ثقافة عامة

وصفات قهوه لذيذه بالة نسبريسو

وصفات قهوه لذيذه بالة نسبريسو

 اهلين :*

 

اليوم البوست بيكون عن وصفات قهوه لذيذه باستخدام الة نسبريسو وهالشي يناسب اي جهاز مع حليب او بدون ..
الي ماعندها جهاز حليب تقدر تسخن حليب عادي يفضي بالغرض ..
اتمنى يعجبكم :*
الوصفه الاولى  ( حاره ):
المقادير :
كوب حليب ( مراعي فرش نادك طويل الأمد – أي نوع حليب مناسب لكم )
حليب بوقوس (بالهيل )
وايت جوكلت صوص
كبسولة نسبرسو ( البنفسجيه او الذهبيه )
بجهاز الحليب نحط كوب حليب وملعقتين وسط حليب بوقوس ونشغل الجهاز
بالكوب نحط شويه من صوص وايت جوكلت مع نتفه سكر
نحط الكبسوله بالجهاز (تحددون نسبه القهوه من خلال الازرار )
اخر شي نصب القهوه ونستمتع باحلى طعم .

طريقه الوصفه الاولى بالفيديو

 

الوصفه الثانيه ( حاره ) :
المقادير :
كوب حليب
كبسولة كراميلتو البرتقاليه
صوص كراميل
سيرب نكهه الكراميل
بسكوت لوتس
بالكوب نحط شويه كراميل
بجهاز الحليب نخل الحليب مع سيرب الكراميل نتفه شويه بالمغطاة نحط منه
نحط الكبسوله
بعدها نصب الحليب والرغوه
اخر شي نزينها ببسكوت لوتس مطحون
الوصفة الثالثه ( بارده ) :
كبسولة فانيلا
كوب حليب
نكهة الفانيلا ( سيرب او الفانيلا مالت الكيك )
نحط الثلج بالكوب
نحط الكبسوله ( تحددون كمية القهوه على كيفكم )
الحليب نحطه بالجهاز مع شوي فانيلا ونضغط ضغطتين عشان يصير بارد وفيه رغوه
نصب الحليب فوق القهوه ونستمتع:*
وصفات بسيطه حبيت اشارككم فيها 🙂 .. ان شاء الله تعجبكم ..
هذا الحلو بماكينة نيسبريسو .. مجال الابداع فيها مفتوح وانتي وذوقج  تقدرين تخلطين
 وتبدعين :*
اماكن الشراء :
السيرب ( نكهات القهوه ) متوفره بمركز سلطان ماركة (Monin)
الوايت جوكلت صوص والكراميل ماركة (Monin) مركز سلطان, سيتي سنتر, الجمعيات التعاونيه
الكبسولات محل نسبريسو ( الافنيوز صوب محل باتشي + 360 مول فوق  )
السيرب الميني تقدرون تطلبونهم من امازون او توصون اي احد رايح لندن يشتري لكم من كافيهات كوستا

 

أنت تستخدم إضافة Adblock

برجاء دعمنا عن طريق تعطيل إضافة Adblock