كلمات اغنية مانسيتك ياحبيبي – سيف الضامي

كلمتك هاذي في قلبي .. مثل طعنات السيوف
اصبر وعطني وتمهل ،، وافتكر يا كم عطيتك

الحياة أخذ وعطا .. والظروف أزمه وتطوف
وأنت لو بفديك بأغلى شي عندي ما وفيتك

هكذا الدنيا مآسي .. تقتل القلب العطوف
وأنت يامرهف شعورك ،، وافتكرت إني سليتك

الزمن بعثر حياتي .. وأنا محتار واشوف
ما قدرت أجمع مصيري ,, لين يالغالي لقيتك

كانت أيامي أماني .. بعضها فرحة وخوف
ينكسر فيها طموحي .. لو دقيقة ما طريتك

كانت أحوال الطبيعة .. ترسم خسوف وكسوف
والظلام أعمى عيوني ,, وانجلى ساعة رائيتك

رحلتي كانت عجيبة .. ما وصفت إلها وصوف
وانت لاحظت المشاعر واشتياقي يوم جيتك

كانت أشواقي تغني .. من حشا قلبي الشغوف
كانت أحوالي تنادي , يابعد عمري فديتك

ما نسيتك يا حبيبي .. لكن اسباب وظروف
مانسيتك يا عيوني ,, لا تقول إني نسيتك