كلمات أغنية شبهك اوي للفنان هاني شاكر مكتوبة
عايش حياتي بس علشان أسعدك
عشان انت تستاهل حقيقي كل خير
من حبي فيك قالوا عني إني بقلدك
وإني بقيت شبهك أوي في حاجات كتير
أنا عيني بتشوف كل حاجة حلوة فيك
وفي كل كلمة تقولها روحي مصدقاك
مش لاقي كلمة بجد توصف حبي ليك
غير إني أحمد ربنا إني بقيت معاك
قبل اما أشوفك قلبي كان الخوف ملاه
والدنيا كنت بشوفها مش حلوة في عينية
لكن اما جيت اتغيرت شكل الحياة
مع انه نفس الدنيا والناس هية هية
أنا عمري ما فكرت أغير نفسي يوم
لكن اما شفتك قلت أغير نفسي ليك
إحساسي كان جواية بيزيد كل يوم
ومن يومها بدعي ربنا يجمعني بيك
أنا عيني بتشوف كل حاجة حلوة فيك
وفي كل كلمة تقولها روحي مصدقاك
مش لاقي كلمة بجد توصف حبي ليك
غير إني أحمد ربنا إني بقيت معاك
قبل اما أشوفك قلبي كان الخوف ملاه
والدنيا كنت بشوفها مش حلوة في عينية
لكن اما جيت اتغيرت شكل الحياة
مع انه نفس الدنيا والناس هية هية
