كلمات خلي الدنيا تشوفك للفنانة بشرى والفنانة شاهيناز
فيكي حاجة غير وفارقة، ولسه فيه عندك كتير
خلي عندك بس جرأة، وقولي انك واحدة غير
عيشي حلمك شوفي نفسك، كملي اللي هتبدئيه
واللي في الأحلام ينافسك بكرة عادي هتسبقيه
اللي قابلك واللي شافك واللي صدفة تكلميه
لو محسش باختلافك سهل يومها تحسسيه
متدارية ومدارية، ساكتة ليه قولي متخافيش
قولي بدل المرة مية، أستحق أحلم واعيش
خلي الدنيا تشوفك يلا واللي نفسك فيه قوليه
شوفي أبعد حلم عنك واحلميه
بكرة على ذوقك كمان اتخيليه وارسميه
واخدة بالك دا بجمالك حلوة وبتحلى الحياة
واللي ناقص فيها كنتي مكملاه
لو في بالك ايه، لو انتي مصدقاه اعمليه
فيكي حاجة غير وفارقة، حاجة واضحة من زمان
تمشي مشية، تخطي خطوة، تتفتح كل الببان
طول حياتك عاملة نقلة باللي ياما شاركتي فيه
هوّ شئ في الدنيا يحلا إلا لو اسمك عليه
النهاردة قبل بكرة حددي انتي عايزة ايه
لمسة منك أو بفكرة شكل بكرة تغيريه
اللي راح منك وفاتك انتي قادرة تعوضيه
واستعدي عشان نجاحك صوت وصورة هتعيشيه
خلي الدنيا تشوفك يلا واللي نفسك فيه قوليه
شوفي أبعد حلم عنك واحلميه
بكرة على ذوقك كمان اتخيليه وارسميه
واخدة بالك دا بجمالك حلوة وبتحلى الحياة
واللي ناقص فيها كنتي مكملاه
لو في بالك ايه، لو انتي مصدقاه اعمليه
