لكل من يتبعون نظام غذائي لتقليل الوزن نقدم لكم طريقة عمل براونيز بكريمة الجبن قليل الدسم بطريقة سهلة وبسيطة .

براونيز دايت بكريمة الجبن

المقادير :

– ½ كوباية زبدة طرية.

– 1 ½ كوباية سكر.

– 1 معلقة صغيرة فانيليا.

– 2 بياض بيضة كبيرة.

– 1 بيضة كبيرة.

– 2/3 كوب كاكاو غير محلى.

– ½ كوباية لبن خالي من الدسم.

– 1 ½ كوباية دقيق.

– ½ معلقة صغيرة بيكنج بودر.

– ¼ معلقة صغيرة ملح.

للتزيين :

– كوباية جبنة كريمي قلية الدسم “ممكن نستخدم فيلادلفيا لايت”.

– 1 معلقة كبيرة نشا.

– معلقة صغيرة فانيليا.

– كوباية لبن مكثف خالي من الدسم.

– بيضة كبيرة.

براونيز دايت بكريمة الجبن

براونيز دايت بكريمة الجبن

الطريقة :

  • حطي الزبدة في طبق واضربيها بالمضرب الكهربائي على سرعة متوسطة لحد ما تلاقيها بقت خفيفة معاكي
  • ضيفي لها السكر والفانيليا واضربيهم مع بعض كويس لمدة 5 دقايق تقريبا
  • ضيفي البيض وبياض البيض واضربيهم تاني وبعدين ضيفي الكاكاو واللبن واضربي الخليط بعد كل اضافة
  • اخلطي الدقيق مع البيكنج بودر والملح وضيفيه على خليط الكاكاو واضربيهم على سرعة منخفضة لحد ما كل المكونات تندمج كويس وصبي الخليط في صينية الفرن.

طريقة التزيين :

  • حطي الجبنة في طبق اضربيها بالمضرب الكهربائي على سرعة متوسطة لحد ما تبقى ناعمة
  • ضيفي لها بالتدريج النشا وباقي المكونات واضربيهم مع بعض كويس لحد ما يبقى الخليط كريمي ناعم
  • وزعيه بالتساوي على العجين من فوق وحطيه في الفرن على 350 درجة لمدة 35 دقيقة او لحد ما تستوي.

براونيز دايت بكريمة الجبن

براونيز دايت بكريمة الجبن

نسبة الدهون في القطعة: 4.2 جرام.

شاركها.