ماتختلفيش – تامر عاشور

ماتختلفيش عن اللي زمان كانت قبلك
وسهل هايجي من بعدك
ما كنتي تحبي على قدك
وكنتي تسيبي قلبي يعيش
ماتختلفيش هوانا خلاص مالوش معنى
نصيبنا ببعضنا جمعنا
راحتنا هتيجي بوداعنا
وبالمعروف خلاص نبعد ماتتعبينيش

أنا اتمنيت أكون جنبك وقدرتك
طلعتي غير ما فكرتك
وخفت تضيعي وخسرتك
في قلبي وبالي طول وقتي
وعلى بالك أنا مابجيش
وياما اديت وفادني بإيه بقى حناني
مشاعري ليكي قاتلاني
وفاكرك وأنتي ناسياني
مافيش داعي أكملك
نسيت إنك مابتحسيش

ماتختلفيش وأنا الغلطان ليه حبيتك
ولما ضعفتي قويتك
ياريتني ما كنت وياريتك
تروحي بعيد ماترجعيليش
ماتختلفيش كسرتيلي قلبي جوايا
وغلبتيني بكفاية
عليتي عليا ولولايا
لكل اللي إنتي فيه دلوقتي ماوصلتيش
أنا اتمنيت أكون جنبك وقدرتك
طلعتي غير ما فكرتك
وخفت تضيعي وخسرتك
في قلبي وبالي طول وقتي
وعلى بالك أنا مابجيش
وياما اديت وفادني بإيه بقى حناني
مشاعري ليكي قاتلاني
وفاكرك وأنتي ناسياني
مافيش داعي أكملك
نسيت إنك مابتحسيش

كلمات: عمر يحيى
ألحان: تامر عاشور
2019

شاركها.