قصة غرامية بالدارجة المغربية والشامية

قصة عشق بالدارجة المغربية والشامية
في الصيف كنت باركة مٓ عليا م بيا ؛ جامعة شي ريالات تحت مني باش نسافر ؛ يا نمشي للمغرب كيف كل عام ؛ يا نزور شي بلاد مشايفاهاش .. المهم هاذوك ريالات مخاصهمش يشَّهرو تحت مني خاصني نتمتع بيهم قبل يحرقني شي واحد فيهم .. بقيت كنفكر ؛ ما طلع بإيدي والو ..وكيف ديما ملي كنمل ؛ كنهز المشقوف ديالي عل و عسى نلقى شي خبار و لا غ شي سكوپ زوين يبدل عليا الجو .. حليت التيليفون و بقيت طالعة نازلة في الصفحات الفايسبوكية المغربية ، ونا كنقرا .. سويد ، سويد ، سويد .. المنشور اللي حليتو ندخل ليه نلقى كلمة سويد ..أوووووه لقيتها صافي غاذي نمشي للسويد يوپييييييي ؛ نمشي ل مالمو و ستوكهولم و نطلع انا حتى لجوكموك .. آش غاذي يوقفني .. امممم يديرها ليصونص 🙃 !
بديت نوجد حويجاتي ،نبقشش شويا على الاثمنة ديال الاوطيلات .. جوج سيمانات الخير و البركة ؛ يومين مشي و يومين مجي عشر ايام كافية ندور فيها ..
عيطت لأعز أصدقائي باش نخلي ليه سوارت ديال داري ؛ لقدر الله و طرات شي حاجة ؛ قاليا واخا و طلب مني نوصل معايا واحد الكرطونة فيها أغراض و ذكريات لصديقو السوري جابها ليه معاه من لبنان ؛ و قاليا باللي هاذ صديقو مستقر في ڤايلي مدينة دانماركية، و أنا كنهضر معاه و كنبقشش في الخريطة و قلت ليه واخا منها نيت نشوف الدانمارك الكفرة بالله اللي رسمو الكاريكاتير على الرسول(عليه الصلاة و السلام) ؛ حيث عمري عرفت بوجودها 👿 حتى نهار نوضو الحيحة بهاذ الخبر ..
قاليا غاذي نعطيه الفايسبوك ديالك و نقوليه يتواصل معاك يعطيك العنوان و علميه امتى توصلي .. واخا!
في الفايسبوك وصلتني رسالة من عندو :
السلام انا من طرف صديقك نيكولا فيكي تعطيني رقم هاتفك پليز؟؟!
أنا : وعليكم السلام ؛ طبعا :00336********✌🏻️
دخلت الپروفايل ديالو بقششتو كامل ؛ جيمات و تعليقات .. عندو شعبية كبيرة ، واخا تصويرتو معجباتنيش 🤐
وأنا مالي غاذية نخطبو؟! المهم غير باش نبادلو الفليان، راه فلى فايسبوكي حتى أنا ؛ و أكييييييد عجبتو 😂
خليه يسقي عويناتو من غير تصويرت الپروفايل ما عندو ميبرچچ كلشي مقفول خاص😈
المهم الغذ ليه عيط ليا 📲
ألو .. سارا أنا علي صديقو ل نيكولا
أنا : أهليييين ابن عمي كيييييفااااك ؟! مع رنة النيف
علي : أهلييييين خيتوووووو ؛ سورية انتي ؟!!!😳
أنا : لااااا الله ينجيني ؛ بس احزووور من وين ؟!
علي : لهجتك شامية ؛ لبنانية يمكن ؟؟؟؟
أنا : فال الله و لا فالك .. عمرك شفت هيك جمال بلبنان ؛ ما هونيك كلياتن شبه بعض ونفس جرعة البوتوكس 😎
علي : أي والله و يسلملي تواضعك .. طب من وين الپرانسيس اللي شايفة حالها ع جميلات العالم ! 😅😅😅
أنا : جميلات العالم قال ؛ م كلو مفبرك و فوطوشوب ماكوشوك .. جمال أصلي حبيبي أصلي و بس تاتش من خالو ريتريكاوي ع شوية من ابن خالو اليوكامي وكلو تمام 😂😂علي : أهبل منك ما شفت .. انتي مجنونة شي ؟! 😂😂😂
أنا : أي لا تغلط ؛ هلا معي الورقة الرابحة : كلن ذكريات طفولتك معي .. بدك ياني عدلهن شوي ؟!
علي : الله دخيلك ؛ لا تقربي عليهن .. إنتي اعقل المجانين والله 😂✌🏻️
أنا : إيوه هيك .. إيه بس ما في شي ببلاش ؛ تبادل تجاري يعني .. بعطيك أمانتك و تعطيني أمانة لبطني و يا ريت يكون شي مصنوع منزلي ..كبة فلافل مكدوووس يعني ماراح قلك ..
علي : أييييوه تموني بس أطلبي اللي بدك
أنا : بترك لك الوقت تتعلم شي من عمنا اليوتيوب والظاهر رح اطلع آخر الأسبوع يعني يوم الجمعة ظهر ويوم السبت صبح بكير كون بالدانمارك ✌🏻️ إن شاء الله
علي : ما فيك تعجلي الطلعة شوي ؟!!
أنا : لا ما فيني .. صٌورِي (sorry)
علي : طريق السلامة ؛ خذي بالك ع حالك و لا تنسي تدقيلي ع الواتساپ قبل م تطلعي!
أنا : إن شاء الله
من بعد يومين وصلني ميساج من عندو في الواتساپ :
علي: السلام
أنا : وعليكم السلام
علي : كيفك ?
أنا : والله كثير متحمسة فل من مدينة الملل و شوف السويد !
علي : اممممم سويد ؛ يالا قومي اطلعي هلا ؛هيك توصلي بكير شوي !
هذا مالو متحمس كثر مني ؟! تصويرتي في الفايسبوك زادتو الحماس ما فيهاش.. ووخا تبقى غير انت منتلفت فيك أ ولد عمي ! 😝
أنا : لا رح كفي البرنامج تبعي مثل ما هو ! لا تعملي ستريس مريس 😬
علي : بخاطرك .. بس فكرت انو بدك توصلي بالليل يعني خطر عليكي شوي !
أنا : ما بينخاف عليي لبؤة و بنت أسد 😈. يالا سلام رح نام لي شي ساعات و احمل حالي و طلع ! تصبح على خير
علي : وانتي من أهل الخير !
وشفت الميساج و خليت ليه vu
ضرباتني الفيقة مع الثمانية و نص ؛ دوشت لبست وفطرت صايبت ساندويش للطريق و خرجت مع الوحدة قد قد..
رسلت ليه مساج باش يرسل ليا العنوان في الخاص حيث شديت طريق و الكونيكسيو غاليا بزاف غاذي نخرج حدود فرنسا شي عشرة دقايق و نسوق طريق المانيا كاملا وعاد نوصل للدانمارك !
دعاء السفر و توكلت على الله .. وصلت لفرانكفورت في المانيا وقفت نتغذى .. طليت على رسائلي بالكونكسيو ديال ماكدونالدز و رجعت شديت طريق .. أغاني وفرحة و سعادة لااا توصف حاجة وحدة اللي عكلاتني في ألمانيا مجبورة نقص السرعة كل ما كنوصل طريق فيها الأشغال 😡😡😡
معليش أ سارا انتي ممزروباش تنزهي مع راسك و عيشي اللحظة .. تلفت ليمن ديالي نلقى زعيعر چاوري من صحاب المهام العليا ؛ اللباس على القياس قميجة نص كم و كرافاطا حتى هي نص ..
نتلفت على الليسر ؛طوموبيل ديكاپوطابل مهوية و مهوية على ماليها حتى ضواو بشمش اللي كتضرب فيهم
وانا وطوموبيلتي دحيشة على قد الحال يا توصلني يا نرجع لداري ..
اخ منك يا زعر و اخ منك يا عينين خضر و فين تبان يا ولد التايكة ..و يا ولد النچار ..سويد قاليك!
المهم مكاينش اللي مفرنستش ليه في الطريق .. الابتسامة صدقة جمعت شي بركة نكوڤري بيها على ذنوبي 😁كنشطح و نغني ك شي مهبولة غي بوحدي 💃🏻واللي دزت من حداه نململو من بلاصتو ؛على شكون يقدر يصبر على الشعبي ؟! الموسيقى و شميسة ذهبية ..ناقص غير شي محبوب حدايا يصفق ليا 😂😂✌🏻️
غاذية و كنوقف ،مرة مرة نستراح و نقرا الميساجات ديال علي و نيكولا كل مرة: فين وصلتي ؟!واش قربتي؟! طمنينا عليك .. وصل الليل شدني في هامبورغ شمال ألمانيا .. و ثلاثة د سوايع و شوية على ڤايلي المدينة اللي في الدانمارك .. بقششت تيليفوني جبدت العنوان و حطيتو في الجي پي إس .. شوية وصلني اتصال من عند علي .. قلت ليه باللي قربت قاليا مغاذيش نعس حتى توصلي ..
وصلت لحدا دارو مع الوحدة ونص .. (تعطلت مع الأشغال اللي في طريق) ؛ و عيطت ليه !
أنا : وصلت فيك تنزل تاخذ الأغراض پليز ..(لهجتي مغاذيش نبدلها حتى نصدمو) 🙈
علي : أي الحمد الله ثانية بكون عندك
غير هبط كنشوفيه من المرايا ديال الطوموبيل ؛ الظلمة و من بعيد مكبانش مزيان .. وقفوه صحابو و هو جاي .. درت راسي مكنشوفش فيه حتى قرب لعندي وبقى بعيد مني و قاليا : اهلين عجلي عجلي لحقي عليي بسيارتك ؛ بدك تصفيها بالپاركينچ الخاص و في مطرح أخير بس !
تلفت فيه شفتو و هو مدور وجهو لصحابو مكشبهش للتصويرة حسن بمليون مرة ؛العكس ديالي في تصاور نضوي و في الحقيقة طافية تقولي غ رماد مجمر ديال العيد الكبير مطاشيا 😬بشوفتو ضربني الضو في عيني و في قلبي .. مشى كجري و تالف و كان معاه شي حد في الطوموبيل ملحقتش نشوفهم ! مشبعتش فيه حتى شوفات و مشى😼
تبعتو واحد الوقيتة غبر عليا ؛ كسوق بطريقة هستيرية ؛ ومبقيت عرفت منين نمشي .. و طريق مسدودة تسنيت شوية خرج قدامي ضحك وقاليا دخليها من هنا👈🏻
غير چاريت الطوموبيل ؛ وقف عليا حط يدو على الشرجم و قاليا : اي ماراح نچرچر هون (ناخدو ونجيبو في الهضرة) تحت البيت ؛ إمي عم تنطرك
ومجيت فين نهضر حتى كمل :اي هلا بدي شيل الاغراض و انتي سلمي على ابن خالتي .. و ما بدي اسمع ولا كلمة 🤐 نشرب شاي و بعدين الله معك !
نزلت و سلمت على ولد خالتو و انا حالتي حالة ؛ شعري مشعكك بالبرد بالشرجم اللي طريق كاملة محلول و طوا ديال طوموبيل زاد شنتفني..
وجهي محاطاش فيه حتى نقطة ديال الماكياج حالتو بالهلات السوداء كلي كنتلصق بالعرق بالصهد ديال نهار و الغبرة ديال طريق .. غسلت و جهي في طريق شحال من مرة و كنقول غاذي نوصل بالليل عيانة مغاذيش نهز راسي في المراية مكاين لاش نتقاد ويلا كان على المچجدر يحمد ربي لقى وحدة توصليه أمانتو .. مالو ! ساعة طلعت أنا هي المچجدرة 🙀
السؤال الوحيد اللي بقى كدوو ليا في راسي وقيتتها ؟! كيفاش هاذ السيد تعرف عليا و انا في هاذ الحالة مكنشبه لا للتصويرة اللي في الفايسبوك لا من قريب و لا من بعيد .. عاد دبدوبة و كلي كنتعلك ؛ والله شيء محييييير😼
سلمت على ولد خالتو و بقيت واقفة ،وأنا كندور في عينيا كنقلب على أجوبة لأسئلتي ، وصل قدامي علي وقال ليا : أخذت الأغراض لغرفتي و انتي ظلك هون عم تنطري ؟!!! لا تفكري بشي غلط ؛ نيكولا وصاني عليك بدل المرة ألف ؛ اطَّلعي ب إمي عم تشير إلك من البلكونة !
هزيت راسي لقيت واحد المرة في البالكو كتشير ليا نطلع ..
وطلعت لعندهم حشمانة وحالتي حالة ..
جابو ليا قهوة عربية .. مااااااارة تقطع چعما بغات تدوز غير درت صواب وكنجغم و نعاود ندفلها في الكاس غير حسي مسي و عايلتو مجموعين خالتو و ماماه ختو و بنات خالتو زوجات و ولاد خالتو فراس اللي سبق تعرفت عليه في الپاركينچ و اسماعيل عرفني عليهم واحد واحد ..
جا برك حدايا و فهمني باللي هو كوردي سوري ؛ وفهمني أصلو و فصلو و علاش عائلتو كهضرو العربية معكلة !
وجا الدور عليا باش نقول ليه أصلي ..
أنا : مغربية !!
علي : أووووف عن جد ؟! لااااا عم تكذبي ؟!
أنا : كاين شي واحد ككذب ف بحال هاذ الشي ؟!!
جوابي بسؤالي كان فيه نوع من الدفاع ؛ عارفة باللي صيتنا حنا المغربيات غني عن التعريف .. وايني أ حبيبي طحتي فيا غاذي نرجع نكتب ليك قاموسك من جديد !
علي : لاا لا تفهميني غلط ؛ قصدي .. ااااا أنا عم احكي انو عم تتقني الشامية پييرفكتلي ؛ وحتى حروف وجك ما بتخلينا نشك ولا لحظة انك مغاربية 🤗 يا أحلى بنت
أنا : بس ل صحح لك شي .. انا أبشع مغربية رح تشوفها بحياتك .. المغربيات أحلى وأكثر مما تتصور؛ زيادة على إنو الصورة اللي عندكن هاي من تصوير زبالة الشرق الأوسط ؛ يعني الواحد يروح يدور امممممم و يرجع يقول كلن هيك 😎
علي : والله معك حق .. بالشام بينضرب بيكن المثل حتى إنو كل السيدات بتتابع ” شوميشا “!
أنا : وكتعرفو شوميشا؟! مزيان ، تسلم
علي : يسلم لي راسك ✌🏻️
وبقينا كنهضرو و نسينا اللي حدانا ؛ فحال الى كاينة غير أنا وياه في الصالون .. وفي نفس الوقت كنحاول من بينش الإعجاب اللي في عيني ! واحد شوية هضر معاهم بالكوردية خش ما خشبش ؛ فهمت بلغة الجسد أنه قاليهم باش يوجدو الطابلة د العشا .. قاليا : پليز عطيني مفاتيح سيارتك حط فيها الكارد تبع الپاركينج !
وراني الكارطة ديال الچيست(الضيف) و باللي عندي الحق نخلي طوموبيلتي فيه باش ميديوهاش ؛ وعطيتو سوارت !
غسلت ايديا و بقيت كندردش مع عائلتو على طريق و كيف كانت طريق .. ومرات على عائلتي و المغرب و كلشي ..
ولاحظت ان اختو مريضة ؛ وتريزوميك (فحال مونچوليان) وايني ملامحها اقرب للانسان العادي ؛ غير عقلها اللي معطل شوية ؛ على حسب الهضرة كيفاش كتهضر .. تعاملت معها عادي و بالمفردات السهلة و حسستها باللي معنديش مشكل و ما خذيتش منها موقف ؛ في الاول و الآخر .. خلق الله !
حطو العشا ؛ فهموني على كل حاجة و على تقاليدهم و عاداتهم وحنا كناكلو و كنهضرو .. من بعد جابو أتاي بالقرفة معاه الحلوة وانا كنقول في راسي غير امتى نمشي نرتاح وعاد خاصني نقلب على أوتيل .. ااااااه يا ميمتي !
بان عليا العيا ؛ شاف فيا و قاليا :لازم ترتاحي هلا
أنا : آااااه علمك الله بغيت غير امتى نحط راسي على المخدة
علي : شوي شوي علي يا بنت الناس .. حتى افهم عليكي ؛ المغربي واعر بزاف 😂✌🏻️
أنا : الباتري اللي غاذي تترجم ليك طاااااحت أون پان(خسرات)
علي –>ختو جيهان : وصلي اختك سارا ع غرفتها !
أنا : شنو شنو شنو .. لا درتو الواجب و كفيتو ؛ خيركم فوق راسي ..
ماماه : عيب هالحكي بنتي .. وين بدك تروحي ب هالوقت؟!!!!
أنا : ع الأوتيل أكيد .. خالتي !
علي : لا تططلعي فيي .. اصطفلي معا 😉 (دبري راسك معاها)
أنا : ايه خالتي بتشكرك لكن ما فيني ..
ماماه : أششششت و لا كلمة ! عيب تجاكري الكبار انا بحساب امك عيب بنتي .. 😐
أنا : ايه ماشي .. تسلمي والله خجلتوني ب كرمكن 🤗
ماماه : اي والله بنتي روحي ارتاحي البيت بيتك حبيبتي
سلمت عليهم و مسيت عليهم بالخير و مشيت ..
علي : هاي غرفتي ارتاحي فيها .. نوم الهنا و شنطايتك جبتا هي كمان فوق التخت .. لو لزمك شي أأمري !
أنا : علي عندي سؤال .. عيلتك رح ينامو هون ؟!
علي : أي .. زعجوكي شيً؟؟
أنا : لا أستغفر الله .. التخت كبير قلت بلكي وحدة من بنات خالتك أو حتى اثنيناتن و لا اختك ينامو حدي ؟! أنا بفرش عالأرض ما عندي مشكلة ✌🏻️
علي : هاي غرفتي و ما بحب .. حدا🤐(حبس هضرتو وكمل:) ليكي نامي انتي و لا تعتي الهم ..
أنا : و أنا برفض نام لحالي متهنية ع التخت ؛ و كلياتن ينامو بغرفة وحدة ؟! عيب شو أنا جاية من ع القمر ؟!
علي : لا أكيد إنتي القمر بحالو .. 😍
أنا : ☺️ امممم و بدي صير شمس تحرق لو ما تبعت وحدة منن تنام حدي !!
علي : اي خلص فهمنا .. بتخافي تنامي لا حالك !
أنا : أي احزرت .. بتعرف انو البيت غريب و هيك ؟!
علي : حاضر بشوف مع بنت خالتي تنام حدك وحدة مش عشرين ✌🏻️ ماشي؟!
و انا كنچمچم في خاطري : امممم أنا نخاف ؟! انا تبيتني ف القبو و في الخلا نبات نكت مع جنون .. خاف غ انت !
لقيتهم حاطين ليا پيجامة سورية ، و فيها وااااحد ريحة ديال الكبريت مصدي ؛اووووف ..غادي نموت مخنوقة منتاحرة 😳 هزيت عيني قي الڤاليزة اللي جاب ؛ هاذي فيها غير
حوايج الخروج و حوايج دوش و الماكياج .. لخرى بقات في الطوموبيل اللور مشافهاش 😏
ولبست الپيجامة اللي خلاو ليا ، ومشفتهاش كيف دايرة ولا كيف جات عليا خرچتها وأنا عيني مغمضين بنعاس ؛ واحد ڤاليزتي كتبان ليا بعييييييدة فحال ملي كنشوفو اسبانيا من طنجة و بلا منظار .. جريت صاكي تريحت خوفا عليها تشم شي روائح وانا ممدوشاش ؛العكر على الخنونة المهم يصبح و يفتح نهار جديد بروايحو الزكية 🤗 جات بنت خالتو تنعس حدايا ؛ لاحظت نظراتها لولد خالتها ماشي بريئة ؛كل هضرة قال ليها كتجاوب و هي حشمانة أوڤر .. وماشي حشمانة حيت هي هكذاك و ايني باش توصليه براءتها و خجلها و هاذ الأسلوب ديال أيامات سعاد حسني المهم أنا في قراية العينين عمرني خطأت 😈
ف ملي ديت وجبت معها في الهضرة ؛ غير باللتي هي احسن خذيت منها كل ما بغيت من معلومات .. انها كانت متزوجة و هي في طلاق دبا و عندها زوج وليدات و و و .. اما اختها الثانية فهماتني باللي ختو في الرضاعة يعني غير ممكن تشوفيه .. بقات كتهضر حتى نعست و خليتها داوية بوحدها م حليت عيني حتى لحداش ديال نهار ؛ لقيت كلشي فايق وسمعتهم كدويو غير بشوية .. بقيت كندور في البيت ؛ واحد شوية هزيت ديودوغو لقيتها فوق الكوافوز حليت لاكليم وخليتها تبرد ومن بعد حطيتها فوق عيني و بقيت كنووووووورك بيها باش يتفشو .. ويلي مالفة كصبح فيا الضو مالني هاذ نهار .. اففففففف !
واحد شوية شفت في المرايا من بعيد تخلعت معرفتش راسي ؟! مي محجوبة ملي كتكون كتسيق في سطح نهار العيد أ ويلي شهاد الپيجاما ؟! و شهاذ الالوان ؟! هاذو هوما صحاب تؤبشني ؟! و حبيبااااي و حياتي ؟! سير يا خويا المغربي ؛من نهار دخلت سوريا في الحرب و انتوما قاتلينا بسوريات سوريات جايين المغرب ؛ أنا بغيتك تطيح فشي شيميكولور فحال مولات هاذ الپيجامة العچوزة و بنتها .. وضوي حياتك بهاذ الوان قوس قزح ..
ويلي قريبة طناش .. وانا مالي يقبلو عليا كيف ما انا ؛ دچدچاتني طريق ..(على أساس الى مكنتش شادة طريق كنوض بكري ) 😁
حليت ڤاليزتي بالزربة جبدت حوايجي و ملابسي الداخلية وشومپوان ديالي و جيل و كلشي اللي نحتاج باش ندوش ونتمكيج.. حليت الباب ووطليت ليمن و ليسر .. كلهم مجموعين في الصالون و داااااخلين في شي موضوع سياسي غير من لكنة تخشخيش اللي ك خرشو ! و الحمام قدامي بشي جوج مترو .. يالاه خرجت رجل وحدة من البيت وانا معنقة فوطاتي و حوايجي .. حتى طبطب عليا علي !
علي : صباااااااحو ..ليش عم تتخبي ؟!
أنا : أوووووف لا تتطلع فيي پليز .. ما عم اتخبى ولا أي شي بدي بس آخذ شاور(حمام) لو سمحت ..
علي : فيه حدا يقدر يفوت فرصة انو يطلع ب شمس الصبح ؟! أكيد لا ؟!
أنا : شو إنت ما بتستحي ؟! خلص بلا شاور بلا ماور .. بغير ثيابي و اطلع ..( وتلفت فيه و خرجت عينيا )
علي : أوف أوف أوف .. بذكرك انك ببيتك و ممنوع الزعل ! عم امزح معيك .. مش انتي خيتو ؟!
أنا : ايه لكان ؛ رح فوت اتحمم .. هزيت راسي ودرت مشية العتوچة و مشيت ! وقبل ما ندخل قاليا:
علي : قهوتك خفيفة ولا كيف ؟!
أنا : خففها على قد ما تقدر ؛ كنت رح موت امبارح 😉
علي : ماشي .. تكرمييييي 😂😂😂
دوشت خذيت وقتي تريحت ولبست پيجامتي و غسلت الحمام و جمعتو خليت ليهم روائح ورود الحديقة ؛جوري ورندا نرجس و ياسمين 😇😇😇 نيت تمسح ليهم ريحت الكبريت 😤
قاديت راسي تمكيجت خفيف كأنه مدايراش مكياج غطيت الهالات و درت عكر و مسحتو باش يبقى غير الحمورية خفيفة و ماسكارا رقيقة و زنچت حناكي و ايني فحال غير طايح عليا السر ..جمال طبيعي طبييييعي حبيبي 😁
خرجت و أنا حشمانة زعمة ..
أنا :صباحوووووو ..
ماماه :نعيمااااا ؟! لك شو هالجمال ؟!! 😍
خالتو : نعيمااااا ؟! ما شاء الله عروس ..😍
بنت خالتو :نعيماااااا .. اي والله
أنا : تزنچت .. عيونكم الحلوين .. تسلمو ؟! لكن مين نعيماااا انا اسمي سارا شو نسيتو ؟!
ماتو عليا بالضحك …
علي : نعيما يعني بصحة بالمغربي .. هلا طلعت بالنت كنت عم دور عليا لقلك ياها 🤗
أنا : الله يعطيكم الصحة !
علي : بالسوري بنقول ؛ الله ينعم عليك أو نعم الله وججك !
أنا : الله نعم خدودكم ..فيني قولها؟! (بانو ليا مقشفين )
ورجعو ماتو عليا بالضحك ..
ب باب الحارة ولا مرة انتبهت .. حكيو بهيك موضوع ! بعتذيرررر 😁 تاعت اللي يقلبها ليكم مغربي و يخليكم تبقلو 😤 ونشوفو وقتها شكون غاذي يضحك بزاف 😉
ماماه : اقعدي بنتي .. كنا عم ننطرك لنفطر ..
أنا : أوووووف ؛ والله سامحوني .. تعبتكن معي
ماماه : عيب تحكي هيك بنتي .. احنا كنا عم نچرچر و ما انتبهنا ع الوقت .. وبعدين انتي تعبانة من الطريق .. الف كيلومتر مش هينة .. ولو
أنا : اي والله ..
وبقيت كنبقلل في الطابلة ؟!
فينك يا رزة القاضي و محاميك شفنج و فينك يا بغرير انت وصحيبتك المسمنة ؟! ولااااا انت يا بطبوط يا راجل الزبيدة بلدية ؟! لااا طالبة غير كومير وزيت د العود مع العسل 😋
خيار و مطيشة قنية أنا ؟! ومع أتاي وعيش؟! .. لوااااه
أويلي أ سارا بدلي تغوبيشة و ديري راسك فرحانة ؟!
أنا :احم احم .. السفرة مبين انو كثير طيبة والالوان كثيييير بتفتح النفس .. واو 🤓 يسلموووو !
وانا كنچمچم في خاطري : سارا نافقي وجاملي وايني متكسيريش خليك غير پروميير يا الصچعة دبا ما يخليوك تنوضي حتى تدكي طباسل كاملين و هذيك الساعة غاذي تولي قنية د بصح بلا فوطوشوپ 😆
وبقيت كناكل معاهم على وعدي و سعدي .. وفي نفس الوقت كنهضرو و كنعرفهم على المغرب و التقاليد والاكل ديالنا وجبدت ليهم تصاور من تليفوني !
علي : انتي اللي حضرتي ه الاكل ؟! 😍
أنا : اي ؛ البنت عندنا بالمغرب لما توصل الخمسطاشر سنة بالكثييير بتكون خريجة معهد امها و بشهادة ربة بيت ممتازة ! والاكل هو من الدروس الاساسية ! ويمكن ه الشي عندكم كمان في الشام ؟!!! مش هيك لاڤا ؟!(بنت خالتو اللي محيداتش عليا عينيها و كنحس بيها كتراقب كل حركاتي )
علي : اي والله براڤو .. بس لاڤا شاطرة بكل شي الا بالاكل ما بنصحك تاكلي من ايديها 😄
ماماه : لا لا تصدقيه ؛ كثير شاطرة بالطبخ .. حبيبتي لاڤا لاڤا : لهيك كل شويتين يا خالتي بيطلب مني حظر لو الاكل .. ناكر للجميل !
أنا : أنا متأكدة ؛ مدام عم يجاكرك بهاي الطريقة .. الا و بيموت فيكي (كنهضر معاها بصورة العفوية و البراءة وانا كل كلمة قلتها قاصداها باش نجس نبضها و كنبين ليها باللي مهامنيش علي ومكنهزش عينيا فيه ) قصدي بيموت ب طبخك ✌🏻️
لاڤا: اي فهمت عليكي ولو (جاوبتني و عينيها على علي يعني بلعات الطعم اممممممم)
علي : م للضرورة احكام لما ما بلاقي حدا بتصل فيها !
لكن من اليوم و رايح؛ راح اتصل في سارا تبعتلي طاجين مغربي ..
كلهم شافو فيه باستغراب ؛ لكن مهاموش و زاد كمل ..
علي : يا ريت بس سارا تقبل 😔😔
أنا : بشيلكن ع راسي من فوق ؛ تعو لعندي كلكن ..فرجيكن فرنسا و منها تغيرو جو .. وجيبلكن المغرب شو رأيكن تزوروني شهر ديسمبر ؟! مدينة ستراسبورغ بتكون في أبهى حلاتها .. لأنو هي عاصمة الكريسماس
ولد خالتو فراس : أييييييي والله نفسي زورها أنا .. من زمان !
علي : اي انت بدك تروح ع حيا الله مطرح يا فراس؟!
أنا : لكان شرفنا .. رح تنغرم في جمالها ويمكن تغيرو رأيكن في الدانمارك و تستقرو حدي؟؟! شو قلتو ؟؟!
علي : نعمل إحنا الواجب و يبقى الباقي عليكي..
أنا : أكثر من ها الواجب ؟!
أم علي : أكيد .. ضيافة الله عندنا ثلاث أيام .. وبعد شوي علي راح ياخذك يزورك المدينة ..
أنا: خلوها المرة جاية ؛ والله مو معي كثير وقت لازم فل ! وأنا كنشوف بنظرات توسل في علي
علي: لا تطلعي فيي هيك .. اصطفلي مع إمي ؛ أنا عبد مأمور !
تغلبت ؛ من جهة علي خذا ليا عقلي و من جهة الثانية ماماه اللي مبغيتش نخصر ليها خاطرها ! وايني غالبا الكفة الأولى اللي ثقلاترعلى قراري 🤗
لبست صندالتي و قاديت راسي مزيان.. و حنا خارجين ؛ قلت ل بنات خالتو متجيوش معنا؟! ويالاه بنت خالتو غاذي تجاوبني : إيه ممك… نقز علي و جاوب لا خاصهم يعاونو في الدار و شقى الدار ؟! وشاف فيا بطريقة “دخلي سوق راسك” 😟
علي: راح آخذك ع المينا ..⚓️ صار لي سنين ما رحت هنيك !
أنا: تفضل سيدي وين ما بدك ..😎
خرج طوموبيلتو من الپاركينچ وغير هودت من دار ؛ دقيقة ووقف عليا ..ونزل حل ليا الباب باش نطلع ! جانتل مان 😍
ومن غير ما نهز راسي في الشرجم ؛ عرفت باللي العينين علينا .. تصرفت بدهشة و طاعة في نفس الوقت .. حنيت راسي خفيف كشكر و طلعت !
من هاذيك اللحظة فهمت باللي بدا يغريني و عرفت باللي غاذي يدير كلشي باش ننعجب بيه 😇
المشكل آش عجبو فيا ؟؟! متأكدة بنات المدينة كلهم وراه .. وراسي عامر تساؤلات حاولت من شردش بتفكيري و نبقى مركزة معاه ..
و شدينا طريق ؛ ساكن في قلب المدينة ؛ و كل بلاصة دزنا من قدامها كقول ليا سميتها و تاريخها؛ كأنني مهتمة ؟؟! معارفش باللي من اللحظة اللي شفتو فيها نسيت الزمان و المكان اللي أنا فيه ؛ و بديت كنرسخ كل حرف كيفاش كنطقو و نحثت وجهو في ذاكرتي باش مننساهش .. أول مرة نحس بهاذ الإحساس الغريب ؛ فرحة كبييييرة ومقاداش نجمع الابتسامة اللي على فمي .. إعجاب من لدرجة الغرام به بكل ثانية حداه وكلما هز فيا عينيه كنتغطس في حشمتي و نبعد عينيا الجهد اللي نقدر عليه ..
وحنى في طريقنا للميناء وقف على جنب و خذى وقت و هو كقلب في تليفونو ؛ متلفتش جيهتو باش نخليه على راحتو واخا قتلني الفضول معامن كتراسل ؟! حبيبتو ؟! خطيبتو ؟! عادي أصلا واحد ب زين ديالو مستحيل يكون ديال راسو .. نص عقلي مركز نعاه و نص ثاني كحاول يلقى تفسير للوقفة ديالو على فجأة .. حتى سمعت الموسيقى ؛حط أغنية يارا و فضل شاكر في التلفون ديالو و برونشاه في الطوموبيل .. 😍😍
رسمياااااااا دبا بدات لعبة الإغواء ..من بعد ما حل ليا باب طوموبيل ؛ أغنية رومانسية ..وماشي أي إختيار ، عارف شنو كيدير 🤔
وحنا على الباب داز لقهوة إيطالية و خذا جوج كاپوتشينو أ أومپورطي ؛ ودخلناوًبقينا كنتمشاو في المينا .. كهضر و يفسر ليا حاجة ب حاجة ، و ورا كل رشفة قهوة كنقوليه آه آه ؛ وكنرجع نسرررررح فيه من جديد ؛ حتى تفضحت في وقت قلت ليه آه اللي المفروض نجاوبو على سؤالو ..
علي: كيف يعني آه ؟!
أنا : لا بغيت نقوليك ؛ آه ،، أوووه لا ! عمرني زرت دانمارك من قبل ،هاذي أول مرة !!
علي : ولا أي دولة أسكنديناڤية ؟!
أنا : لا ..عليها قررت نغير الوجهة هاذ السنة ..
علي: وكيف جاتك الفكرة .. ؟؟
أنا : غاذي نقوليك و متضحكش عليا؟؟!
علي: وعد يالاه شوقتيني أحكي ..
أنا : في هاذ الآونة الأخيرة ؛ أغلب الشباب المغاربة و لاو كنددو بالبنت السويدية ؛ لأنها على حساب قولهم ؛ أجمل أرقى و أنظف و أوفى من البنت المغربية اللي كتشوف حالها كثير عليهم و مهرها غالي ؛ غير انو بتتبع المظاهر و مصلحجية .. وييييييييياي لو نفتح هاي النقطة فهاذا موضوع بحالو .. وأنا ملي تلفت و معرفتش فين نقضي العطلة ديالي وًمن كثرث مسمعت كلمة سويد ؛ اعتابرتها اشارة و خاصني نزور هاذ البلاد .. وسيد نيكولا وصاني عليك في طريقي نشوفك !
علي : والله الشاب المغربي بدو نظارات طبية ؛ كيف يتركو من بين إيديهم هيك جمال ؟!! لكن رح آخذ الأمور بإيجابية ، لو منو هيك ما كنت التقيتك😁
أنا : الشرف ليا .. تعرفت على ناس بأصول و تقاليد مختلفة 😎
علي : سارا ؟؟فيني أسألك ، سؤال شخصي؟؟!
أنا : تفضل إلى نقدر نجاوبك ؟؟
علي: نيكولا حبيبك ؟! صديقك و لا شو بالظبط؟!
أنا : نيكولا أخر وصديقي الأنتيم ؛ وهاذي خمس سنين كنعرفو بعضياتنا .. ولا عمرو يكون غير صديق !
جاوبتو و حسيت بوجهو ارتاح و تنفس الصعداء .. جرني من إيدي و قاليا :
علي : طلعي بالبيوت اللي هنيك ؟!
أنا : زوين تصميمهم .. و الموقع حتى هو 😍 على البحر قد قد ..
علي : بحلم أشتري منن أپارتمنت و بآخر طابق 😎
أنا : اي اشتري پليز .. باش نولي خيطي بيطي عندك 😬
علي : شنو تعني هاذ ايطي ايطي؟!
أنا : تركك منا ما عندا ترجمة .. يا بتكون مغربي و تفهما يا لا ! 😅
علي : هيك يعني .. ماشي يا سارا ! لكن ما قلتيلي .. مرتبطة؟! عندك حبيب ؟؟ متزوجة ؟!
أنا : ولا وحدة منن .. أنا حرة ديال راسي
علي : شوي شوي عليي.. يعني معقول ما في حدا بحياتك ؟!
أنا : ما في ،ما كو ،ماكاينش ،نادا ،غيان دو غيان، يوك ، نييت، نوبودي، و أنا كنجاوبو و كنجري و هربانة منو و كل ما بعدت كنعلي صوتي و أنا ماشية باللور
علي : لهاي الدرجة مبسوطة لأنك مانك مرتبطة ؟! مجنونة
وتابعني كجري ورايا ..
أنا : الحرية بعد زواج فاشل .. و طلاق غصبا عنه لااااا تقدر بثمن ؛ هي كنز و مش رح بيعو 😼
وغير وصل حدايا قرب مني ؛ و بدا تحقيق ديالو من جديد ..
علي : قديش قضيتي معو؟! و قديش من وقت طلقتي؟؟
أنا : سبع سنين زواج ؛ زواج العيلة غالبا ما يكون فاشل !
علي : ايه منيح انكن تركتو ؛ غير هيك ما كنت شفتك !
أنا : ليش مبسوط ل هال القد بشوفتي؟! شو تغير يعني ..
علي: ما بعرف ؛ يعني بفهام انك انتي مانك مبسوطة ؟! يعني انك تعرفتي ع حدا أخوط و مجنون مثلك؟! وكمان أعزب .. القاسم المشترك سار أكثر من واحد😂😂
جاوبني في نفس الوقت على سؤال اللي كياكلني من الوقيتة اللي شفتو فيها .. 😍😍 أعزب أعزب أعزب تيرارا رارارررا أنا : أكيد مبسوطة فيك .. قصدي بمعرفتك 😬
وفي لحظتها بدات تصب شتا مجهدة في دقة ؛ بدينا نضحكوً.. حيد جاكت ديالو و لبسو ليا ..ولينا كنجريو فوق العود كتزعزع اللي جامع جوج أرصفة ديال المينا ؛شير لينا لاحد مول الباطو و جرني نقزنا ليه و تخبينا على شتا .. جرني لعندو و سولني واش بردت ؛ جاوبتو لا ..
علي : ما أكيد انتي اللي لابسة تجاكيت تبعيتي 😂 اسأليني أنا لكان ؟! وان كنت بردان دفيني ..
و تلفت عند مول الباطو ترجم ليه بالدانماركية و بدينا نضحكو ..
رحب بينا قدم لينا راسو و استدعاننا للداخل و جاب لينا ليبتون و جوج فوطات و خلانا و هبط للباطو لتحت .. بقيت كنشوف فيه و هو كشوفيا و الابتسامة فس عينينا بزوج .. كأني كنتفرج في فيلم رومانسي .. يمااااااااااااااا على إحساس 😍

شاركها.