كلمات صواديف الليالي – فلاح المسردي

ياجرحي اللي كل ماحس به طاب
زادت صواديف الليالي جروحه
ينزف وعجزت لاتداويه الاطباب
ماهو مرض عضوي ولاهي قروحه

الجرح هو توديع الاحباب لاحباب
من ذاق دمع العين حس بملوحه
انا الغريب اللي مشى درب الاغراب
انا الحبيب اللي تحدر طموحه

انا الجريح وموطني قلب منصاب
جمر المليله زاد في القلب فوحه
حبيبتي قلبي على شوفتك ذاب
من بعد هاك العام غابت فروحه

درب الفرح ضيع مفاتيح الابواب
والقلب عقبك عاش همه بروحه
ضاع الامل في رجعتك والقمر غاب
وانهد قصر الحب عالي صروحه

ياحظي اللي خاب مايوم قد صاب
والعمر قفا والاماني شحوحه
الموت واحد وان تغير في الاسباب
وان كان قلبي مات تبقى جروحه

حان الوداع المر ياذيك الاهداب
حان الوداع المر وابغى السموحه

كلمات: فيصل بن عسكر
ألحان: فلاح المسردي
2019