كلمات اغنية النداهة – الجوكر

حلوين سيجارتين الدخان لكنه شخص دني
غريق محدش بيحبني عام بـمفيش حاجه تهمني
وصل بر الأنا فرمل الزمن قاله هتعدني
وتقتل حته منك كل اما الغربان تقول شدني

غلطنا اه اتعلمنا لأ مصممين نعاند
نازلين من الجنة ع الأول طالعين النار عـ التالت
لا موتنا موت شريف ولا حياتنا حياة بهوات
شقانا كله في البضاعه في قاع الملاحات

بنجود مش بنزود لا بنكمل ولا نحود
لا بنمل ولا نتعود ولا نحب إلا اللي يموت
كائنات تميل لضرب دماغها في الحيطة الخرسانة
عدم أذى الغير وأذى النفس ده أقصانا

كل يوم بندخل حرب جديدة حياة مش سهلة
بس مهما حصل كله إلا النداهة اللي بتندهلك
كل يوم بنوصل للسرير حياة مش صعبة
بيمشي الحال فمشي الحال بسط بلاش تستعمق

سما الحب متسعناش أرض المصلحة تشيلنا
في كوابيس مفيش أحلام من كتر ما اتعشمنا
الهدف اللي انت بتستغرب هو انا إزاي وصلته
كان بيني وبينه حيط ضوافري بين حجارته

نفخ فيها وطفى سيجارته ابتسم ليها طول صمته
من ثانية كان متعلق بيها فبتتهان كرامته
قالتله روح هتيجي وبإرادة حرة
هتروحي فين يا شمس ساعة الطلق مرة

وبيهرب الناجي الواحيد من الغابة الموبوءة
وتتحقق النبوءة تدب روح في عروق محروقة
واللي بيتعافى متجيبوش الأرض كام سكينه
مسكينة سنتين مش عارفة تجيب بوزك في الطينه

سنتين بتصحى معاك تمنها وعارف فين مكانها
سنتين مشتاق بشكل يومي وعارف تتجنبها
سنتين بتفكر نفسك إن الشجرة دي ملعونة
سنتين بتتوقع تعبان لما تحس بنعومة