نصائح ازاي تخلي مولودك الجديد عبقرينو بقلم د.مي سعد الدين

هنقدم لكم مجموعة من النصائح تساعدك في التعامل مع مولودك الجدي وهي ازاي تخلي مولودك الجديد عبقرينو

 اولاً استجيبي بسرعه لما طفلك يعيط

غلط تماما نسيب البيبي يعيط بحجه ان كده بندلعه ده اعتقاد خاطئ تماما ، لما يعيط لاعبي احضنيه مشيه غنيله
احساسه بالامان بينشط الخلايا العصبيه عند الطفل .

ثانياً اعملي مساج يوميا لطفلك

المساج للطفل بيقلل التوتر والغازات والمغص والاهم بيزود الرابطه بين الام والطفل ويديله شعور بالامان  .
في دراسات كتير بتأكد اهميه المساج لدرجه ان في دراسات للمواليد حديثي الولاده ، عمل مساج ٣٣ مرات يوميا بيقلل وقت إقامتهم في الحصانه .

ثالثاُ العبي ألعاب معاه

زي انك تخبي وشك او استغمايه
اللعب ده بتخلي الطفل يتعلم العالقه السببيه بين الفعل ورد الفعل ويبقي لماح ويربط بين الأحداث

رابعاً  اعملي مكان أمن ومريح للزحف

الطفل بيزحف عشان يستكشف البيئه المحيطة به ويعمل له خرائط ذهنيه
فخلي مكان في البيت يكون أمن سطحه ناعم يعني ممكن تحطي سجاده او البلوكز المعموله من الفلين عشان رجلي متوجعهوش وميعورش من اَي حاجه حاده في الارض وشيلي طبعا مستلزمات البيت اللي مَش عايزها تدمر من المكان ده
حطي بقي في المكان ده مكعبات وألعاب بتعمل صوت وانوار عشان تلفت انتباه ويفكر ازاي يتستغل ويربط كل ده في دماغه

سابعاً شجعي وصقفيلوا

التشجيع بيزود تقته بنفسه وثقته بمهاراته فيجب يطورها عشان ماما تتبسط وتصقفله

كلمي طفلك بمخارج الفاظ واضحه وزني في الكلام

• مراكز الكلام في المخ بتخزن كل كلمه الطفل بيسمعها وبشوف نطقها وياسلام لو كان كل ده ممزوج بلغه الحب والحنان في التعبير
• الطفل هيخزن كل ده وبيساعده مَش بس علي الكلام أسرع ولكن بينمي مراكز الإبداع والتخطيط عند الطفل
• في النهايه متستهونيش باي حاجه بتعمليها لطفلك
• كل حركه
• كل كلمه
• بتترجم في خلايه مخه

حاجات بسيطه بس ليها تأثير كبير جدا والله  التعليم في الصغر كالنقش ع الحجر