فوائد

تجربتي مع شامبوهات الترادو من غارنيه

اهلاً زوار المدونه العزيزات 
النهارده كملنا مع بعض السنه الثانيه
مش مصدقه الايام مرت  بسرعه  
تجربتي مع شامبوهات الترادو من غارنيه
تدوينه النهارده هتكون عن تجربتي مع شامبوهات غارنيه
من مجموعه الترا دو
وكنت سابقا كتبت تدوينه مفصله هنا عن منتجات العنايه
بالشعر من غارنيه و هي من اكثر المواضيع مشاهده في مدونتي
نبدأ بالشامبو المفضل عندي 

شامبو الترا دو بالعسل الملكي 

تجربتي مع شامبوهات الترادو من غارنيه
الوصف :الشامبو بالعسل و بروبوليس لتجديد بنيه الشعر
يقوي ،يحمي و يغذي للشعر التالف و الضعيف 
الشامبو لونه ابيض ،ملمسه كريمي و بيرغي كويس
لو متابعيني هتعرفو قد ايه بحب المنتجات اللى العسل
فبالنسبه ليّ هو ريحته رووووووعـــــه 
وتعتبر سبب رئيسي لاعجابي بالشامبو
يعني شعور لا يوصف لما تخرجي من الشاور ريحته شعرك
حلوة من غير ما تبذلي مجهود لتعطيره
ده غير ان تاثيره على شعري حلو جدا
جعله طري و ملمسه ناعم حتى بدون بلسم
حبيت تأثيره على شعري 
هو خالي من البرابين
لكن للاسف الشديد يحتوي على السيلكون
اذا مهمته تعرفي مشاكل السيلكون شوفي التدوينه  هنا 

شامبو التر دو بزيت الزيتون 

تجربتي مع شامبوهات الترادو من غارنيه
الوصف : شامبو بزيت الزيتون الصافي ، فائق التغذيه
يغذي بعمق ، ينعم و يرمم ، للشعر الجاف بالعمق ،المتضرر
الشامبو ده تقريبا آخر واحد نزل من مجموعه التر دو
لونه شفاف ملمسه يشبه الجل و بيرغي كويس 
ريحته عشبيه جميله و منعشه 
تأثيره على شعري كان كويس بينظفه بدون ما يجففه بزياده
و انا طبيعه شعري دهني من الجذور فبحب الشامبو يجعل
شكله اكثف ، فهو كان بيعطيه حجم و نفشه كويسه مش الوحشه 
تركيبته خاليه من البرابين 
لكن كمان للاسف فيه سيلكون لكن النوع القابل للذوبان 
يعني ضرره يعتبر اخف من السيلكون العادي 

شامبو الترا دو بزيت الافوكادو و زبده الشيا 

تجربتي مع شامبوهات الترادو من غارنيه
الوصف : شامبو مغذي ، للشعر الشديد الجفاف او المجعد
لونه بيج خفيف و ملمسه كريمي و بيرغي كويس
ريحته كويسه لكن بالنسبالي مش واااااو
تاثيره على شعري كان بينظفه كويس و بيعطيه 
كله نفشه خفيفه و حلوة
تركيبته خاليه من البرابين و السيلكون
و ممكن دة السبب اني لما قريت  تجارب بعض البنات معاه 
قالو انه جفف شعرهم وده طبيعي لو انتي متوعده على 
استخدام الشامبو بالسيلكون لان ده المكون اللى بيعطي الشعر اللمعه
لكن لما بيتراكم عالشعره بيكتمها و يمنع وصول الترطيب ليها
فلما تبدأي باستخدام شامبو خالي من السلكون في الاول هتحسي شعركجاف
لكن بعد فتره هيرجع لطبيعته و الشعره هتقدرتستفيد من 
حامات الكريم او الزيت اللى هتستخدميه
كده التدوينه خلصت اتمنى تعجبكم و تكون مفيده
لو عندك اى استفسار او تعليق اكتبلي تحت بالتعلقات 
ولا تسو متابعتي ليصلكم كل جديد على حسابي بالانتساغرام [email protected]

أنت تستخدم إضافة Adblock

برجاء دعمنا عن طريق تعطيل إضافة Adblock