كلمات اغنية قديش كان في ناس فيروز

قديش كان في ناس ع المفرق تنطر ناس
وتشتي الدني ، ويحملوا شمسية
وانا بايام الصحو ما حدا نطرني

صارلي شي 100 سنه مشلوحة بهالدكان
ضجرت مني الحيطان ومستحية تقول
وانا عيني ع الحلى والحلى ع الطرقات
غنيلو غنيات وهو بحاله مشغول
نطرت مواعيد الارض وما حدا نطرني

صارلي شي 100 سنه عم ألف عناوين
مش معروفه لمين، ووديلهون اخبار
بكره لابد السما لتشتيلي ع الباب
شمسيات واحباب بياخدوني بشي نهار
واللي ذكر كل الناس بالآخر ذكرني

قديش كان في ناس ع المفرق تنطر ناس
وتشتي الدني ، ويحملوا شمسية
وانا بايام الصحو ما حدا نطرني

شاركها.