الثلاثاء, مارس 19

سلام الله على شيخ مع مجد الوطن مولود
كتبه السعد والتوفيق مع مولد إماراته

سليل موحد الدولة عضيد القايد المفنود
سند ضلع الوطن بو خالد ومرجع قياداته

سمو المرجلة طحنون بن زايد شبيه العود
تجسد فيه من زايد تفاصيله ولفتاته

ورث عن زايد الحكمة تقدير الخوي جود
مثل ما ورثه حب القلوب وطيب عاداته

سياسي لا فتل حور السياسة حبله المعقود
تشيب روس عدوانه ولا تنفك عقداته

جناب المستشار اللي عليه الراي والمقصود
سديد الشور والحكمة على شوره وشاراته

سموه للعطا رمز وصدره عدنا المورود
يغار البحر من من غزره ومن جوده ومداته

عسى الله يطول بعمره وعزه للبقا والزود
ويبقا ذخر لشعبه ورمز شموخ راياته

حبيب الناس عرب الساس مثله في العرب معدود
يحار الشعر في وصفه ويتقاصر عن صفاته

ربيعه ما شكى الزلة ولا يطري له المنقود
يطيب خاطر اللافي ولا يكثر معاياته

كريم بابه مفتوح تتزاحم وفود
جذبها ذكر ابو زايد وفزعاته ووقفاته

تراحيبه تعطر برزته من قبل فوع العود
وطيبه قبل فوع العود عطر جو برزاته

كلمات أغاني

شاركها.