لبشرة صافية ناعمة كبشرة الطفل ولكل من تعاني من ثقوب وفجوات بالوجة
لبشرة صافية ناعمة كبشرة الطفل ولكل من تعاني من ثقوب وفجوات بالوجة
جبت لكم شي يغنيكم عن اللجوء الى المراكز التجملية
وعن حرق ويهكم بالليزر والفراكس والخرابيط اللي تستنزف جيبك ونتائجها لا تذكر
انا يا عروسات بشرتي مختلطة يعني عندي الدهون تتركز بشكل T ع الجبهه والانف مع شوي من الخدود ومحيط الذقن كامل يعني مع الفك السفلي
واغلب الدهون تتمركز هناك فتطلع لي حبوب في الخدود واسفل الذقن وانا مو مقصرة معاهن اعامل بشرتي بقسوة وعدم اهتمام صارت كانها بشرة رجال كلها حفر وثقوب ومسامات مفتوحة
المهم بسفرتي الاخيرة وتدرون بالسفر تكثر الطلعات لاماكن السياحية وكلها اتربة وغبار
يعني رجعت الله لا يوريكم شكلي يلوع الجبد وربي مابغى حتى اطالع بوجهي بالمنظرة
وعاد الله علي لي حطيت شوية مكياج
البودر كاني احط طين بشرتي مخلط بدهن
قسم بالله تعوف نفسي عن اتكشخ خخخخخخ والا التعليقات اللي اسمعها من القريب والغريب اشكال وانواع واخر تعليق اللي هو كسر ظهر وقلت بعدها
بسسسسسسسسسسسسس لهنا وكافي
التعليق كان من اعز صديقة لي ( حرام تقاسيم وجهك حلوة بس بشرتك اسمحيلي مو شي ابد
اهتمي ببشرتك ترا ايش الفرق بينك وبين الرجال)
المهم فكرت وفكرت وفكرت ,, قلت ايش اسوي مع هالبشرة التعبانة
اول ما فكرت قلت الليزر للتخلص من هالندوب التعبانه
بس قلت خل استشير وماخاب من استشار
عاد اللي استشرتهم كانوا من مجربين لليزر وهم بعد سويت بحث بجوجل عن اللي استخدموا تقنية الليزر هل استفادوا او لا
كل اللي سمعتهم وقرأت عنهم النتائج كانت غير مرضية ولا تذكر
والكل اجمع انه خسارة فلوس ع الفاضي
رديت فكرت وفكرت وفكرت ,,, الى ان تذكرت شي كنت من فترة قرأت عن جل gel بالنت تقول صاحبتة انه ضيق لها المسام الواسعة لانها كانت تعاني منها انا هذيك الفترة اشتريتة واستخدمتة اسبوع وكل يوم اطالع بالمنظرة ابي اشوف نتيجة ماحصلت فرميته بالدرج ونسيت ونسيت امرة بالرغم اني استخدمت نصفةتقريبا وعتبت ع البنات اللي يمدحون الشي ويبالغون بالمدح وبالاخير من تجربينة ماتلقين نتيجة
بس هالمرة قلت في بالي انا ماستفدت منه لان البشرة تعبانة ويبغالها تقشير للطبقات الباهتة من الجلد الميت وبعدين استخدمة
رجعت فكرت وفكرت وفكرت الى ان دلني تفكيري الى محلول المقشر البيبي فيس اكيد كلكم او اغلبكم ع الاقل يعرفة
المهم صرت استخدمة مرتين باليوم الاسبوع الاول ماكان يحرق ولا يعورني ابد بس ع الاسبوع الثاني من احطة احس كاني رشيت مية نار والعياذ بالله ع وجهي احس بحرارة غريبة بس هالحرقان دقايق ويزول وبدا وجهي يتقشر ويحمر بس والله قلت يا انا يا هالبشرة التعبانه اللي صبرني اني بشرتي بدت تتقشر يعني النيجة بدت تظهر ومن الاسبوع الثالث زاد التقشير وصرت ماطلع من البيت لان وجهي الله لا يوركم احمر دم ,,, مرة اخوي قالي اللي يشوفك يقول حد ضاربك بس طنشت كل التعقليات وبالاسبوع الثالث بديت استخدم الجيل اللي قلت لكم عنه مع التقشير يعني احط المحلول وبعد مايتشربة وجهي احط علية الجل بس مو بكامل الوجة فقط ع الخدود واماكن المسامات الواسعة وقلت هالمرة ماراح اطالع وجهي بالمنظرة مثل المرة الاولية كل يوم اراقبة واشوف اذا في تحسن او لا لان مع المراقبة تحسين بيأس لو مالاحظتي اي تغيرات فقلت هالمرة عهد علي استخدمة شهرين بدون توقف االمحلول ومع الجيل
وبعد الشهرين وبشوق المهم ماصبرت للشهرين يعني من الشهر الاول
قررت اطالع بشرتي مع اني ماكملت الشهرين وللحين مستمرة الى ان ينتهي الشهرين
والله ثم والله ان بشرتي تغيرت 180 درجة اولا
بشرتي صارت صافية ونعومة وتحسن فعلا انها بشرة بنت مو رجال
المسام ضاقت بشكل ملحوظ وتقريبا بتختفي يمكن من اكمل الشهرين ماراح يكون لها اثر باذن الله
فرحتي لا توصف وفرحانه اكثر شي بالتعلقيات اللي تجيني
البودر وياعيني ع البودر من احطة احس تبارك الله ( مايحسد المال الا اصحابة ) اني مو حاطة وان التمازج كريم الاساس ببشرتي كانه لوني يعني ماتبين دهون ولا بقع ولا هم يحزنون
لبشرة صافية ناعمة كبشرة الطفل ولكل من تعاني من ثقوب وفجوات بالوجة
طبعا الحين انا بخبركم بالمنتجين الل غيرولي حياتي
ومابي منكم غير الدعوات الصالحة
RDL – Baby Fac RX3
الجيل اسمة Contractubex وانا استخدمت
واللي تجربة وينفع معاها تدعيلي من قلب الله يفرج كربتي وهمي
الشي الثاني ياريت اللي تنقل الموضوع تذكر اني انا صاحبة الموضوع
تدرون الحقوق محفوظة وابغى كل من تستفيد تدعيلي بالخير
ملاحظة اللي بشرتها حساسة وماتتقبل الاشياء الحارة يعني من تستخدم المحلول من اول يوم يحرقها توقف لا تستعملة لان الحرقان مايبدء الا من تتقشر البشرة اي من الاسبوع الثاني وهذا يدل ان بشرتهاحساسة وماتتحمل المحلول ,, فبليز لا تدعون علي انا حذرتكم من الحين
تجربة