اسري على ديرتش

اسري على ديرتش والليل يسري بي
واخايل وجودش بعرض السما قمراء
يا باشة الغيد جيتش شوق روفي بي
وش حيلتي والمحبه فالحشا جمراء

من قبل عامين وانا اشوفش ب غيبي
كن الله انزل علي من السما عذراء
ما تشبهين البشر يا طبي ويا طيبي
مثلش على الجرح لا حطيتها يبراء

يا روحي كم لي بالغلا سيره
وبعادي عن كل البشر خيره
وش بيدي لو ما الفتنه وصوفش
ما كنش في عقلي و تفكيره

يا عيني وانتي لي نظر عيني
مافيني حيل اصبر على سنيني
يضنيني شوق القلب واشوفش
لوّ السماء ما بينش و بيني

الخاطر امسى على عذبش وتعذيبي
عذب اللما في مدار الشفه الحمراء
من دونها بالحلا و الريق يروي بي
كن الثنايا نحلها والعسل مجراء

لاجيت ابوصف عيون الظبي تمضي بي
من قبل لاكتب على اوزان النحر واقرا
كم كلمة قلتها من خاطرن ذيبي
وضلوع صدر الوليدي بالهوى مذراء

يا عنقاء مالي بالهوى فرقى
من يسلى عن وصل الغضي يشقى
ذا قلبي كنه داخل كفوفش
واحساسي مهما غبت به يبقى

يا عيني وانتي لي نظر عيني
مافيني حيل اصبر على سنيني
يضنيني شوق القلب واشوفش
لوّ السماء ما بينش و بيني

اقرب من القلب ما نحتاج تقريبي
في فية ضلوعي اليمنى مع اليسراء
نبض المحبه زهم وايدي على جيبي
اخاف قلبي من الفرحه ظهر براء

قبل اتمناش ب عيوني تمني بي
واللي تمنى حبيبه دونه البشرى
راح العمر كيف ابعذّر على شيبي
حبن عليه اتحمل غيبتش و ادراء

وين انتي شوقي لش رقا غايه
من فينا ما له فالوصل رايه
معذوره دام الحشمه ظروفش
يا روحي زينش فالبشر ايه

يا عيني وانتي لي نظر عيني
مافيني حيل اصبر على سنيني
يضنيني شوق القلب واشوفش
لوّ السماء ما بينش و بيني

كلمات: خالد الوليدي
ألحان: يوسف الشهري
إنتاج: استديوهات تون لايف
2018

شاركها.