أنسب وقت لتعليم طفلك السباحة

لذلك يُنصح جدا بتعليم الاطفال العوم ف اول شهر من حياتهم، انت مش بتعلمه العوم، انت بتستخدم وتنمي الفطرة ال هو مولود بيها.

والدكاترة بتقول إن الطفل ال ف خلال اول 6 شهور من حياته منزلش مايه، بيفقد تماما ونهائيا مهاراته الطبيعية ف التعامل مع المايه، وبيبقى صفر وبتبقى محتاج انت لما تيجي تنزله مايه، تعلمه السباحة من اول وجديد.
(تعلمه السباحة، مش تنمي حاجة موجودة اصلا جواه)

مثلا دي صورة شغف وهي عندها 4 تيام وانا بعودها ع المايه، شغف كانت بتطفو على ضهرها تقريبا بدون مساعدة تذكر.
الطفو ده (تنام على ضهرك ف المايه) في ناس كبيرة بشنبات مبتعرفش تعمله، واما بتعرف، بتتنطط على صحابها (ده انا بعرف أعوم يالااا) grin emoticon

الطفل بينزل قادر على الطفو لوحدة وبدون اي مساعدة منك. ولمدة زمنية طويلة، بيحتاج مساعدتك بس عشان هو بينام وهو بيعمل كده من كتر الأمان grin emoticon
بعد شهرين الطفل بيكون قادر على كتم نفسه تحت المايه اول مبتغطس راسه تحتها
عشان كده بتشوف الفيديوهات بتاعة تعليم الاطفال بينزلوا بعيالهم يغطسوا عادي والواد لسه لحمة حمرا

طبعا هنا كأي اب محترم يحترم نفسه ف الدولة العظيمة مصر، من الخزعبليات اني انزل بطفل عنده 4 أيام حمام السباحة ف النادي grin emoticon مش بعيد ياخدو البيبي ويبلغوا الشرطة عندنا اب غير أهل للتعامل مع عياله
كمان ناس كتير بترفض المايه المشتركة (حمامات السباحة) للاطفال قبل 6 شهور، عشان بتبقى مش صحية وقد تسبب اضرار.. لذلك التعليم جوه البيت افضل وبيأدي الغرض تماما لغاية 6 شهور

المهم..
دي صور شغف وهي عندها 4 تيام.. نزلت المايه اول نزول وطفت لوحدها
اخدت اول غطس تحت المايه وهي عندها 15 يوم تقريبا
مارست حركات العوم بشكل سليم (من غير ما أعلمها) وهي عندها شهرين
شغف دلوقتي 6 شهور، جسمها بيتناغم اثناء العوم سواء الحُر او ال على الضهر بشكل انا شايفه سليم، ناقص التجربة والامتحان grin emoticon

قريبا ان شاء الله هنزل بيها حمام سباحة وهختبر الحصص ال فاتت وان شاء الله هتعوم مباشرة لوحدها