ملف للسمك والجمبرى والسبيط بتكات روعة الجزء الثاني
إعملى السمك والجمبرى والسبيط البيت أحلى و أوفر من محلات السمك والكل هيسألك على الطريقة وسر الخلطة .
الجمبرى المقلى المقرمش زى المحلات
المقادير :
- جمبرى وسط مخلى بس سيبيه بالديل
- تتبليه عادى ملح فلفل ليمون كمون توم فلفل اخضر ناعم
- سيبيه شويه بعدين ضيفى عليه3 م ك دقيق
- وتجيبى طبق فيه دقيق
- تاخدى كبشة جمبرى تقلبيه فيه وترصيه ف صينيه بعيد عن بعضه الى انتهاء الكميه
- تجيبى من الحنفيه مايه وتطرطشى بايدك عليه بسيط اوى
- وتقليه بالزيت الحامى ماتعليش النار علشان يقرمش ادعيلى بقى
طاجن السبيط
المقادير:
- كيلو من السبيط او الكليماري كما يطلق عليه قومي بتنظيفه وتقطيعه
- 6 فصوص من الثوم
- بصلتين كبار الحجم
- ثمرة واحدة من الطماطم
- ثمرة من الفلفل كبيرة الحجم
- فلفل حار (حسب رغبتك)
ملعقتين من الصلصة
- كرفس+ 2 ليمونة
- ملعقتين من الخل + ملح
- كمون + شطة + ثلاثة ملاعق من الزيت
طريقة التحضير:
- لابد من غسيل السبيط جيداً بالخل والملح وقومي بشطفه العديد من المرات حتى تكون المياه شفافة على السبيط
- احضري طاجن فرن وقومي بتقطيع كل من البصل إلى قطع دائرية ثم تقطيع الثوم والطماطم والفلفل والكرفس إلى قطع صغيرة ثم وضع جميع المكونات في الطاجن
- إضافة باقي البهارات مع الليمون والخل والصلصة وتقليب السبيط بالمقادير واضافة الزيت
- قومي بتغطية الصينية بورق الفويل واتركيها على النار وقومي بوضعها في الفرن
اتركيها في الفرن حتى تتشرب المياه ثم قومي بالتقليب واضافة القليل من الماء حتى ينضج السبيط
- يقدم السبيط مع الأرز والطحينة