شيلات و قصائد

أبيات وقصائد جديدة

أبيات وقصائد جديدة

أبيات وقصائد منوعة – رسائل كلمات شعر – أبيات وقصائد جديدة

صورة ذات صلة

عروقي خميلة

أطوي الجديلة في كفوفي وهي ليل
ولا من طويت الليل صار الجديلة
حلمٍ جمعني فيك ما كان بالحيل
حلمٍ ولكن شوفتي لك قليلة
ناديت لك لين إسمعتني المواصيل
واشتقت لك .. كن العمر صار ليلة
ولمستك بروحي .. وكانت قناديل
أصابعي .. والقلب نار.. وفتيله
ما هو غريب .. أبتل من جارف السيل
لا شك ينبت في عروقي خميلة

 

الهرج

الاحسان يابن عبيد يجزى بالاحسان
والشر تنطحه الوجيه الشريره
ماقَل دَل وزبدة الهرج نيشان
والهرج يغني صامله عن كثيره

 

افتني ياشيخ

‫مير افتني ياشيخ .. من افضل؟ جزاك الله خير‬
‫مادري الغني والّا فقير الحال؟ ياشيخ افتني‬
‫هو الغني اللي يزكِّي بالسنة مرّة فقير؟‬
‫والّا الفقير اللي قضى عمره زكاةٍ للغني ؟‬

 

الصاحب الطيب

الصاحب الطيب بالاخلاص جازه
واحرص على اللي سمعته ترفع الراس
وإن كان تقدر لاطلب منك عازة
عطه الطلب تقدير لا تطوي الياس

 

الحابل والنابل

إليا اختلط حابل ذنوبك مع النابل
قل: يا كريم، وتنصّى يمّة القِبله
الله غفور ورحيم وللدعاء قابل
والتايب اللي قرب لله يقرّب له

 

غريب الدار

غريب الدار ومناي التسلي
أسلي خاطري عن حب خلي
سمعت الشور من قاصر معرفه
يحسب البعد عن داره يسلي

 

يا وسيع البال

يا وسيع البال .. ضيقت الصدور
رحت ما علمتني .. وين أنت ساري
في غيابك .. ما لخلق الله حضور
وفي حضورك ما لهم بالبال طاري

 

يا نفس

‏يا نفس مايرخص معاليك عوفيه
‏لو كان مردوده غناة ومسرة
‏ثوبٍ يعرّي .. ما سترك بمخابيه
‏وجوعٍ يعز النفس .. لله دره

 

يا شقي القلب

يا شقيّ القلب لا أوحيت الأذان
قبل لا ترتد نفسك ردّها
ما تصلّي غير في شهر رمضان
تبني الحسنه شهر وتهدّها

 

رفيق يحد السيف ..

يا رفيق يحد السيف ويسله
كل ما اقفى رفيقه حش عرقوبه
رفقة مالها مذهب ولا مله
يالله العفو و الغفران و التوبة

 

 

زر الذهاب إلى الأعلى