قصيدة إن صار زود المال
الشاعر محمد الأحمد السديري
الأمير الشاعر محمد السديري
إن صـــار زود الـمــال بـيـديـن الانــــذال *** حـــنّـــا مــــــن الــمــعــروف تـــنــــدا يــديــنـــا
وان كانهم شرهوا على طيب الافعال*** حــــنّـــــا وردنـــــــــا جــمــامـــهـــا وارتـــويـــنــــا
وان فــكّــروا لـلـجــود يـمــشــون رحّـــــال*** حـــنّـــا قـــبـــل يــمــشــون يّـــمـــه خـطــيــنــا
يـــا مـــا لـبـسـنـا لـلـشــرف كــــل ســربــال*** وعـــلـــى الـبـسـيـطــة لـلـفـضـيـلـة مـشـيــنــا
فــي دوحـــة الـعـربـا لـنــا مـجــد وظـــلال ***وحـــنّــــا عـــلــــى در الــمــكـــارم غــذيــنـــا
لـو نجمـع الـلـي فــات مـنـا مــن الـمـال*** ان كـــــــان شــيــدنـــا الــقــصـــور وبـنــيــنــا
نــعــطــي ولا نــتــبــع عــطــانــا بـــالاقـــوال ***ونــبــذل ونـسـكــت كـنــنــا مـــــا عـطـيـنــا
وان بـــاعــــوا الـشــيــمــة بــديــنـــار وريـــــــال ***حــــنــا دخـــلـــنا ســـوقـــهـــا واشــتــريــنـــا
نطلع لهـا لـو هـي علـى روس الاقـذال ***لـــو هـــو عـسـيــر ٍ دربــهــا مــــا انثـنـيـنـا
بـافـعـالـنـا نـــرســـم دروب ٍ لــلاجــيــال*** الــــــــي نــســـاهـــا غــيـــرنـــا مــــــــا نــســيــنــا
أســـود ســـادات ٍ تـسـجــل لـلاشـبــال*** فــضــايـــل ٍ شــمــنـــا لـــهــــا واهــتــديــنــا
بيـض ٍ نسجلهـن جـديـدات وسـمـال *** حـــفـــايـــظ ٍ لاحـــفـــادنـــا الـلاحــقــيــنــا
نصبـر عـلـى الـشّـدات لــو شيلـنـا مــال*** لـــــو ســـــال دم دفــوفــنــا مــــــا شـكـيــنــا
نــخـــاف يـلــقــى ســدنـــا كــــــل خـــتّـــال ***ويــبــنـــي هـــزيــــلات الـمــعــانــي عــلــيــنــا
الـلـيـل يـــا خـالــد عــلــى والــــدك طــــال*** وهــنّــيـــت نـــــــاس ٍ بــالــكـــرا نـايـمـيــنــا
يـا عــز راســي شـفـت مــا خـبـث الـبـال ***شــــــي ٍ يـــهـــوّل شـــيّــــب الـجـاهـلـيـنــا
شـي ٍ مــن اسبـابـه يشـيـب بالاطـفـال ***فــطّـــر خــشـــوم مـهـجــرعــات الـحـنـيـنــا
أديــــر قــــالات ٍ عـريــضــات وطـــــوال*** قـــــــــالات خــــلـــــنّ الــمــخــفـــىّ يــبــيــنـــا
مـنـهــن رزيــــن الـعـقــل بـالـوقــت يـهـتــال***بـوقــت ٍ عــبــوس ٍ فــطّــن الغافـلـيـنـا
وقت ٍ مـن اسبابـه شكـى كـل ريبـال*** نــصـــبـــر ونــســـكـــت كــنـــنـــا غـايــبــيــنــا
الــــنـــــاس بـــــالأيـــــام راحــــــــــل ونّــــــــــزال ***وتـفـجـعــهــم الــدنـــيـــا وهــــــــم دالــهــيــنــا
وحـيــات رب ٍ نـــزل آيـــات الانـفــال ***عـــــالـــــم خـــفـــايــــا نـــــيـــــة الــحــاقــديــنـــا
ما اترك طريق العدل في كل الاحوال*** لـــــــــو يــــرحـــــل الـــمـــريــــخ لـلـفــرقــديــنــا
امسح للحصول على الرابط
