كلمات عم الروش للفنانة سوما

بالذمة في حد بيحب حد، يفضل يلاعبه ويقول بجد
وتملي تاعبه وطريقه سد، قوللي انت قصدك ايه

بالذمة في حد في حياته حد، عايش بقلبه مخلص بجد
والتاني عامله زي اي حد، قوللي انت عايز ايه

جرى ايه يا عم الروش جرى ايه
انا قلبي منك قفش كده ليه
والحب منك طفش، جرى ايه يا عم الروش

جرى ايه يا عم العسل جرى ايه
في ملاوعة ملكش مثل كده ليه
قسّتني وده اللي حصل، راجع بتعيط ليه

طيب روق بس و اهدى، خد منديل نشف دموعك
انا عارفة انك هترجع، مش هيفيد تاني رجوعك

قال ايه راجعلي وجايبلي ورد، وفاكرني هضعف و ادوخ بجد
يا روحي لا دي حيطة سد، انت هتضحك على مين

ما تفكك مني خلاص بجد، حركاتك دي على اي حد
دانا واحدة يابني غير اي حد، مين انت تطلع مين