طريقة عمل حلوى الجيلي بالصور زي الجاهزة بالظبط

حلوى الجيلى كل الأطفال والكبار بيحبوها ولكنها مضرة وانه ماينفعش نخلى الاولاد الصغيرين ياكلوها بس مابنقدرش نبطل ناكلها، وعلشان تأكليها انتى و اولادك وانتى متطمنه و كمان يستفيدوا منها  هنقدملك في هذا المقال طريقة عمل حلوى الجيلي بالصور خطوة بخطوة زي الجاهزة بالظبط .

المقادير :

• نصف كوباية عصير برتقال
• معلقة اكل من بودرة vitamin C  ” هتلاقيه فى الصيدلية”
• معلقة من الفانيليا
• معلقتين أكل من عسل النحل
• 5 معالق أكل من الجيلاتين
• قالب تلج سيليكون أحجام صغيرة
• وكمان هتحتاجى مغرفة و حلة صغيرة عميقة

الطريقة :

الخطوة الاولى :

اعصرى برتقالة او مقدار نص كوباية من عصير البرتقال الفريش فى حلة عميقة على النار.

الخطوة الثانية :

ضيفى بودرة فيتامين C و معلقة الفانيليا و معلقتين العسل الابيض و الجيلاتين لعصير البرتقال.

الخطوة الثالثة :

قلبى كويس باستخدام المغرفة وسيبي الخليط كله على نار هادية لحد ما يبدأ يغلى ببطء.

الخطوة الرابعة :

بعد ما الخليط كله يغلى ، ارفعيه من على النار و سيبيه دقيقة يهدأ و بعد كده باستخدام معلقة ابدأى صبيه فى قالب السيليكون.

الخطوة الخامسة :

سيبيه يبرد لحد ما يوصل لدرجة حرارة الغرفة و بعد كده حطيه فى الفريزر حوالى 15 دقيقة او لحد ما يبقى قوامه زى الجيلى.