الرحيم
شـكــ وبارك الله فيك ـــرا لك ... لك مني أجمل تحية .

[حروف الهجاء]

[اورانوس]

مشكووووووووره......جزاكي الله كل خير

[بنتـ ابوها]

والله ماالومك من جد صدمه

شـكــ وبارك الله فيك ـــرا لك ... لك مني أجمل تحية .

[شراب المر]

مرحبا خيتو انا عن نفسي مخفف اكل صارلي اكثر من 5اشهر لكن مامنه فايده وزني مثل مهو كان 74 والحين 72 والقهر ماكل رز الا نادر يعني عادي في الشهر 5 مرات واكل اناناس فرش بكثره واشرب شاي اخضر 4 اكواب في اليوم وفطوري وغداي وعشاي كورن فلكس وحليب قليل الدسم واذا كثرت يمكن فطاير وشكراااا ادري وايدى ثرثرت اسفة الحين منو المفروض ينقهر انا والاانتي خيتووو

[ريومة الشطورة]

صح لسانك يا غالية.؟؟؟؟كلامك مزبوط مية في المية...

وانا مؤيدة فكرتك ..اي حاجة تجي بسرعة تزول بسرعة .....هذا غير الحرمان والعذاب النفسي اللي تحس بيه كل من تتبع الريج...يمات السريعة