كلمات بتستقوى سمية الخشاب

بتستقوى..

بتيجي عليها وتهينها ومبسوط إنك الأقوى

بتستقوى..

بتكسر بالجحود عينها.. وما فيش لا شهامة ولا تقوى

وماليها جروح.. ده منك للي خلقك روح

بتضربها..

بدل ما تشوف دموع عينها.. فمن حضنك تقربها

بتضربها..

ليه راضي البهدلة عليها.. تحب في يوم تجربها

ضميرك فين.. أكيد ميّت يا عيني خلاص بقاله سنين

هتفضل عايشة مكسورة يا حول الله

ضعيفة يا عيني معذورة في عذاب عيشاه

لو انت تدوس أوي عليها

نجيب مين تاني يحميها

ومين هيكون سند ليها وتعيش ويّاه

بتكسرها ..

وعادي شايفها تعبانة ومافيش مانع تدمرها

بتكسرها ..

وبكرة تفوق مضيعها وهتندم لما تخسرها

و ما تلاقيهاش .. عشان فعلاً ما حبيتهاش

ما فيش إحساس ..

بدال ما تحطها فعينك بتتهان تتشتم تداس

ما فيش إحساس ..

ده راجل يعني حنية ومافيش حنية يبقى خلاص

هيفضل ايه.. ولما تسيبها مقهورة انت كسبان ايه

هتفضل عايشة مكسورة يا حول الله

ضعيفة يا عيني معذورة في عذاب عيشاه

لو انت تدوس اوي عليها

نجيب مين تاني يحميها

ومين هيكون سند ليها وتعيش ويّاه