ثقافة عامة

افرح وحزني موطنه وسط صدري

افرح وحزني موطنه وسط صدري

افرح وحزني موطنه وسط صدري
يملك صكوكن بالضلوع المحاديب

يطري علي الي خذا القلب يطري
قلبي معه من دون شكن ولا ريب

اسج خطواتي على وين مادري
وعيوني الثنتين باعلا المراقيب

شكيت فرقاهم وانا توي بدري
شكوى الضرير الي ملا راسه الشيب

ياللي خذيت القلب معقول تدري
ان صاحبك يقنب كما يقنب الذيب

والله ترى حبك مع الدم يجري
ولو كان تدري مانظن انك اتغيب

ياملهمتني كل ما اطريت شعري
وشلون اطيب من الجروح المعاطيب

طال الفراق وبعدكم شل فكري
ماظنتي جرحي يجي له تطابيب

ماعاد ينفع قو باسي وصبري
ولاعاد ينفع قولت اتصيب واتخيب

باطلبك حاجه كان مازال قدري
حاجه بسيطه مابها اية عذاريب

القلب عندك لانوى اليوم يسري
تطلق سراحه يكفي امن التعاذيب

الزوار أعجبهم أيضاً:

مواضيع قد تهُمك: