اسرجوا – راشد الفارس

اسرجوا خيالة العوجا عظيمين الجناب
كل خيل صال بأرضك يالجزيرة واستعد
والبست نجد العذيه تاجها وأحلى الثياب
وغطرفت في ليلة لا قبلها ولا له بعد
ليلتك ياللي مكانك كسر لشوفه رقاب
ايه يا فهد الفهود أقرب شبايهك الرعد

يا ولد ذاك اللي صعبه يجمع أوصافه كتاب
الغريب اللي خصاله مستحيل انها تعد
يا حفيد اللي معرب ساس وكل أمره مجاب
فيصل اللي قام له أثقال الحمول وما قعد
يا مهيب كل هايب ياللي ما عمره يهاب
شي طبيعي ما تهاب وجدك الأول سعد

ما يوازي قاعك الا كود هامات السحاب
وش يزاحم قدرك اللي ما وصل له اللي صعد
يا مدني كل مبعد ياللي ما بك ما يعاب
كل حرف من وصوفك أشهد انه يرتعد
وانت من طيبك وجودك انفتح قلب وباب
باب وقرة عين منصور وبخل وأعد

كلمات: قوس
ألحان: سهم
2018

شاركها.