انت و طفلك

بكل بساطة انا ماما

انا ماما. أنا إللى بطبطب ، وأنا إللى بزعق وبضرب ، وأنا إللى بحب ، وأنا إللي عمرى فى حياتى ما أقدر أكره،أنا إللى بدادى،وأنا بردو إللى قلبى بيوجعنى وأفضل أهاتى

بكل ببساطة انا ماما

جوزى بسالنى مره وبيقوللى انتى إزاى بتعمللى كده ؟
قولتله بعمل ايه ؟

قالى بتزعللى وتنرفزى جامد
وترجعى تهدى مره واحده

بتضربى الاولاد وترجعى تبوسى
مكان الضربه وتصالحيهم فى نفس الوقت

تبقى مش طايقهم واول ما واحدفيهم يتخبط
تجرى عليه ويتغير شكللك فى لحظه

تكونى نايمه فى سابع نومه وانا عامل هيصه
جامده وماتصحيش واول ما حد منهم بس
يعيط واكون مش سامعه تنطرى تروحيله
كأنك ما كونتيش نايمه

تفضللى تشتكى وتقوللى تعبانه ومش
قادره واول ما يبعدو شويه عنك او يروحو
عند جدتهم تفضللى تزنى عايزهم يرجعو
واول ما يرجعو ويبتدو يعملو شقاوه ترجعى
تزعقى وتتنرفزى

أكيد انتى مش طبعيه اكيد مجنونه

قولتله : بالعكس انا طبيعيه جداا””

انا بس السوفت وير بتاعى مظبوط عليهم وعلى نظامهم
افرح لفرحهم ، اتعب لتعبهم ، اصحى على صوتهم لو عيطوا
اقلق لو بعدو عنى ، ازعق واشخط خوف عليهم لا يتأذو
اكون زى ما بيقولو، ادعى على ابنى واكره الى يقول أمين
ومن جوايا بقول يارب ما تسمع منى

انا طبيعية، انا الفطرة الى ربنا فطرنى عليها انا ببساطه ماما

انا ماما

انا اللى بطبطب ، وانا اللى بزعق وبضرب
انا اللى بحب ، وانا اللى عمرى فى حياتى ما اقدر اكره

انا اللى بدادى ، وانا بردو الى قلبى بيوجعنى وافضل اهاتى
انا اللى بفضل اشتكى واقول مش قادره ،  وفى لحظه بنسى التعب واقوم زى الجمل
انا اللى بقول يخربيت كده زهقت طهقت ، ولو فى يوم بعدت ازهق ويمكن كمان اتجنن
انا اللى ذى زى الكل صوتى طالع وصويتى مسمع الكل ، وبردوفى نفس اللحظه باخد بالحضن واضم

انا اللى بقول ماليش دعوه ان شاءالله تخرب هو انا بتعب عشانى ،وبعدها بلحظه بجرى بالشبشب وراهم عشانهم مش عشانىانا الى بخاف وانا الى بترعب انا اللى بحب وانا الى بتخنق
انا اللى بعشق وانا اللى بزعق انا اللى بصوت وانا بردو الى بحن
انا اللى بذاكر ، وانا اللى بتجنن ، ويمكن انا اللى بمتحن وانا كمان الى بنجح

انا اللى بسهر وانا الى من نظرتهم بفهم
وانا بردو الى بموت لو ظهر على وشوشهم نظرة تعب
انا اللى نظرة الفرح منهم عندى بالدنيا  وحياتهم هما الهوا الى بتنفسه
انا زى كل واحده زيي ، انا اللى بتمنى للكل يكون عندهم زى الى عندنى
انا اللى حلمت حلم واتحقق حلمى ..وبتمنى لكل مشتاقه تعيش نفس حلمى

علشان انا ماما

علشان انا ماما طلعان عينى وعين الخلفونى
وعلى قلبى زى العسل

علشان انا ماما بقول بكره تكبروا يمكن تريحونى
مع انى عرفه ان الراحه ذهبت ولن تعود

علشان انا ماما بستحمللك يا بابا واقول ابو عيالى
ما ليش بركه غيره

علشان انا ماما بنام اخر واحده وبصحى اول واحده
وكمان ما بشتكيش

علشان انا ماما بحبكم اكتر من نفسى والى يجى
عليكم افرومه فرم

علشان انا ماما ما تزعلوش منى لما ازعق او حتى
اضرب والله كله لمصلحتكم

علشان انا ماما بخاف على مستقبلكم وبقول ليكم زاكرو
علشان تبقوا احسن منى

علشان انا ماما بموت لما حد فيكو يتعب ولا حتى يكح
بقول يا رب هاتها فيا وبلاش هو

علشان انا ماما بحمد ربنا انه خلانى ماما ورزقنى بيكم
وبدعى لكل واحده ربنا ما يحرمها من احلى كلمه

الزوار أعجبهم أيضاً:

مواضيع قد تهُمك: