شيلات و قصائد

كلمات شيلة جعل يفدونها – مانع ال قريع

كلمات شيلة جعل يفدونها – مانع ال قريع

البارحه مر طيفك يوم بان القمر
وارهيت عذب القوافي واجمل لحونها

اسامر طيوف من لأجله عشقت السهر
والعين ما تسهر الا لأجل مضنونها

يازين عود ترى ماعاد فيني صبر
بعدك عذابي ونفسي باح مكنونها

سلم الهواء والشريعة ما يجوز الهجر
وأهل العهود الوثيقه ما يخونونها

العمر من دون خلي مايسمى عمر
الا حياتي ماتسوى العيش من دونها

الجادل اللي لها في وسط قلبي مقر
يفدونها البيض بأكمل جعل يفدونها

الذاير المستذيره من جميع البشر
هي منوة الروح وآنا صرت مفتونها

فتنه قلوب وملاك وللعذارى قهر
وباقي الوصوف النوادر لو تعرفونها

لبيه ياعودها اللي معتليه الثمر
لما اقبلت تسحب الخطوه على هونها

قوايم تسحر ويفتن ضمار الخصر
كنهم عن الزاد طول الوقت ينهونها

فيها الدلع والترف والموت زم الصدر
ولا لاجات تتمايل تسحب ردونها

اضيع بين الجديل وبين عنق ونحر
واحتار بين الجمال ونظرة عيونها

لا سلهمت بالعيون السود موتٍ حمر
نظراتها للقلوب تمكّن طعونها

هاذي دمار البدو هاذي دمار الحضر
سبحان ربٍ خلقها لو تشوفونها

البارحه مر طيفك يوم بان القمر
وارهيت عذب القوافي واجمل لحونها

اسامر طيوف من لأجله عشقت السهر
والعين ما تسهر الا لأجل مضنونها

يازين عود ترى ماعاد فيني صبر
بعدك عذابي ونفسي باح مكنونها

أنت تستخدم إضافة Adblock

برجاء دعمنا عن طريق تعطيل إضافة Adblock