معلوومات مهمه عن الرشااقه
ا
قروا الموضوع ترا والله العظيم مفيييييييييييييييييييييد للغاية بس اتمنى تقروه بتمعن
من جد وكل وحده تتخيل نفسها انها مكاني وصدقوني راح تستفيدو باذن الله,,
ابغا انصحكم بجد يا اخواتي والله انا جربت لا تستعجلوا النتايج
ترا العجلة بتقلب على احباط واحباط مع عناد يعني لو قولتي ابغا انزل بسرعة
وتضلي تدوري على نظام غذائي بينزل في الاسبوع من 5 وفوق
ترا هاد مرة مو سهل بالذات للي مو متعودة على الرجيم
حتى لو ضربت معاكي الارادة ووصلت معاكي اعلى درجاتها
لا تستعجلي النزول لازم التدرج والتوسط يعني ابدائي بتخفيف الاول
او حتى ابدائي بمشي مع الاكل العادي
بس المهم مو من اول يوم في الرجيم تقومي تموتي حالك ولا حتى تحرمي نفسك
لان النفس لو حرمتيها من شيء راح تتعبك من جواكي
ولازم تعمل نتيجة عكسية
يعني لو اشتهيتي شيء كلي منه كمية قليلة جدا جدا بس المهم لا تحرميها
يعني كلي اول لقمة وفكري انها اللقمة زي 100 يعني كلها نفس الطعم
اسمك اخدتي منها وعملتي اللي في نفسك
وما منعتيها ولو كترتي حاولي تحرقي بالمشي او الرياضة
ولو منعتيها ممكن تخليكي تكرهي الرجيم وتكرهي الانتظام في الاكل
وماتفكري بالدايت ترا هادا سبب قلة الارادة
بتجي من هنا ومن هادي الاسباب حتى لو كنتي ماشية مع اخصائية
و جات نفسك على شيء اشتهيتيه لا تحرمي نفسك خدي منه شوي
يعني كمية قليله جدا وقومي فورااا احرقيها بالمشي والرياضة
راح تتحرق وكملي الدايت تبعك عادي لا تلخبطيه
وتقولي اكمله بكره ابداااا لا تعملي كده ترا بكره ماراح يجي
واحنا على هادا التفكير وهاد الحال يعني نغير تفكيرنااااااا ورانغير بعض استراتيجياتنا
راح تتغير احوالنا واجسامنا ان شاء الله ونتوصل للهدف المراد واللي اوزانهم عاليه وتعبوا من نفسهم
والله والله والله خليكي على هادي القاعدة وراح ترتاحي عليها وتشوفي بنفسك القاعدة
وهي ( عمل + استمرار = نجااااااح باذن الله )
يعني لو وزنك كبير ونفسك تنحفي لا تعقدي نفسك ترا الحالة النفسية نفسيتك اهم مافي الوجود
وانا عانيت كتيير واتعلمت الحمد لله ويارب لك الحمد كما ينبغي لجلال وجهك وعظيم سلطانك
انا بعمل ومستمرة وباذن الله راح اوصل بفضل الله تعالى ومساعدته ليا
وبالتوكل عليه سبحانه وتعالى
ثم بالنظام العقلاني والمعقول والمشي وبعض الاعشاب الموجودة بالمنتدى راح اوصل
( كنت من اصحاب الاوزان العالية وصل وزني 138 ويمكن اتعديته كمان
بدائت اول اسبوع بالاكل العادي والمشي ساعة يوميا بعد العشاء تاني اسبوع اكل مخفف شوي مع المشي ساعة برضة الاسبوع الثالث نفس الشيء بس زودت المشي صار ساعة ونصف مع اكل مخفف شوي الاسبوع الرابع تخفيف جدااا مع المشي مابين الساعة والساعة والنصف والله نزلت الحمد لله نزلت في حدود المعقول على قدر جهدي اخدت نتيجة والحمد لله انا راضية يارب باللي وصلتلهوكرري هادي العبارة طول وقت الدايت وفي كل امور حياتك قولي يارب انا راضية والحمد لله الحمد لله ويارب ساعدني وتم عليا كرريهم كتير ولا تتواكلي لازم تعملي وتكملي المهم الشهر التاني كله تخفيف وامتنعت تماما عن الدهون الغير نافعة زي المقليات لو ابغا اكل شيء فيه دهون بيكون خفيف جداا او 3 حبات لوز وقللت النشويات لو ابغا اكلها ومضطرة اني اكلها اخد كمية بسيطة يعني مستحيل اشبع منها ولا املئ بطني منها لالالالا اخد بس قطعة عشان نفسي وبس واملء بطني فواكه او خضروات او مشويات او عصيرات المهم يعني كلي وجبه كاملة بس قللي فيها النشويات والدهون والسكريات في الاول كنت استمر على السكر الدايت المنخفض السعرات والدايت بس الحمد لله مع استمراري في الرجيم والنظام الصحي بطلت الدايت ولله الحمد لانه كمان مضر بالصحة ويضرب الكلى المهم يعني لو مرة اشتهيت حلى اكل شيء بسيط واقوم على طول نصف ساعة رياضة واعملها وانا مقوية نفسي بفضل الله تعالى ثم بتشجيعي لحالي واحياننا مااخد حلى اخد 3 حبات تمر بس برضة احرقها والحرق هادا غير المشي اللي متعوده عليه يعني الحمد لله كنت مداومة على كده ولو جعت وحسيت بجوع اكل فواكه او خضار او عصير او اقعد اكل ثلج اكل فيه حاجة حلوة وغريبة شوي بس والله ممتعة
ولو اشتهيت شيء اخدت منه وحرقت واستمريت على كده جيت في الشهر التالت والرابع كنت استمر على رجيمات بسيطة بس طبعا كنت حاطه فيها نفس القاعده يعني سويت رجيم الشوربة وكنت مبسوطة فيه كنت الخبط فيه شوي بس مابطلته لا استمريت وكنت اللي الخبطه احرقة ولا كاني اكلت يعني العملية تمام والحمد لله وسويت ريجيم اللي هو اول يوم لبن وخيار وتاني يوم نوع واحد من الفواكه نوع واحد فقط وتالت يوم لبن وخيار برضة ورابع يوم اي نوع من الفواكه نوع واحد فقط وخامس يوم بروتين نوع واحد فقط ………. هو نظام موجود في المنتدى وبعدكده سويت النظام الالماني وهاد مرة مرة شوفت عليه الصراحه مرة ممتاز وكمان عملته بحذافيرة لاني خلاص اتعودت على الرجيم وعلى المشي اتعودت اسيطر على نفسي بس بعد ماسايستها في الاول صرت اقدر ولله الحمد اتمالك نفسي واسيطر عليها لاني سايستها ومامنعتها والله انا كنت اتعامل مع نفسي كاني اكلم انسان تاني واتعامل معاها بكل حنية والحمد لله بشوف النتايج وانا دحين مازلت مستمرة بس الحمد لله بنزل والله انا كتير كتير اتغيرت وكتير شافوني ماعرفوني باقيلي من 20 الى 15 كيلو حتر يصير وزني مثالي والحمد لله يارب يعني هي مو قليلة بس ارحم من زمان كنت في حاجة 60 كيلو عشان اكون انسانة طبيعية وجسمي مثالي انا يعني راح اخد فترة من 5 الى سته شهور ان شاء الله عشان اكون حققت هدفي والحمد لله الحمد لله الحمد لله انا راضية يارب وبمساعدتك ليا يالله انا راح استمر وبعد كده خلالالالالاص ماراح افرط في جسمي عشان اكل انا اتعلمت كتير واتعذبت اكتر ومن اللي اتعلمته انه محد مسؤؤل عن سعادتي غير نفسي ومحد يقدر يقدملي اي شيء اذا مو انا من نفسي ومن جوايا قادرة اساعد نفسي واقدملها كل اللي اقدر عليه كنت زمان مستنية شيء يخليني اعمل رجيم وكنت مستنية وقت وكنت مستنية اني اقوم من النوم والقى نفسي نحفت وكنت استنى كل سبت وعدى مليون سبت ومابدائت وكنت وكنت وكنت كنت بس الي اكتشفته اني كنت ضعيفة وجلست مع نفسي وفكرت وقولت لازم اخد قرار نفسيتي و صحتي اهم شيء في حياتي قولت لو ماحطيت لنفسي حد لفين راح يوصل وزني راح اعيش عاله على نفسي وعلى اهلي وعلى مجتمعي وراح اموت في ارضي من تعب نفسيتي ومن شكلي ووزني ووووو………خلاص اللي فات مات وانتهى انا اليوم فين وايش بدي اكون وابغا اوصل لايش هاد المهم وبستغل الفرص يعني الذاهب للمسابح وايضا اشتراك في نادي وكمان الخروج للحرم والحمد لله ايضا الدعااااااااااء مفيد جدااااا والرضى التام عن نفسك وعن فضل الله تعالى عليكي وكنت امشي واعمل رياضة ومااحرم نفسي بس احافظ على عملية الحرق والاعتدال وكنت كل فترة والتانية يعني كل 3 اسابيع تقريبا اخد يوم مفتوح بس كنت اكل في هاد اليوم والله وافتكر التعب اللي تعبته وبتعبه على الرجيم وافتكر حلمي الوصول للرشاقة فاكنت اكل بس باعتدال وبرضه في اليوم المفتوح المشي مااسيبه لاتنسووووا لا تستعجلوا النتيجة يعني ان شاء الله بالاستمرار راح توصلي بس استمري مهما لخبطتي لا تتراجعي لالالالا احرقي وكملي وفكري انك كيف بتصيري حلوة ورشيقة وتكوني شكلك اصغر من سنك وووووووووووو انتي شوفي بتحملي باايه بعد ماتصيري نحيفة راح تلبسي وتخرجي وتفصلي وتركبي ملاهي وتركبي خيل و تلعبي وتجري وتعيش مبسوطة وكفاية النفسية مرتاحه بس فكري في قدام ولاتفكري في الاكل الحياة مو اكل وبس الحياة اكبر من كده بكتير واخيرااااااا الحمد لله على كل شيء والحمد لله يارب انا راضية يارب ويارب يارب يارب تكونوا استفدتوا من هادي النصايح والكلام التجارب المتواضعة بس والله انا استفدت منها وحبيت انقلها ليكم يا اعز الناس .