طريقة عمل فطيرة الشاورما
مقادير فطيرة الشاورما :
- عجينتك المفضلة
- صدور دجاج
- ملعقتين خل
- علبة زبادي روب
- ٣ فصوص ثوم
- ملعقتين كاتشب
- شوية زيت زيتون
- البهار ملعقه صغير من :
الكمون / بابريكا / زنجبيل - بهار مشكل / فلفل اسود
- فلفل احمر / ملح
- بصل شرايح
- شوية بقدونس
- ٢ بطاطس
- حبه طماطم
- الصوص :
علبة صغيره زبادي روب - ملعقتين طحينيه
- ملعقه صغيره ملح
- فصتين ثوم
طريقه تحضير فطيرة الشاورما:
- نغسل الدجاج ونقطعها شرايح ونتبلها بالخل والزبادي والكاتشب والبهارات وندخلها الثلاجه لمدة ٦ ساعات او اقل اذا
مستعجلين بس اذا كان يوم كامل يكون احسن. - بعد مااخذت وقتها بالتتبيله نرصها بصينيه عليها قصدير ونحط فوقها شرايح بصل ورشة بقدونس وزيت زيتون وندخلها الفرن مع البطاطس واذا تحبو تقلو البطاطس براحتكم تقريباً الدجاج يقعد ساعه مع التقليب.
- نقطع الدجاج تقطيع صغير وعشوائي ونخلط معاه طماطم والبطاطس وممكن تحطو مخلل او هيلابينو.
- نفرد عجينتنا بعد ماتخمرت بصينية التارت ونخرمها بالشوكه وندهن فوقها الصوص ونحط فوقها الشاورما والصوص الباقي بعدين نفرد النص الثاني من
العجينه ونشكلها بالقطاعه ثم ندهنها بالبيض او حليب وندخلها الفرن حتى تنضج.
