ثقافة عامة

شمعه ماتحس بعمرها ماتسيح

شمعه ماتحس بعمرها ماتسيح

السلام عليكم ورحمة الله وبركاته

هاك كل القصيد اخذه مثل ماتبي

والله اني اغبط الخاطر المستريح

كيف لاجيت بكتب احترق بلهبي

شمعتن ماتحس بعمرها من تسيح

كل شاعر ترا لو هو تشاطر غبي

يطرب الناس شعره وهو جروحه تصيح

خذ قصيد بدا قبل يخط شنبي

يوم الايام كانت مثل ريضان شيح

اه ياليت تجمع بعثرة مكتبي

والله اني نويت ابني لشعري ضريح

كم كتبت وكتبت ولاوصلت طلبي

مدري العيب فيهم او بطبعي صريح

كن هالايام برد والقصيد حطبي

الاماني رماد والتوافيق ريح

بدل الوقت شكلي ولاقوا مذهبي

وادري ان الاماني بهالزمن من صفيح

سهل ويالصديق وللردي مصعبي

دون طيحت خويي والله اني لااطيح

هيه يامن تفتش دفتري وش تبي

كل بيت يمر بك اعرف انه جريح

وكان ماكفاك شعري يخلف الله تعبي

مايخلد ويبقى الا القوي والصحيح

يالقصيده تثني واطربي والعبي

في زمان بوجهه الي هقابه شحيح

دامها بالبدايه والنهايه حبي

لايغرك قوي العود باكر يطيح

الزوار أعجبهم أيضاً:

مواضيع قد تهُمك: