كلمات اغنية لو باقي في عمري – محمد منير

لو باقي في عمري – محمد منير

لو باقي في عمري شوية وقت
أحب أشوفك أخر حد
واغمض عيني على شكلك
من بين ملايين عُشاق الأرض
مكتوب أسامينا إن إحنا لبعض
مكتوب على قلبي إنه يحب
ده مَحدش قدّي محتاجلك
وإنتِ من بعدي مَلكيش حد

عشق جوايا مزلزلني وقاسمني معاه نصين
عشق جوايا مغميني وموديني معاه على فين

مَكفنيش فيكي عشق الدنيا
ولا عشق الأزمان التانية
أصل أنا مَشبعتش يوم منك
جوايا روحك متشالة
ماشية في شرايني وشغالة
وأدّفى لما أسمع نَفَسِك

كلمات: باسم عادل
ألحان: أحمد فرحات
إنتاج: Qanawat
2019