كلمات روح نجدية – أصالة

روح نجدية – أصالة

أهواك والقلب طير في سما صدري
ستل جناحه .. وطار بروح نجدية
روح كثر ما تحبك صرت انا مدري
هي ميته في غيابك أو شبه حيه

من كثر شوقي عليك ومن كبر صبري
بعدك ولا تملى عيني الكوره الأرضية
وإن جيت أبهديك عمري شفت بك عمري
يا كيف أبعطيك شي إنت راعيه

إنت السمو اللي يسمو بهامته قدري
إنت الفخامة وإنته عالمي و ضيه
ماآحبك /أعشق خطاك اللي بها تسري
وأحسد تراب وطيته روحه و جيه

لك في رياض المحبة آه لو تدري
روح كريمة ولٰكن فيك أنانية
إن قلت ماهي على قيد الحيا..عذري
إنك حياتي و على قيدك إهي حية

كلمات: أنور المشيري
ألحان: أسامة العطار
2019