الحجامة في الثقافة العلاجية الشعبية (2)
د . سامح شوقي – باحث من مصر
أنواع الحجامة وأدواتها :
يتعرض هذا القسم إلى الحجامة من حيث أنواعها المذكورة فى الدراسات الخاصة بالحجامة ، والأنواع الشائع استخدامها في منطقة الدراسة ، كما يعرض الأدوات المستخدمة في عملية الحجامة ، ومراحل تطورها عبر العصور .
1 – أنواع الحجامة :
تتنوع الحجامة من حيث طريقة إستخدامها وكمية الدماء المراد إخراجها من الجسم والتى يعتقد الأفراد أن إستخراجها لازما لمداواة المريض وتشير الدراسات إلى أنه هناك أنواع عديدة من الحجامة مثل ” ( حجامة خفيفة LIGHT CUPPING وتكون عبارة عن شفط خفيف بأكواب الحجامة – حجامة متوسطة MODERATTE CUPING وتكون عبارة عن شفط متوسط – حجامة شديدة STRONG CUPPING وتكون عبارة عن شفط قوى – حجامة متحركة “مساج الحجامة “ MOVING CUPPING ويتم فيها تحريك كوب الحجامة بعد الشفط مع وجود ماده تقلل الإحتكاك كزيت الزيتون – حجامة الإبر الصينية NEEDLE CUPPING وفيها يتم دمج الحجامة مع الإبر الصينية بوضع كوب فوق الإبرة – حجامة الموكسا MOXA CUPPING وفيها يتم حرق عشب صينى يسمى الموكسا ووضع الكوب فوقه وهوا مشتعل – حجامة متقطعة ” ومضات “ FLASH CUPPING وتتم بعمل شفط متقطع لكوب الحجامة وتكون جافة ” شفط ثم نزع ثم شفط ثم نزع وهكذا ” – حجامة دموية BLEEDING CUPPING وتتم بعمل شفط بالكوب بعد التشريط ، وهذا النوع هو الذى ورد فى السنة النبوية المطهرة – حجامة الأعشاب HERBAL CUPPING ويتم فيها غلى الأعشاب المراد العلاج بها مع أكواب البامبو ثم عمل الحجامة بطريقة عادية فتنتقل بعض خواص هذه الأعشاب إلى جسم المريض – الحجامة المائية WATER CUPPING ويتم فيها عمل حجامة بالماء الساخن أو البارد وإستخدامها كوسياة من وسائل العلاج الطبيعى ، وذلك بأن تملأ ثلث الكوب أو نصفه بالماء بعد أن تكون قد سددت صمامه بأصبعك ثم تجعل المريض على جنبه ثم تلصقها بالجسم وتشفط بالشفاط – الحجامة المغناطيسية MAGNETIC CUPPING وسميت بذلك لوجود مغناطيس داخل الكوب ليساعد على تحريك الطاقة المغناطيسية فى الجسم ” .(1)
إلا أن من خلال معايشة الباحث لمجتمع الدراسة إتضح أن الحجامين يستخدموا نوعين فقط من الحجامة وهما :
أ – الحجامة الجافة .
ب – الحجامة الدموية BLEEDING CUPPING وهى الأكثر شيوعا واستخداما للعلاج فى مجتمع الدراسة .
ويتناول الباحث كل من النوعين بالشرح على النحو التالى :-
أ – الحجامة الجافة :-
الحجامة الجافة هى أحد الأنواع المستخدمة فى منطقة الدراسة وهى تجرى بواسطة كاسات الهواء بدون تشريط وهى لازمة لبعض الأمراض ، وهى ما كان معروفا لدى مجتمع الدراسة باسم “كاسات الهواء” وكانت تستخدم عادة فى علاج الآلام الروماتزمية وآلام الدورة الشهرية وتشير الدراسات إلى أنها ” تتم بواسطة كاسات الهواء ولكن دون عملية التشريط التى تؤدى بدورها إلى خروج الدم ، وهذا النوع من الحجامة نافع جدا لألام المفاصل إذا تم إختيار مكان الحجامة بعناية. إذ يعتبرون هذه الطريقة من أفضل الطرق لتخفيف آلام أسفل الظهر . ” ففى هذه الطريقة من الحجامة يترك الكأس فى مكانه بعد تفريغ الهواء حتى يحمر الجلد أو يتحول لونه للون القرمزى ، أما إذا لم يحدث هذا التلون للجلد فمعنى ذلك أن المكان غير مناسب لهذا النوع من الحجامة ” .(2)
_____________________
(1) عمرو الريس ، فن الحجامة ، راجعه علميا وأشرف عليه أمير صالح ، دار الرسالة للنشر ، الكويت ، الطبعة الأولى ، سنة 2009 ، ص 17 ، 18 .
(2) أيمن الحسينى ، معجزات الشفاء بالحجامة وكاسات الهواء ، مكتبة القرآن ، القاهرة ، الطبعة الأولى ، سنة 2003 ، ص12 .
يعتقد المعالجون أن تغير لون الجلد فى الموضع يشير إلى أن هناك إصابة ما فى المكان ، فبعد إستخدام كاسات الهواء “الحجامة الجافة” تخلف ألوان متفاوته على جلد المريض من الأزرق بدرجاته إلى الأحمر بدرجاته ولدى أفراد مجتمع الدراسة تفسيرا لهذه الألوان، إذ يشير الأزرق الغامق إلى إصابة هذا الموضع إصابة شديدة وهكذا تتدرج حدة الإصابة مع تدرج اللون فتوضح أم حسن من المعالجين بالحجامة هذا الأمر بقولها “المكان ده شارب برد ” .(1)
وبهذا يمكن إعتبار الحجامة الجافة فى بعض إستخدماتها أحد وسائل التشخيص للمرض، إذ تؤشر إلى حدوث إصابة أو مرض فى مكان ما عن طريق تلون الجلد بعد إستخدامها ، وتقول الإخبارية رقم (1) من مجتمع الدراسة ” الحجامة دى من زمان أوى بس كنا بنقول عليها كاسات الهوا كنا بنعملها فى بيوتنا مكانش فى حد بيعملها لنا اتعلمناها من امهاتنا ، كان البنت لما بتجلها العادة البنت العفية كانت لما بتجلها العادة كانت بتيجى بصداع ووجع فى آخر الظهر ماينفعش تاخد مسكنات عشان بتضعف الخلفة لما تتجوز، فكانوا بيعملولها كسات هوا على ظهرها ، وكمان إللى عنده برد فى ظهره وللروماتيزم كنا بنعملها له ، كنا بنجيب شوية دقيق ونعجنه بالميه لما يكون عجينه طرية ونبططها رقيق ذى الأرص “الأقراص” ونحطها على ضهر التعبان وبعدين نجيب قطنة ونعصها بالسبرتو ونحطها على العجينة ونولع فيها ونكفى عليها أى كوباية صغيرة ذى بتاعة الشاى عليها تلاقى النار انطفت والجلد بالعجينه انشفطوا ونسبها شوية هنلاقى فى الأول الكوباية جامدة لما نهزها وبعد شويه نلاقيها ضعفت لما نهزها نعرف أن الحتة دى انشفط منها البرد وننقل على حته تانية فى الضهر ، لما بنشيل الكوبايه بنلاقى مكنها معلم فى الجسم وعامل لون مزرق ومحمر كل ما كان اللون غامق تكون الحته إللى مكانه شاربة برد كتير تلاقى ظهرها حته زرقه وحته حمرا وحته حمرا فاتحه وحته حمرا غامق دواير دواير كده وكل لون بيبين البرد قد إيه فى الحته إللى عليه “.(2)
ومن أشهر الأمراض التى تعالج بالحجامة الجافة فى مجتمع الدراسة التبول اللاإرادى __________________
(1) أم حسن من المعالجين بالحجامة .
(2) الإخبارية رقم (1) من مجتمع الدراسة .
كما يقول الحاج سيد سرور من المعالجين بالحجامة ” حجامة جافة يعنى من غير تشريط ودى بنعملها لحالات التبول اللاإرادى ” .(1)
كما أن للحجامة الجافة فوائد أخرى فهى تستخدم كمسكن للألم أحيانا ، ولمن ليس لديهم خبرة فى التشريط وهى هنا ليست طريقة لعلاج المرض بقدر ماهى مسكن للآلام وقتى لا يدوم ولا يغنى عن علاج المرض سواء بالحجامة أو بطرق أخرى ، كما يقول الدكتور سيد عياد من المعالجين بالحجامة “ مسألة الحجامة الجافة لا تخرج دم بس بتحرك الدم داخل الجسم من مكان لمكان فقط ، إللى هى الكاس بيركب على الجسم بس وبدون تشريط بيعمل إيه بتعمل إيه الحجامة الجافة رغم أنا لا أفضلها لا أفضل الحجامة الجافة بدون ماتكون هى مطلوبة إنها تكون جافة يعنى أنا اصلا ماأعملش حجامة لحد بنفس الطريقة إللى قيلاها الكتب ليه الكتب بتقول إن الحجامة الجافة دى بتعمل إيه بتنقل العصارات والمواد الغير مرغوب فيها من الدم من مكان إللى هى فيه إلى مكان تانى قريب من سطح الجلد فإيه يخف الألم شويه ، تعمل مسألة مسكن وليس علاج ، ولو واحد مثلا ماعندوش خبرة فى التشريط بيعملها كمسكن لأى حد يريحوا شوية بس ، لكن هى لا تفضل ، إلا إنها فى حالة التبول اللاإرادى مهمة جدا “.(2)
وهذا النوع من الحجامة نادر جدا إستخدامه إلا فى حالات قليلة فيقول الشيخ إسماعيل من المعالجين بالحجامة ” الحجامة الجافة دى نادرة جدا ماتلاقيش حجام حجام متخصص بيشتغل بيها إلا فى حالة واحده بس وهى التبول اللاإرادى ودى نادرة جدا يعنى أنا واحد من الناس ماصدفنيش حالة تبول لاإرادى يمكن يكون الحاج ” والده ” عملها لحد بس انا لاء ” .(3)
الحجامة الجافة لا تحتاج إلى خبرة أو شخص متخصص لإجرائها حيث يمكن لأى شخص أن يقوم بعمل حجامة لنفسه دون مساعدة من أحد ، وفى هذه الحالة يضع الكأس __________________
(1) الحاج سيد سرور من المعالجين بالحجامة .
(2) الدكتور سيد عياد من المعالجين بالحجامة .
(3) الشيخ إسماعيل من المعالجين بالحجامة .
مكان الألم ويتركه لمدة حوالى خمس دقائق ثم يتم رفعه فتذكر أم حسن من المعالجين بالحجامة ” أنا ماعملتش الحجامة الجافة لحد لأن كل الحالات إللى بتجينى بتبقى محتاجة أعملها حجامة رطبه الحجامة الجافة ممكن أى حد يعملها لنفسه فى بيته يعنى مش محتاج حجام وظروف الناس اليومين دول صعبة هايقولك أنا أعملها لنفسى وأوفر أجرة الحجام مش صح هو ده تفكير الناس ” .(1)
وبالرغم من سهولة إجراء هذا النوع من الحجامة إلا أن هناك عدد من المحاذير لإستخدام الحجامة الجافة تذكرها الكتب وهو ما يمكن أن لا تتوفر عنه معرفة لدى أفراد مجتمع الدراسة ، إذ تذكر الدراسات بعض الحالات التى لا يجب إجراء الحجامة فيها ولعل من أهمها :-
أ- فوق دوالي الساقين . (2)
ب- للنساء الحوامل . (3)
ج- الأمراض الجلدية التقرحيه . (4)
ب- للنساء الحوامل . (3)
ج- الأمراض الجلدية التقرحيه . (4)
__________________
(1) أم حسن من المعالجين بالحجامة .
(2) صبحى سليمان ، الحجامة ، دار الفاروق للنشر والتوزيع ، الطبعة الأولى ، سنة2006 ، ص19 .
(3) سيد أحمد أبو سيف ، الحجامة سنة نبوية ومعجزة طبية ، مكتبة الإيمان بالمنصورة ، الطبعة الأولى، سنة2003 ، ص22.
(4) أحمد رزق شرف ، الأسس العلمية للمعجزة النبوية الحجامة ، مكتبة أولاد الشيخ للتراث ، سنة 2005، ص 52 .
ب – الحجامة الدموية BLEEDING CUPPING :
تعتبر الحجامة الدموية الأكثر شيوعا واستخداما للعلاج فى مجتمع الدراسة ، ويطلق عليها فى بعض الكتب أسم الحجامة الرطبة وهى مثل الحجامة الجافة فى طريقة عملها إلا أنها تعتمد على إخراج الدم من جسم المريض بواسطة تشريط سطح الجلد ، ويقول الحاج سيد سرور من المعالجين بالحجامة “الحجامة الرطبة دى دموية علاجية يعنى جاى يتعالج من مرض معين ، والحجامة دى ملهاش أى ضرر خالص عشان العلاج عن طريق الإخراج وكل الأدوية إللى فى الدنيا عن طريق الإدخال يقولك خد البرشامة دى خد الحقنة دى خد مش عارف إيه خد وخد ، إحنا عندنا فضى شوية دم ، يعنى أى إخراج من الجسم مفيد لمؤاخذه التف والنف والتبول والتبرز والمخاط أى حاجة بتطلع من الجسم بتفيده ، و لو المريض ماجبش نتيجة من أول جلسة بقول له علاجك مش عندى لأن الحجامة دى من أول جلسة بتجيب نتيجة حوالى عشرة فى المية وبكرر الجلسات لحد لما يخف ” .(1)
ويعتبر المعالجين بالحجامة أن هذا النوع من الحجامة هوا أفضل الأنواع نفعا وفائدة للمريض فيقول الدكتور سيد عياد ” الحجامة الرطبة وهى المفضلة هى دى افضل أنواع الحجامة وهى أكترها نفعا وأكترها فايدة إللى هى الحجامة إللى أنا بأركب الكاس وبعد دقيقتين أو تلاتة أو أربعة لخمس دقائق وأشرطها بعد كده ثم أركب الكاس مرة تانية حتى أخرج الدم إللى أنا جمعته تحت الكاس تحت مكان الكاس تحت النقطة إللى أنا إخترتها وحطيت عليها الكاس يبقى إذا هى دى الحجامة الرطبة إللى هى بتشريط إللى هى إخراج الدم ، وهى دى الحجامة التى ذكرت وذكرها النبى صلى الله عليه وسلم لما إتكلم فيها وهى دى إللى وجدت منقوشة على المعابد وعلى الجدران هى الحجامة الرطبة إللى هى التشريط وتخرج الدم ” .(2)
_____________________
(1) الحاج سيد سرور من المعالجين بالحجامة .
(2) الدكتور سيد عياد من المعالجين بالحجامة .
2 – أدوات الحجامة
الحجامة لها أدوات تستخدم فى العملية العلاجية وأدواتها هى الكاسات التى توضع على جسم المريض مكان موضع الألم أو نقط العلاج ، وأدوات التشريط بواستطها يشرط الحجام جسم المريض لإخراج الدم .
أ : الكاسات :-
مرت الكاسات بعدة مراحل من التطور على مدار التاريخ والأزمان من حيث أشكالها والخامة التى كانت تصنع منها ، وكذلك طرق تفريغ الهواء من داخل الكاسات فكل نوع من الكاسات له طريقته لتفريغ الهواء ، وتطالعنا الدراسات إلى أن ” أول ما استخدم للحجامة كان قرون الحيوانات وذلك بأن تفرغ من داخلها ، ويزال الجزء المدبب منها ، ثم تلصق قاعدتها على الجلد ، ويشفط الهواء بوساطة الفم ، ليخرج الدم من مناطق التشرط ، ثم تطورت هذه الأدوات من بعد ذلك لتستخدم كؤوس مصنوعة من الحجر أو الشجر ( كؤوس البامبو ) ، ومع تطور الحضارة واكتشاف الزجاج صنعت الكؤوس المجوفة ذات العنق الرفيع ، وهي ما زالت تستخدم حتى الآن ، ولتفريغ الهواء منها كان يحرق بداخلها قطع صغيرة من القطن ” . (1)
وتعتبر أفضل طريقة كانت تستخدم لإحداث التفريغ الهوائي من الكاسات الزجاجية والتى ذكرتها الدراسات الخاصة بالحجامة هى ” استخدام القطن المبلل بالكحول على عصا صغيرة ويشعل فيها النار ، و تدخل إلي تجويف الكأس ثم بحركة سريعة توضع الكأس على الجلد ، وهذا يحدث فراغاً هوائيا من احتراق الأوكسجين vacuum فيمتص الجلد إلى الكأس ، وتحتاج هذه الطريقة لمهارة وتدريب قبل بدء تطبيقها على المرضى ” .(2)
__________________
(1) صهباء محمد بندق، مرجع سابق ، ص24 .
(2) صبحى سليمان ، الحجامة ، دار الفاروق للنشر والتوزيع ، الطبعة الأولى ، سنة2006 ، ص39 .
وحديثا فقد إختلفت أشكال الكاسات وكذلك الخامة التى تصنع منها الكاسات فأصبحت تصنع من البلاستيك وهى خامة زهيدة الثمن بالمقارنة بخامة الزجاج التى كانت تصنع منها الكاسات ، وكذلك طرق تفريغ الهواء من تلك الكاسات فبعد أن كان يفرغ الهواء بوساطة الفم وكانت عملية مجهدة جدا للحجام ، أصبح هناك أدوات حديثة إما يدوية مثل الماصة أو أجهزة كهربائية لتفريغ الهواء ، وظهر الإهتمام بتعقيم الكاسات المستخدمة فى عملية الحجامة ، فتشير الدراسات ” أما حديثا فيستخدم كاسات هواء مصنوعة من البلاستيك ، قابلة للتعقيم ويفرغ الهواء منها بوساطة ماصة ( مفرغة للهواء ) إما يدوية أو بوساطة جهاز خاص لشفط الهواء ، وهذا يولد في الكأس ضغطا سلبيا يساعد على شفط الدم وتجميعه ، وبوجود صمامات خاصة في الكأس تمنع دخول الهواء إليه بعد إفراغه ، وهذه الطريقة هي من أكثر الطرق انتشارا لسهولة استخدامها وزهد ثمنها وتوفرها في جميع دول العالم ” .(1)
وضهرت على الساحة العالمية دول لها شهرة كبيرة فى صناعة أدوات الحجامة كما تطالعنا الدراسات ” أكثر الدول شهرة في صناعتها الصين وماليزيا ” . (2)
والكاسات لها مقاسات مختلفة حسب مواضع العلاج ففى ” الطب الصيني كان يقاس قطر الكأس الزجاجي بما يعرف ( الشون ) ، وهي عبارة عن طول السلامية الثانية لإصبع الشاهد للشخص المراد حجامته ، وعادة لا يزيد قطر الكأس عن (2شون) أي ما يعادل 5- 6 سم ” . (3)
ومن خلال معايشة الباحث لمجتمع الدراسة إتضح أن الشائع تداوله ويفضله الحجامين فى منطقة البحث الكاسات البلاستيك التى تستخدم مرة واحدة فقط ، وذلك لسهولة إستخدامها ، وزهد ثمنها .
يحرص الحجامين فى منطقة الدراسة على إستخدام الكاسات مرة واحدة فقط خوفا من إنتقال الأمراض بين المتعالجين ، ويشير الإخبارى رقم (4) من المعالجين “ الكسات __________________
(1) سيد أحمد أبو سيف – الحجامة سنة نبوية ومعجزة طبية – مكتبة الإيمان بالمنصورة – الطبعة الأولى- سنة2003 –ص31.
(2) المرجع السابق – ص 31
(3) أيمن الحسينى – معجزات الشفاء بالحجامة وكاسات الهواء – مكتبة القرآن – سنة2003 – ص29 .
تستخدم لمرة واحدة حتى ولو لنفس الشخص ماعنديش حاجة اسمها خد كاساتك واغسلها وهتهالي المرة الجاية لاء لاء انا لا استخدم هذا الأسلوب إطلاقا وانا يمكن أول واحد في مصر عمل الموضوع ده أظن كدة يعني اعتقد إن انا رقم واحد إللي عمل كدة إلا إذا كان سبقني حد انا ماعرفوش لكن إللي انا أعرفه على قدر معرفتي باللي بيعملوا حجامة وبيشتغلوا في الحجامة أنا رقم واحد عملت موضوع إن أنا استخدم الكاس وارميه كان الكاس تمنه خمستاشر جنية تروح تشتري شنطة تمنها ألف جنيه كانت الحاجة غاليه دلوقتي الكاس بتلاتة جنية الصيني والمصري كمان فأصبح الأمر في متناول الجميع ، انا كل إللي يهمني إن الكاس يمسك لأني برميه بعد كدة أنا مش عاوزة تاني ، صيني استرالي انجليزي انا مش هاتفرق معايا دي ، يفرق معايا الكاس يمسك فى الفترة إللى أنا شغال فيها مايكونش بايظ لكن أنا لا أستخدمه تانى علشان كده أنا مايهمنيش خامته عالية جيده مش عايز الكلام ده ” .(1)
ب : أدوات ألتشريط :-
مرت أدوات التشريط على مر العصور بعدة مراحل من التطور إلى أن وصلت إلى ما هى عليه الآن ” قديما : أول ما استخدم لعملية التشريط الحجارة الحادة السطح ، إلى أن اكتشف المعدن فأصبح يستخدم السكين الحاد لهذه العملية ، ولكن غالبا ما كانت هذه السكاكين جائرة إذ كان يجرح بها أكثر مما يلزم ناهيك عن فقدان التعقيم ، و خطر انتقال الأمراض المعدية “.(2)
وحديثا يستعمل لعملية التشريط واحدة مما يلي :
1- إبر فحص الدم وهى متوفرة فى الصيدليات ، و يجب التأكد من الجزء الحاد أن يكون أقل من واحد ملم ، وهذا يضمن الوخز الجيد بدون ألم ، تستعمل هذه الإبر لمرة واحدة . _____________________
(1) الإخبارى رقم (4) من المعالجين بالحجامة .
(2) ابو الفدا محمد عزت – أسرار العلاج بالحجامة والفصد – القاهرة – دار الفضيلة – سنة2003 – ص 20 .
2- مشارط طبية وهي مصنعة للشرط أقل من 1ملم في الجلد أيّ إحداث كشط ( شرط ) خفيف على الجلد وهى التى يفضل أستخدامها الإخبارى رقم (4) من المعالجين بالحجامة.
3 – شفرة الحلاقة ( موس حلاقة الذقن ) وهى يفضل إستخدامها الإخباريين رقم (1،2،3) من المعالجين بالحجامة فى منطقة الدراسة .
ولتشريط المريض قواعد يعرفها حجامين منطقة الدراسة ويلتزموا بها ، فيقول الحاج سيد سرور من المعالجين بالحجامة “ بالنسبة للتشريط فى الحجامة لازم يكون بالطول ، إنتا عارف لو مسكت الإنسان وشرحتوا بمطوة بالطول ولا يحصلوا حاجة كله يلتئم وخلاص ، لكن لو واحدة بالعرض يموت إللى بالعرض ممكن تأطع الأورده ، الإنسان بطبعه كائن طولى حاجته بالطول حتى الشريان ده لو إتقطع الإنسان يموت عشان كده ربنا سبحانه وتعالى عامل إيه الشرايين جوه خالص وتلاقيه تحت طب الوريد تلاقيه طالع لبره شويه والشعيرات الدموية على السطح خالص فالشعيرات الدمويه بتحسن جسم الإنسان يعنى الكولسترول والبروتينات والأملاح وكرات الدم الحمرا كل ده بيطلع مع الحجامة ” .(1)
على الرغم من أن التشريط له قواعد منصوص عليها فى الكتب الخاصة بالعلاج بالحجامة إلا أن هناك بعض المعالجين بالحجامة لا يلتزموا بها معللين ذلك بخبرتهم الطويلة فى هذا المجال فيقول الدكتور سيد عياد من المعالجين بالحجامة ” التشريط ده الكتب أيله كلام يعنى خمسة عشر تشريطة ومش عارف إيه الكلام ده أنا لا ألتزم بده بالظبط لإن أنا بالتزم بحسب مقياس الكاس وحسب جلد الشخص أنا بشرط بمساحات معينة وبتشريطة معينة وبمكان معين بحاول أغطى المساحة كلها بالتشريط ، وكتير جدا بيقولوا إن مريض السكر مايتشرطلوش أنا بشرط مريض السكر بس بطرقتى أنا مش أى تشريط لاء طرقتى أنا ، ده مريض السكر بشرطله بطريقة معينة برده تشريط كامل لكن بكم أقل لعدد أقل ، طول الشرطة نفسها أقل ، إرتفاع الشرطة أقل كده يعنى ليها نظام معين على اساس ، وبفضل الله سبحانه وتعالى ماحصلش ولا مرة إن حد عنده سكر __________________
(1) الحاج سيد سرور من المعالجين بالحجامة .
وجالى وقال لى إن أنا التشريط حصلى مشكلة منه بفضل الله ولا واحد حتى مافيش واحد ولا إتنين لا لا ماحصلش ، وأنا بشرط بمشرط طبى يستخدم لمرة واحدة بس ، والتشريط بيكون بالطول مع طول الأعصاب مع طول الأورده علشان لو حصل غلطة ونزف الشخص ده شوية مقطعش حاجة عشان مع طولها واخد بالك مع الطول نفسه ” .(1)
وتقول أم حسن من المعالجين بالحجامة ” فى حجات فى الكتب مش متشرطة بس أنا بشرطها ذى فى حالات العقم بالنسبة للمبايض بتاعت الست دى مش ليها تشريط حتى لو شفت فى الكتاب ، دى بشرطها ما شاء الله بتجيب نتيجة من مرة ولا اتنين وماشفهاش تانى “.(2)
بالنسبة لعمر الشخص المشطوب فقد ذكرت الدراسات الخاصة بالحجامة أن لا يقل عمره عن سن معين فتشير الدراسات إلى ” أن لا يقل عمر المشطوب عن عشرين سنة ، وهذا منطقى جدا لأن العضوية فى هذا السن تكون غضة وعلى إستعداد لتصحيح أخطائها”.(3)
وعلى الرغم من أن الدراسات العلمية الخاصة بالعلاج بالحجامة ، تشير إلى أن التشريط لا يجوز لأقل من عشرين سنة إلا أنه من خلال معايشة الباحث لمجتمع الدراس تيبن أن الحجامين يقوموا بالتشريط لسن أقل من ذلك بكثير وبالرغم من ذلك فإنه توجد نتيجة إجابية ملموسة لدى المتعالجين الذين حضر الباحث جلسات الحجامة لهم ، ويقول الدكتور سيد عياد من المعالجين بالحجامة “ من ضمن الحالات إللى عالجتها طفلة عندها تمن سنين تانيه إبتدائى من الشرقية من حته إسمها ههيا جمب الزقازيق ، البنت دى ظهرها واخد وضع الركوع الركوع تماما يعنى إسمها ( مى ) فاكر إسمها أنا ، المهم جاتلى قلت لهم ماشى كان والدها ووالدتها بيبكوا مارضتش أقول لهم ده صعب المهم قولت لهم إن شاء الله هتبقى ذى الفل ومعاهم أشعات مقطعية وقال لى إحنا داخلين على عملية تتكلفلها خمسة عشر الف جنيه الدكتور قال لنا بسرعة وعملنا الأشعة والتحاليل _____________________
(1) الدكتور سيد عياد من المعالجين بالحجامة .
(2) أم حسن من المعالجين بالحجامة
(3) عبد القادر يحيى الشهير بالديوانى مرجع سابق ، ص 12 .
لكن فى طفلة كانت جاتلك ، وفعلا كان جانى طفلة كان عندها إلتهاب العصب السابع إللى هو إلتهاب الوش أو إلتهاب العصب او إللى هو شلل الوش ، الطفله دى كان عندها سنة ونص خلى بالك يعنى تمنتاشر شهر جاتلى أولت دى طفلة لكن أمام إصرار أهلها جايين وكأن الأمل هو هنا مافيش غيره ، أولت طب أحرمهم ليه أنا من الأمل أنا أعمل جلسة وإذا ربنا كرم وحصل تحسن هما هايجوا تانى لوحدهم واخد بالك ، لإن المريض لما بيطلع من عند الدكتور الدكتور مابيروحش يجيبه المرة التانية لاء ده هوا إللى بيجى صح لو إرتاح نفسيا أو حس بتحسن بيجى ماإرتحش نفسيا أو ماحسش بتحسن مش هايجى طبيعى لو إنتا معاك تليفونه وكلمته هيقولك ماشى ومش هايجى طالما هو مش مستريح ، فوجئت بالبنت الصغيرة جاتنى تانى تفتح بقها إتعدل مافيش حاجة تفتح بقها حاجة بسطة بس حركة الصدر تقيلة شوية والعين قفلت والحاجب بدأ يتحرك قولت الحمد لله فضل ربنا سبحانة وتعالى ، البنت السنة ونص دى جابت البنت إللى عندها تمن سنين أهلها قالوا لى إحنا من بلد البنت إللى جاتلك وكان عندها كذا وعملتلها حجامة قولت له خلاص إن شاء الله هتبقى ذى الفل طبعا أنا من جوايا بقول لاء لكن لازم أقول للناس إللى أدامى كده لأن عندهم أمل ، وكأن ده هو الأمل الوحيد أتعبهم أنا ليه نفسيا إحنا نعمل الجلسة دى وإذا ظهر تحسن هما إللى هايجوا ذى ماقولت لك ، وفعلا جم انا كنت فى العمبر التانى وجيت على هنا لقتها أعده عادى مش محنية ذى الأول قولت مالك يابابا قالوا لى دى مى مين مى أنا مش عارف إسمها قالوا لى دى مى كأنى عارفها قالوا لى مى دى إللى كان ظهرها محنى قولت معقولة دى ، قولت اللهم لك الحمد والشكر قولت خلاص خير إن شاء الله من هنا عرفت إسمها مى ، وقولت لهم إدونى رقم تليفونكم وخدت رقم التليفون حتى إتصلت بيهم يوم ما جانى التلفزيون ماجوش قالولى والدها مش عارف مسافر فين ووالدتها ماتقدرش تيجى لوحدها ، المهم قولت مافيش مشكلة تانى جلسة كان الوضع إتعدل وتالت جلسة وخلاص وبفضل الله سبحانه وتعالى بتروح المدرسة وتمام وهما طبعا إتصلوا بيا وشكرونى ، حالات كتير جدا لكن أنا ممكن مافتكرش منها لأنى مابسجلش حالات كتير منها دى حجات فى الذاكرة بس مش أكتر ” .(1)
_____________________
(1) الدكتور سيد عياد من المعالجين بالحجامة .
بالنسبة لأثار التشريط على جسم المريض فقد تزول بعد بضعة أيام كأن لم يكن شئ وخاصة الوجه ، وكما تقول أم حسن من المعالجين بالحجامة “ حجامة الوش دى فى حاجه فى الوش مش عارفة إيه هى بصراحة ، يعنى يومين تلاته ماتلاقيش أى أثر للتشريط فى الوش ويرجع طبيعى ، البنت بتاعت بورسعيد إللى قولت لك عليها دى كان وشها حاجه فظيعة من التشريط مافيش يومين تلاته ما شاء الله ، يعنى الحجامة فى الوش كده مش عارفه غير الضهر وكده قليل أوى لما تيجى واحده ضهرها راق بسرعه بعكس الوش سبحان الله ” .(1)
_____________________
(1) أم حسن من المعالجين بالحجامة .
مصدر الصورة :
