بنك باستا سهله ولذيذه – Pink Pasta Recipe
🍝* بنك باستا سهله وسريعه * 🍝
الطريقه بالفيديو :
– المقادير-
باستا
نص علبة صلصة بريجو (ثلاث اجبان)
نص مكعب ماجي
نص علبة كريمه
نص حبة بصل مقطع صغار
فصين ثوم مهروس
جبن موزريلا
بهارات ماجيك الايطاليه
ملح وفلفل اسود
** اختياري دجاج مشوي يكون طبق جانبي **
نفوح الباستا بماي وملح وزيت
١- نحط شويه زيت ونحمس البصل لما يصير لونه بني فاتح ونضيف الثوم ونحمسه
٢- نضيف نص علبة صوص بريجو ونخلطه مع البصل والثوم
٣- نضيف شويه ماي نخفف الصلصه
٤- نضيف نص مكعب الماجي + بهارات ماجيك
٥- نضيف الملح والفلفل
٦- نخليها تطبخ شوي
٧- نضيف نص علبة كريمه
٨- نخليها تطبخ وتبقبق لما تصير ثقيله
٩- نضيف الباستا ونخلطها مع الصوص
١٠ – نضيف الجبن اخر خطوه ونوطي على النار عشان لايحترق ويانا.
١١ – نحطها ببايركس ونوزع شويه جبن على الوجه من فوق وندخلها الفرن ٦ دقايق على حراره ١٨٠ من فوق بس لما تتحمش معانا .
انا حطيت مع الباستا على جنب دجاج مشوي كطبق جانبي 👌🏻
وبس هذي طريقتها جدً سهله ولذيذه 😻 والوجبه المنقذه باي وقت 😽
