كيف ابدفى – الشيلات

كيف ابدفى – الشيلات

كيف ابدفى .. وبرد الشوق يذبحني وله
ليه تجفى .. يا اخر حب قلبي واوله
وانت اللي ملك روحي غرامه
وحبه حط في قلبي علامه
وصابتني من الفرقا سهامه
وانادي له من الاوجاع تكفا كيف بدفا

اشتاق لك وانت تدري حبك بقلبي كبير
لو تدري الشوق في قلب المولع يقلته
انت الاماني والهوى والحب الاول والاخير
والشوق في قلبي يحن من اخره لين اوله

طال بعدك .. يمر اليوم بغيابك سنه
ليه صدك .. وعيني في وصالك مدمنه
اشوفك طيف في كل الاماكن
وشوقي في حنايا القلب ماكن
وجودك نور في عمري ولكن
من غيابك حياتي منك تطفا كيف بدفا

انا الحبيب اللي على درب المحبّه مستخير
و انت الحبيب اللي على درب المحبّه حصّله
اقول للعالم بخير و حالتي ما هي بخير
باب الوصل قفل بعد ما كان قلبي يدهله

انت عمري .. وروحي فيك تحيا ياهوى
ليت تدري .. وجودك يابعد حالي دوى
ي شوق الخاطر وغاية طموحه
ي بلسم خافقي ياروح روحه
وقلبن لو يعاني من جروحه
اذا شافك من الاعواق يشفا كيف ابدفا

اشتاق لك وانت تدري حبك بقلبي كبير
لو تدري الشوق في قلب المولع يقلته
انا الحبيب اللي على درب المحبّه مستخير
و انت الحبيب اللي على درب المحبّه حصّله
اقول للعالم بخير و حالتي ما هي بخير
باب الوصل قفل بعد ما كان قلبي يدهله

كلمات: صالح بن نعير