كلمات يردك حنينك – عيضه المنهالي

كلمات يردك حنينك – عيضه المنهالي مكتوبة كاملة.

يردك حنينك – عيضه المنهالي

اتروح ويردك حنينك
شكلك بدوني في حسايف
اتطيع فينا عاذلينك
واحنا الحبايب والولايف

منهو يعوضني بزينك
وعيوني بغيرك كفايف
عدني على حطة يدينك
في راس مرقاب الشرايف

اصد عن رمشك وعينك
والموت فالسود العطايف
انا دخيل الله زبينك
جوارحي منك تلايف

واخشى على الدوار انينك
اهناك وين العود هايف
وين يتلاقن راحتينك
مخطور يا مال النصايف

الحب لي بيني وبينك
مافيه مجروح وذرايف
ابحرت بك أول سنينك
وجنبتك دروب الشضايف

ودي اعينك واستعينك
لكن حداني عنك صايف
عطني عهد مدت يمينك
وخذ ماتبى مني رضايف

تروح ويردك حنينك
شكلك بدوني في حسايف
اتطيع فينا عاذلينك
واحنا الحبايب والولايف

كلمات: حمدان بالكيله
ألحان: احمد عبدالله
2019

كلمات الاغاني - كلمات يردك حنينك – عيضه المنهالي

مقالات ذات صلة

زر الذهاب إلى الأعلى